ព័ត៌មានជាតិ

កសិករដាំល្ហុងលើផ្ទៃដី១ហិកតា ទទួលបានផលចាប់ពី២០តោនទៅ២៥តោន

បានផុស

៦ years មុន

នៅ

ថ្ងៃសុក្រ ៤ ធ្នូ ២០២០

ដោយ

ផ្លែល្ហុង ជាប្រភេទបន្លែនិងពេលទុំជាបង្អែមហើយតម្រូវទីផ្សាររាល់ថ្ងៃមិនអាចខ្វះបានដោយកសិករយើងដាំក្នុងរយៈពេលខ្លីបានផលច្រើន។

តាមការបញ្ជាក់របស់លោក ទូច លី កសិករដាំដំណាំល្ហុងនៅស្រុកកោះធំ ខេត្តកណ្តាល បានរៀបរាប់ថា កន្លងមកដំណាំល្ហុងដាំក្នុងមួយហិកតាទទួលបានផលពី២០តោនទៅ២៥តោន ក៏ប៉ុន្តែមកដល់បច្ចុប្បន្ននេះមានការប្រែប្រួលច្រើនដោយដាំក្នុង១ហិកតាបានផលតែ ១០ទៅ១៥តោនប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លីបន្តថា ដោយឡែកទីផ្សារផ្លែល្ហុងបើលក់ពីដើមដៃបានថ្លៃ១០០០រៀលក្នុង១គីឡូក្រាមហើយពេលដែលសម្បូរអាចធ្លាក់ថ្លៃបន្តិចបន្តួច។ នៅក្នុងការបណ្តុះកូនល្ហុងត្រូវប្រើរយៈពេល១ខែឡើងទៅទើបអាចយកមកដាំបានហើយត្រូវធ្វើការថែទាំដោយបោចស្មៅ ថែរក្សាគល់ និងស្រោចទឹកដាក់ជីផងដែរ ជាទម្លាប់ទូទៅនៅតំបន់ខ្លះដែលដាំតាមវាលទំនាបដោយចាប់ផ្តើមដាំតាំងពីខែវិច្ឆិការហូតដល់ខែមេសា ទើបដើមល្ហុងទទួលបានផលផ្លែជាលើកដំបូងរហូតដល់ទឹកលិចចម្ការវិញ ឬបើទឹកទន្លេមិនឡើងមិនលិចទេក៏ដើមល្ហុងនៅតែផ្តល់ផលឲ្យកសិករយើងជាប្រចាំដដែល៕
ដោយ ៖ កញ្ញា វ៉ាត