ព័ត៌មានជាតិ
ផ្ទះថ្ម ១៣ ល្វែង កសាងជំនាន់បារាំង អាយុជិត ៩០ ឆ្នាំ ត្រៀមវាយកម្ទេចចោល ក្នុងពេលខាងមុខនេះ
ផ្ទះថ្ម ចំនួន ១៣ ល្វែង ដែលបានកសាងនៅជំនាន់បារាំងមកដល់ពេលនេះ មានកាលអាយុ ៩០ ឆ្នាំហើយ មានសភាពពុកផុយទ្រុឌទ្រោម ដែលមានប្រជាពលរដ្ឋរស់នៅចំនួន ១២ គ្រួសារ ស្ថិត នៅ ក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង។ ក្នុងពេលថ្មីៗនេះប្រជាពលរដ្ឋជាម្ចាស់ទាំង ១២គ្រួសារផ្ទះបានយល់ព្រមចាកចេញហើយជៀសវាងហានិភ័យដែលអាចនិងបាក់ស្រុត បង្កគ្រោះថ្នាក់ដល់អាយុជីវិត ដើម្បីទុកឲ្យអាជ្ញាធរជួយវាយកម្ទេចចោលក្នុងពេលឆាប់ៗខាងមុខនេះ។
ឯកឧត្តម សាន់ យូ អភិបាលរងនៃគណៈអភិបាលរងខេត្តកំពង់ឆ្នាំង កាលពីអំឡុងពាក់កណ្ដាលខែធ្នូ ឆ្នាំ ២០២១ កន្លងមក ក្នុងពេលចុះណែនាំប្រជាពលរដ្ឋជាម្ចាស់ផ្ទះឱ្យចាកចេញពីផ្ទះទាំង ១៣ ល្វែងដែលមានហានិភ័យនេះ បានឲ្យក្រុមអ្នកយកព័ត៌មានយើងដឹងថា យោងតាមសេចក្តីជូនដំណឹងរបស់ក្រសួងរៀបចំដែនដី នគររូបនីយកម្ម សំណង់ និងសុរិយោដី និងសេចក្តីជូនដំណឹងរបស់មន្ទីរវប្បធម៌និងវិចិត្រសិល្បៈ ខេត្តកំពង់ឆ្នាំង នៅក្នុងអំឡុងឆ្នាំ២០១៩ បានជម្រាបជូនដល់ប្រជាពលរដ្ឋជាម្ចាស់ផ្ទះទាំង ១៣ ល្វែង ផ្ទះថ្មផ្ទះទាំងបីល្វែងខាងលើនេះ បានកសាងឡើងនៅជំនាន់បារាំង មានអាយុកាលជិត ៩០ ឆ្នាំហើយ និងមកដល់ពេលនេះមានសភាពទ្រុឌទ្រោមពុកផុយ ដែលមិនអាចរស់នៅទៀតបានឡើយ ព្រោះអាចនឹងរលំបាក់ស្រុត បង្កគ្រោះថ្នាក់ដល់ប្រជាពលរដ្ឋជាអ្នករស់នៅ ។ ហេតុនេះ អាជ្ញាធរខេត្តសូមអំពាវនាវឲ្យបងប្អូនប្រជាពលរដ្ឋជាម្ចាស់ផ្ទះទាំង ១២ គ្រួសារ សូមធ្វើការចាកចេញពីផ្ទះ ១៣ ល្វែងនេះ ដើម្បីបញ្ចៀសគ្រោះថ្នាក់ដែលអាចកើតមានឡើងជាយថាហេតុ។ ប៉ុន្តែក្រោយពីអាជ្ញាធរខេត្តក្រុង និងស្ថាប័នពាក់ព័ន្ធបានជូនដំណឹងដូចខាងលើនេះ អស់រយៈកាល៣ឆ្នាំ និងដោយមានការណែនាំអប់រំជាបន្តបន្ទាប់ ចំពោះហានិភ័យផងនោះ ទើបប្រជាពលរដ្ឋជាម្ចាស់ផ្ទះទាំង ១២ គ្រួសារយល់ព្រមចាកចេញនៅអំឡុងពាក់កណ្តាលខែធ្នូ ឆ្នាំ២០២១ នេះ ។
ចំពោះវិធានការបន្តអាជ្ញាធរខេត្ត បានណែនាំដល់ប្រជាពលរដ្ឋទាំង ១២ គ្រួសារ ធ្វើលិខិតស្នើសុំរួមគ្នា ១ សុំ ច្បាប់អាជ្ញាធរខេត្ត សុំវាយផ្ទះល្វែងនេះចោល។ ក្រោយពីវាយកម្ទេចចោលរួចហើយនោះ ប្រជាពលរដ្ឋជាម្ចាស់ផ្ទះ ត្រូវធ្វើលិខិតរួមគ្នាមួយទៀត ស្នើសុំអាជ្ញាធរខេត្តសុំប្លង់កសាងសំណង់លំនៅឋាននេះឡើងវិញ។ ជាមួយគ្នានេះដែរអាជ្ញាធរខេត្ត បានសន្យាថា នឹងជួយធ្វើការសម្របសម្រួលជាមួយមន្ទីរជំនាញជួយគូរប្លង់ និងចេញប្លង់ជូនប្រជាពលរដ្ឋឲ្យបានឆាប់ ដោយមិនឱ្យរាំងស្ទះយូរនោះឡើយ។
ប្រជាពលរដ្ឋជាម្ចាស់ផ្ទះខាងលើនេះ ក៏ធ្លាប់បាននិយាយឲ្យក្រុមអ្នកយកព័ត៌មានយើងដឹងថា ដោយមានការសន្យារបស់អាជ្ញាធរខេត្ត ដែលបានលើកឡើងថា នឹងជួយសម្រួលក្នុងការវាយកម្ទេចផ្ទះនេះចោល និងជួយគូរប្លង់ និងចេញប្លង់អនុញ្ញាតឱ្យសាងសង់លំនៅឋាននេះឡើងវិញនោះ ទើបពួកគាត់យល់ព្រមចាកចេញ។ ហេតុនេះ ពួកគាត់បានសំណូមពរដល់ក្រុមអ្នកសារព័ត៌មាន សុំឲ្យជួយធ្វើសាក្សី និងដឹងឮផងដែរ ចំពោះការសន្យាខាងលើនេះ របស់អាជ្ញាធរខេត្ត។
សូមបញ្ជាក់ផងដែរថា ក្រោយពីប្រជាពលរដ្ឋជាម្ចាស់ផ្ទះចំនួន ១២ គ្រួសារអត់បានចាកចេញ អាជ្ញាធរក្រុង និងខេត្តក៏បានធ្វើរបងហ៊ុមព័ទ្ធសំណង់ទាំង ១៣ នេះ និងក៏បានកាត់ផ្ដាច់ចរន្តអគ្គិសនី នៅក្នុងផ្ទះទាំង ១៣ ល្វែងខាងលើនេះ ដើម្បីបញ្ចៀសគ្រោះថ្នាក់រលំបាក់ស្រុត ដែលនឹងអាចកើតឡើងជាយថាហេតុ និងដើម្បីត្រៀមវាយកម្ទេចចោលក្នុងពេលឆាប់ៗខាងមុខនេះផងដែរ ក្រោ យពេលប្រជាពលរដ្ឋជាម្ចាស់ផ្ទះបានសុំច្បាប់វាយកម្ទេចផ្ទះល្វែងនេះចោលជាផ្លូវការ ៕
អត្ថបទ៖ ឈៀងថារិទ្ធ
អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត
ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង
សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស
Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់
កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការសិក្សារបស់សិស្ស
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៧ ម៉ោង agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore