ព័ត៌មានជាតិ

១ខែជាងទៀតដំណាំប៉ិកួៈ របស់អ្នកស្រុកកំពង់សៀម បានផលហើយ

បានផុស

៤ years មុន

នៅ

ថ្ងៃអាទិត្យ ៦ ធ្នូ ២០២០

ដោយ

ខេត្តកំពង់ចាម៖ ប្រជាកសិករដែលរស់នៅតំបន់ទំនាប នៅក្នុងស្រុកកំពង់សៀម ខេត្តកំពង់ចាម ជាច្រើនគ្រួសារនាំគ្នាដាំដំណាំប៉ិកួៈ ខណៈឆ្នាំនេះទឹកលិចដីចំការ បណ្តាលឲ្យដំណាំមានជីវជាតិនិងលូតលាស់បានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាកសិករដែលរស់នៅតាមជួរមាត់ទន្លេ ក្នុងឃុំកៀនជ្រៃ ឃុំរអាង ឃុំរំចេក ឃុំហាន់ជ័យ នៃស្រុកកំពង់សៀម ខេត្តកំពង់ចាម បាននាំគ្នាបង្កបង្កើនផលដំណាំប៉ិកួៈ ព្រោះផ្ទៃដីស្រែចំការនៅតំបន់នេះមានជីវជាតិល្អ ដីប្រភេទល្បាយខ្សាច់ និងងាយស្រួលថែទាំផងដែរ។ បើតាមកសិករម្នាក់ លោកពូ ថេ សុខ រស់នៅភូមិស្ពានថ្មី ឃុំកៀនជ្រៃ ស្រុកកំពង់សៀម ដែលកំពុងកាត់ត្រួយស្លឹកប៉ិកួៈបានប្រាប់ឲ្យដឹងថា ឆ្នាំនេះទឹកជំនន់បានជន់លិចដីស្រែចំការទាំងអស់ ហើយបានធ្វើឲ្យដំណាំដែលបង្កបង្កើនដូចជា ប៉ិកួៈ សណ្តែកដី និងពោតជាដើម ខណៈការលូតលាស់បានល្អ និងធ្ងន់ជំងឺទៀតផង។ កសិកររូបនេះបានបញ្ជាក់បន្ថែមទៀតថា សង្ឃឹមថាឆ្នាំទិន្នផលទទួលផលបានច្រើន ហើយតម្លៃខ្ពស់ពេលលក់លើទីផ្សារ។

គូសបញ្ជាក់ផងដែរថា ក្នុងរយៈពេល១ខែកន្លះទៀត ដំណាំប៉ិកួៈរបស់អ្នកកំពង់សៀម នឹងទទួលផលហើយ បន្ទាប់ពីប្រមូលផលប៉ិកួៈកសិករនៅតំបន់នេះ ចាប់ផ្តើមនាំគ្នាដាំដំណាំរួមផ្សំ មានពោត សណ្តែកដី ត្រសក់ស្រូវ និងម្ទេស..ជាដើម៕
អត្ថបទ រូបភាព ៖ លោក ហុង ម៉េងហៀ