ព័ត៌មានជាតិ

ចង់ដឹងទេតើរោគសញ្ញាជំងឺកូវីដ១៩ និង ជំងឺផ្តាសាយ មានលក្ខណៈខុសគ្នាត្រង់ណាខ្លះ

បានផុស

៦ years មុន

នៅ

ថ្ងៃសុក្រ ៤ ធ្នូ ២០២០

ដោយ

ភ្នំពេញ ៖ ខណៈពេលដែលប្រទេសកម្ពុជាកំពុងមានការឆ្លងរាតត្បាតជំងឺកូវីដ១៩ចូលទៅក្នុងសហគមន៍និងមានប្រជាពលរដ្ឋយើងមួយចំនួនមានអាការៈគ្រុនផ្តាសាយដោយសារអាកាសធាតុចុះត្រជាក់ដែលធ្វើឲ្យប្រជាពលរដ្ឋខ្លះបែងចែកមិនច្បាស់លាស់រវាងរោគសញ្ញាកូវីដ១៩និងរោគសញ្ញាផ្តាសាយ។

បើតាមក្រសួងសុខាភិបាលបានឲ្យដឹងថារោគសញ្ញាជំងឺកូវីដ១៩និងជំងឺផ្តាសាយមានលក្ខណៈខុសគ្នាដូចជារោគសញ្ញានៃជំងឺកូវីដ១៩រួមមានទី១.គ្រុនក្តៅលើសពី៣៧.៥អង្សាសេទី២. ក្អកនិងឈឺកលើសពី៤ថ្ងៃ ទី៣.អាចមានអាការរមួលពោះក្អួតចង្អោររាគរួសនិងពិបាកដកដង្ហើមទី៤. ករណីធ្ងន់ធ្ងរអាចឈានដល់រលាកឬហើមសួតនិងទី៥ឈឺតាមដងខ្លួននិងទទួលទានបាយមិនសូវបាន។

បន្ថែមពីរោគសញ្ញាទាំង៥ខាងលើនេះ អ្នកដែលសង្ស័យថា មានឆ្លងជំងឺកូវីដ១៩ត្រូវមានប្រវត្តិធ្វើដំណើរឆ្លងខេត្តក្នុងប្រទេសកម្ពុជាឬក្រៅប្រទេសកម្ពុជាកំឡុងពេល១៤ថ្ងៃមុនចេញរោគសញ្ញា។

បានប៉ះពាល់ជាមួយអ្នកដែលបានធ្វើដំណើរក្រៅប្រទេសកម្ពុជាកំឡុងពេល១៤ថ្ងៃមុនចេញរោគសញ្ញាឬបានប៉ះពាល់ជាមួយអ្នកជំងឺកូវីដ១៩ដែលបញ្ជាក់ដោយមន្ទីរពិសោធន៍ក្នុងកំឡុងពេល១៤ថ្ងៃមុនពេលចេញរោគសញ្ញាឬជាអ្នកថែទាំសុខភាពនៅគ្រឹះស្ថានសុខាភិបាល។

ចំណែករោគសញ្ញានៃជំងឺផ្តាសាយវិញរួមមានទី១.ឡើងកំដៅខ្ពស់តែនឹងធូរស្រាលវិញបន្តិចម្ដងៗទី២.ក្អកកណ្ដាស់បន្តិចបន្តួចតែនឹងធូរស្រាលវិញបន្តិចម្ដងៗទី៣.មិនមានអាការៈរាគរួសទី៤.តឹងច្រមុះហៀរសំបោរពិបាកដកដង្ហើមនិងទី៥អស់កម្លាំងឈឺតាមដងខ្លួនបន្តិចបន្តួច៕
ដោយ ៖ សំអឿន

Related Topics: