ព័ត៌មានជាតិ

ផ្ទះ៣ខ្នង និងតូប២ទៀត ត្រូវអគ្គិភ័យលេបត្របាក់ទាំងស្រុង និងខូចខាតទ្រព្យសម្បត្តិមួយចំនួនធំ

បានផុស

៦ years មុន

នៅ

ថ្ងៃសៅរ៍ ៥ ធ្នូ ២០២០

ដោយ

កំពង់ចាម ៖ នៅវេលាម៉ោង១៣ និង២០នាទី ថ្ងៃទី០៥ ខែធ្នូ ឆ្នាំ២០២០ មានករណីអគ្គិភ័យមួយបានលាបត្របាក់ផ្ទះលក់សាំង និងរាលដាលដល់ផ្ទះ៣ខ្នងនិង២តូបទៀត ឆាបឆេះខ្ទេចគ្មានសល់។ ហេតុការណ៍នេះកើតឡើង នៅចំណុចក្រុម១ ភូមិ ២ឃុំអូរត្រេះ ស្រុកស្ទឹងហាវ ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសមត្ថកិច្ចបានឲ្យដឹងថា ក្នុងប្រតិបត្តិការនេះ សមត្ថកិច្ចបានប្រើប្រាស់រថយន្តពន្លត់អគ្គីភ័យ សរុបចំនួន១២គ្រឿង ប្រើប្រាស់ទឹកអស់២៥ស៊ីទែន។ ដោយសារឆេះផ្ទះលក់ប្រេងសាំង ប្រេងម៉ាស៊ូត សិប្បកម្មដែក យានដ្ឋាន ដែលមានម្ចាស់ឈ្មោះ ទី១/ ហួត សារ៉ន ភេទប្រុស អាយុ៣៥ឆ្នាំមុខរបរ ជាងរថយន្ត និងសិប្បកម្មដែក ទី២/ សួន សារិទ្ធ(ហៅតឿ) ភេទប្រុស អាយុ៤៩ឆ្នាំ មុខរបរ លក់ប្រេង និងគ្រឿងឡាន (ផ្ទះកើតហេតុ) ម្ចាស់ផ្ទះរងរបួសបញ្ជូនទៅ មន្ទីរពេទ្យបង្អែកខេត្តព្រះសីហនុ ទី៣/ សេះ សារិទ្ធ អាយុ៣៨ឆ្នាំ មុខរបរជាងជួសជុលម៉ូតូ។ ទី៤/ កៅ យុទ្ធីយ៉ា ភេទប្រុសអាយុ២៨ឆ្នាំ មុខរបរលក់ទូរសព្ទ (ខូចខាតទាំងស្រុង) និងទី៥/ កៅ ឡាដា ភេទស្រី អាយុ ៣០ឆ្នាំ មុខរបរលក់កាហ្វេ (ខូចខាតទាំងស្រុង)។

ចំណែកសម្ភារៈខូចខាតរួមមាន ១.ផ្ទះ១ខ្នង ទំហំ០៨ម៉ែត្រគុណ១៦ម៉ែត្រធ្វើពីថ្មប្រក់ស៊ីប្រូ និងតសំយ៉ាបធ្វើពីដែកប្រក់ស័ង្កសីទំហំ១០គុណ១២ម៉ែត្រ(ឆេះទាំងស្រុង) ទី២.ផ្ទះ២ខ្នងផ្សេងទៀតឆេះរោលមួយចំហៀង ទី៣.រថយន្ត ចំនួន០២គ្រឿង ទី៤/ម៉ាក់លុចស៊ីសXR330 ខូចខាតទាំងស្រុង ទី៥/ ហិនដាយ porter 1តោន (ឆេះរោលមួយចំហៀង) ទី៦ម៉ូតូចំនួន១៧គ្រឿង ទី៧.តូបលក់ទូរសព្ទ័១និងសម្ភារះឆេះទាំងស្រុង និងទី៨.តូបលក់កាហ្វេនិងសម្ភារៈឆេះទាំងស្រុង៕