Connect with us

ព័ត៌មានជាតិ

អាជ្ញាធរខណ្ឌពោធិ៍សែនជ័យ សំណូមពរប្រជាពលរដ្ឋ ជួយថែរក្សាអនាម័យបរិស្ថាន

បានផុស

នៅ

អាជ្ញាធរខណ្ឌពោធិ៍សែនជ័យ បាននិងកំពុងយកចិត្តទុកដាក់ជាខ្លាំង ទៅលើបញ្ហាអនាម័យបរិស្ថាន ពីព្រោះថា បើបរិស្ថានមិនស្អាតទេនោះ នឹងធ្វើឲ្យប៉ះពាល់ទៅដល់សុខភាព របស់ប្រជាពលរដ្ឋ។ ក្នុងនោះ ផ្លូវសំខាន់ៗ ៤ខ្សែ ដែលត្រូវបានអាជ្ញាធរខណ្ឌពោធិ៍សែន តែងយកចិត្តទុកដាក់សម្អាតជាប់ជាប្រចាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាង លីដា អភិបាលរងខណ្ឌពោធិ៍សែនជ័យ បានលើកឡើងថា អាជ្ញាធរខណ្ឌពោធិ៍សែនជ័យ តែងតែគិតគូរគ្រប់បញ្ហា ជូនប្រជាពលរដ្ឋរស់នៅក្នុងមូលដ្ឋាន ជាពិសេសបញ្ហាអនាម័យ បរិស្ថាន តែម្តង។

នៅថ្ងៃទី ៩ ខែធ្នូ ឆ្នាំ ២០២១ ក្រុមការងាររដ្ឋបាលខណ្ឌពោធិ៍សែនជ័យ បានសហការជាមួយរថយន្តបូមដី របស់រដ្ឋបាលរាជធានីភ្នំពេញ បានចុះបូមដី និងលាងសម្អាត នៅតាមបណ្ដោយផ្លូវចោមចៅ (ផ្លូវ វេងស្រេង) ចាប់ផ្ដើមពីព្រំប្រទល់ខណ្ឌមានជ័យ (ទាំងសងខាងផ្លូវ) រហូតទៅដល់រង្វង់មូលចោមចៅ មូលដ្ឋានខណ្ឌពោធិ៍សែនជ័យ។

សកម្មភាពនេះក៏មានការចូលរួម ពីមន្ត្រីការិយាល័យសាធារណការខណ្ឌ អាជ្ញាធរសង្កាត់ចោមចៅទី ១ អាជ្ញាធរសង្កាត់ចោមចៅទី ២ កម្លាំងសណ្តាប់ធ្នាប់សាលាខណ្ឌ ដោយប្រើប្រាស់ឡានបូមដី របស់រដ្ឋបាលរាជធានីភ្នំពេញ ១គ្រឿង និងឡានទឹកសាលាខណ្ឌ ១គ្រឿង។ ចំណែកផ្លូវ ដែលសំខាន់ជាងគេ ត្រូវតែមានសភាពស្អាតជាប់ជានិច្ច រួមមាន៖ ផ្លូវសហព័ន្ធរ៉ូស្ស៊ី ផ្លូវចោមចៅ (ផ្លូវវេងស្រេង) ផ្លូវ ២០០៤ និង ផ្លូវទំនប់កប់ស្រូវ។

លោក ប៉ាង លីដា ក្នុងនាមអាជ្ញាធរខណ្ឌពោធិ៍សែនជ័យ ក៏បានធ្វើការសំណូមពរ ឲ្យក្រុមរថយន្តដឹកជញ្ជូនខ្សាច់ ឬដី ដែលកំពុងចរាចរនៅលើដងផ្លូវទាំងអស់ ត្រូវគ្របតង់ឲ្យបានត្រឹមត្រូវ និងមិនត្រូវដឹកលើសទម្ងន់ ដែលច្បាប់បានកំណត់ឡើយ។ ក្នុងនោះ សូមចូលរួមអនុវត្ត ច្បាប់ចរាចរណ៍ផ្លូវគោកឲ្យបានត្រឹមត្រូវទាំងអស់គ្នា៕

អត្ថបទ៖ រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

ឧ​ត្ត​ម​មន្ត្រី ADSOM និង ADSOM-Plus បើក​កិច្ចពិភាក្សា​ត្រៀម​សម្រាប់​កិច្ចប្រជុំ​ថ្នាក់​រដ្ឋមន្ត្រី​ការពារជាតិ នៅ​ខែមិថុនា និង​វិច្ឆិកា ខាងមុខ

ព័ត៌មានជាតិ១៥ នាទី មុន

ទេសរដ្ឋមន្រ្តី លី ធុជ ៖ ភាគីពាក់ព័ន្ធវិស័យមីន បានចូលរួមផ្តល់នូវធនធាន និងជំទាញបច្ចេកទេស ដើម្បីឲ្យទស្សនវិស័យ និងគោលបំណងរបស់រា ជរដ្ឋាភិបាលកម្ពុជាទទួលបានជោគជ័យ​

ចរាចរណ៍២១ នាទី មុន

បើកបរ​លឿន​ពេក​ជ្រុល​ធ្លាក់ផ្លូវ​​ទៅបុក​ដើមឈើ​បណ្ដាល​ឲ្យ​ មនុស្ស២នាក់​ស្លាប់ និង​រងរបួស​ធ្ងន់​ម្នាក់

ព័ត៌មានជាតិ២៩ នាទី មុន

ទូត​បារាំង​ស្នើ​​ឱ្យ​មាន​​ការ​អភិរក្ស​សំណង់​អគារ​ចាស់​ៗ​​សម័យ​បារាំង​នៅ​​ភ្នំពេញ​​

កីឡា៥១ នាទី មុន

កម្ពុជា ឈ្នះមេដាយមាស ២គ្រឿងបន្ថែមថ្ងៃនេះ នៅស៊ីហ្គេម លើប្រភេទកីឡាវ៉ូវីណាម និងតេក្វាន់ដូ

Sokha Hotels

ព័ត៌មានពេញនិយម