ព័ត៌មានជាតិ

ព្រឹត្តិការណ៍សហគមន៍ ២៨ វិច្ឆិកា ៖ ពលរដ្ឋនិងអាជីវករនៅខេត្តសៀមរាប មានការគោរពតាមការណែនាំរបស់រដ្ឋាភិបាលនិងក្រសួងសុខាភិបាល

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

សៀមរាប ៖ យោងតាមអនុសាសន៍ណែនាំដ៏ខ្ពង់ខ្ពស់ របស់សម្តេច ហ៊ុន សែន នាយករដ្ឋមន្ត្រី ពាក់ព័ន្ធនឹង «ព្រឹត្តិការណ៍សហគមន៍ ២៨ វិច្ឆិកា» និងដើម្បីចូលរួមចំណែកជាមួយរាជរដ្ឋាភិបាលកម្ពុជា និងតាមការណែនាំ រួមនឹងវិធានការនានារបស់ក្រសួងសុខាភិបាល ក្នុងការប្រយុទ្ធប្រឆាំងនឹងការរីករាលដាលនៃជំងឺ កូវីដ-១៩ ក្នុងសហគមន៍ នៅខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិញករណីនេះដែរ អាជីវករម្នាក់នៅផ្សារលើធំថ្មី បានឲ្យដឹងថា ក្នុងរយៈពេលប៉ុន្មានថ្ងៃនេះ លក់ដូរមិនសូវដាច់ទេស្ងាត់ឈឹង បាត់អស់ប្រហែលជាង៥០ភាគរយ។ តែពួកគាត់នៅតេបន្តលក់ដដែល ដោយគាត់បានអនុវត្តន៍វិធានការការពារទៅការណែនាំរបស់ក្រសួងសុខាភិបាល។ ចំណែកលោកហ៊ុប ថៃ ប្រធានផ្សារលើធំថ្មី បានឲ្យដឹងនៅរសៀលថ្ងៃទី០៧នេះថា បន្ទាប់ពីកើតមាន «ព្រឹត្តិការណ៍សហគមន៍ ២៨ វិច្ឆិកា»នេះមកនៅផ្សារលើធំថ្មី ហាក់មានការចុះថយពលរដ្ឋមកទិញឥវ៉ាន់ប្រមាណជាង៥០ភាគរយ។

លោកបន្តថា ចំពោះអាជីវករលក់ដូរ ក៏មានការចុះថយ អស់ប្រមាណជាង៣០ភាគរយ។ លោកបញ្ជាក់ថា នៅក្នុងផ្សារលើ រាល់ថ្ងៃមានអាជ្ញាធរខេត្តបានចុះមកចែកម៉ាសនិងអាល់កុល ព្រមទាំងណែនាំដល់អាជីវករឲ្យចេះពីវិធីការពារពីជំងឺ កូវីដ-១៩។

ពាក់ព័ន្ធនឹងករណីនេះដែរ លោកនួន ពុទ្ធារ៉ា អភិបាលក្រុងសៀមរាប បានមានប្រសាសន៍ប្រាប់កម្ពុជាថ្មី ឲ្យដឹងនៅថ្ងៃទី ០៧នេះថា នាពេលថ្មីៗនេះ រាជរដ្ឋាភិបាលកម្ពុជា សម្តេចតេជោ បានផ្តល់ម៉ាស់ ឯកឧត្តម អភិបាលខេត្តសៀមរាប ដើម្បីយកមកចែកជូនដល់អាជីវករ, អ្នកបើកម៉ូតូកង់បី,ពលរដ្ឋ ព្រមទាំងបានណែនាំ ដល់ពួកគាត់ឲ្យចេះពីវិធីការពារពីជំងឺកូវីដ១៩។លោកបន្ថែមថា សូមស្នើឲ្យបងប្អូនពលរដ្ឋទាំងអស់នៅក្នុងក្រុងសៀមរាប មេត្តាជួយរួមគ្នាបង្ការនិងការពារករណីឆ្លងវីរ៉ូសកូវីដ១៩នៅក្នុង «ព្រឹត្តិការណ៍សហគមន៍ ២៨ វិច្ឆិកា»ឲ្យបានដល់ថ្ងៃកំណត់ដែលក្រសួងសុខាភិបាល បានកំណត់។

ទោះបីយ៉ាងនេះក្តី គេសង្ឃឹមថាពលរដ្ឋទាំងអស់នឹងចូលរួមអនុវត្តន៍ថែរក្សាអនាម័យឲ្យបានខ្ជាប់ខ្ជួនចៀសផុតពីជំងឺកូវីដ១៩៕
ដោយ ៖ កុសល