Connect with us

ព័ត៌មានជាតិ

ប្រមុខ​រាជរដ្ឋាភិបាល អំពាវនាវ​ឲ្យ​ពង្រឹង​សមត្ថភាព​វិស័យ​សុខាភិបាល និង​ប្រយុទ្ធប្រឆាំង​ជំងឺ​កូ​វីដ​១៩ ដើម្បី​កុំឱ្យ​បរទេស​មើលងាយ

បានផុស

នៅ

ដោយ​ផ្តើម​ចេញ​ពី​ប្រតិកម្ម​ជាមួយ​លោក​ឧ​ត្ត​ម​សេនីយ៍ ងូ ស៊ុន​ចៀន មេទ័ព​ការពារ​ព្រំដែន​វៀតណាម ដែល​ចោទប្រកាន់​កម្ពុជា​ថា ជា​ប្រភព​នាំ​ជំងឺឆ្លង​ចូល​ទៅ​ក្នុង​ប្រទេស​របស់​ខ្លូន​នោះ សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា បាន​អំពាវនាវ​ឲ្យ​អ្នកពាក់ព័ន្ធ​ទាំងអស់ យកចិត្តទុកដាក់​ប្រយុទ្ធប្រឆាំង​ជំងឺ​កូ​វីដ​១៩ ដើម្បី​កុំឱ្យ​បរទេស​ណាមួយ​មើលងាយ​បាន​។

មាន​ប្រសា​ស​ន៍​នៅក្នុង​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ​នូវ​ផ្លូវជាតិ​លេខ​១១ និង​សាងសង់​គន្លង​ផ្លូវ​ថ្មី​វាង នៃ​ក្រុង​ព្រៃវែង ព្រឹក​ថ្ងៃទី​០៦ ខែធ្នូ ឆ្នាំ​២០២១ នេះ សម្តេច​តេ​ជោ​ហ៊ុន សែន បាន​បញ្ចេញ​ប្រតិកម្ម​ខ្លាំងៗ​ទៅកាន់​លោក​ឧ​ត្ត​ម​សេនីយ៍ ងូ ស៊ុន​ចៀន មេទ័ព​ការពារ​ព្រំដែន​វៀតណាម​ដែល​ចោទប្រកាន់​កម្ពុជា​ថា ជា​ប្រភព​នាំ​ជំងឺឆ្លង​ចូល​ទៅ​ក្នុង​ប្រទេស​វៀតណាម​។

សម្ដេច​តេ​ជោ ហ៊ុន សែន បាន​បញ្ជាក់ថា ប្រទេស​តូច​មួយ​នេះ មិនត្រូវ​នរណា​ប្រមាថ​មើល​ងាយ​ជាដាច់ខាត ដូច្នេះ​យើង​ត្រូវ​ប្រឹង​ទាំងអស់​គ្នា កុំ​ឲ្យ​ជំងឺ​កូ​វីដ​ងើបឡើង​វិញ កុំឱ្យ​អ្នកណា​មើលងាយ​បាន​ឲ្យ​សោះ​។ ត្រូវ​ប្រឹងប្រែង​ព្យាបាល​ប្រជាជន ការពារ​ប្រជាជន​ពី​ជំងឺឆ្លង មិន​ថា​កូ​វីដ​ទេ ឬ​ជំងឺ​ដទៃទៀត ពង្រឹងសមត្ថភាព​វិស័យ​សុខាភិបាល​របស់​កម្ពុជា ដើម្បី​ឆ្លើយតប​នឹង​តម្រូវ​ការធានា​សុខភាព​របស់​ប្រជាជន​។ សម្តេច​តេ​ជោ​បន្តថា រាជរដ្ឋាភិបាល​កម្ពុជា​បាន​ខិតខំ​ប្រឹង​ស្វែងរក​វ៉ាក់សាំង​បង្ការ​ជំងឺ​កូ​វីដ​១៩ ដើម្បី​ចាក់​ជូន​ប្រជាជន ហើយ​បច្ចុប្បន្ននេះ រាជរដ្ឋាភិបាល​បាន​ខិតខំ​ឆ្ពោះទៅរក​ការផលិត​វ៉ាក់សាំង ដែល​មកដល់ពេលនេះ ទទួល​បាន​ការ​គាំទ្រ​ពី​រដ្ឋាភិបាល​ចិន​ហើយ​។

គួរ​រំលឹក​ថា កាលពី​ថ្ងៃទី​១០ ខែមិថុនា ឆ្នាំ​២០២0​កន្លងទៅ មេទ័ព​ការពារ​ព្រំដែន​វៀតណាម​បានរៀបចំ​ស​ន្និសិទ​ស្តី​វិធានការ​ការពារ​ការឆ្លង​ជំងឺ​កូ​វីដ​១៩ តាម​ព្រំដែន​វៀតណាម​-​កម្ពុជា​។ នៅពេលនេះ លោក ងូ ស៊ុន​ចៀន បាន​និយាយ​ថា បើ​វៀតណាម​មិន​ធ្វើការ​ប្រុងប្រយ័ត្ន​ទេ ជំងឺឆ្លង​ពី​កម្ពុជា​នឹង​ចូល​ទៅ​វៀតណាម ដូច​ជំនន់​ទឹកទន្លេ​មេគង្គ​។ សម្តេច​តេ​ជោ បាន​ហៅ​សម្តី​បែបនេះ​ថា បានធ្វើឱ្យ​សម្តេច​មានការ​ឈឺចាប់ និង​ថា មេទ័ព​វៀតណាម​រូបនេះ មិនត្រូវ​ប្រើប្រាស់​ពាក្យសម្តី​យ៉ាងនេះ​មកលើ​ប្រទេសជិតខាង​នោះឡើយ​។ សម្តេច​ថា កម្ពុជា​តូច​មែន តែ​មិន​អនុញ្ញាត​ឱ្យគេ​មើលងាយ​ដាច់ខាត​។ ដូច្នេះហើយ​ឧ​ត្ត​ម​សេនីយ៍ ងូ ស៊ុន​ចៀន ត្រូវ​ទទួលខុស​ត្រូវចំ​ពោះ​ការនិយាយ​របស់ខ្លួន ហើយ​ត្រូវតែ​សុំទោស​ដល់​ប្រជាជន​កម្ពុជា​ចំពោះ​ពាក្យសម្តី​ប្រមាថ​នេះ​។

រហូតមកដល់​ពេលនេះ ការឆ្លង​រាលដាល​ជំងឺ​កូ​វីដ​១៩ នៅ​ប្រទេស​កម្ពុជា បាន​ធ្លាក់ចុះ​យ៉ាងខ្លាំង ស្របពេល​ដែលមាន​ប្រជាជន​ជាង​៨៨ ភាគរយ​បាន​ចាក់​វ៉ាក់សាំង​រួចរាល់ ខណៈដែល​វៀតណាម​ឆ្លង​ខ្ទង់​ម៉ឺន​នាក់​ក្នុង​១​ថ្ងៃ​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៣ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៤ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៧ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៧ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម