ព័ត៌មានជាតិ
ជនជាតិដើមភាគតិច ព្រួយបារម្ភបាត់បង់ដើមទ្រាំងផ្ដល់ផលប្រយោជន៍ច្រើន
ជនជាតិដើមភាគតិចរស់តំបន់ដាច់ស្រយាលក្នុងភូមិវាលពោធិ៍ ឃុំអន្លង់ភេ ស្រុកថាឡាបរិវត្ត ខេត្តស្ទឹងត្រែង ដោយមានការកាប់ទន្ទ្រានពីជនខិលខូចមួយចំនួន ពួកគាត់ព្រួយបារម្ភពីការបាត់បង់ដើមទ្រាំង សម្រាប់ប្រើប្រាស់ទៅតាមតម្រូវការ ដែលអាចឱ្យពួកគាត់កែច្នៃធ្វើជារបស់លក់ដូរ ឬធ្វើផ្ទះសម្បែងក៏បាន។
លោក ប៉ូយ ជនជាតិដើមភាគតិច រស់នៅភូមិវាលពោធិ៍ ឃុំអន្លង់ជ្រៃបានរៀបរាប់ថា ដើមទ្រាំងគេអាចយកស្លឹកវាមកប្រក់ដំបូលផ្ទះឬបាំងជញ្ជាំងក៏បាន ចំពោះអ្នកខ្វះធនធានអត់មានលទ្ធភាពទិញឈើឬស័ង្កសីមកប្រក់ និងអាចកែច្នៃធ្វើជាចង្កឹះ វែកបាយ ស្លាបព្រា សម្រាប់លក់ដូរ ដោះស្រាយជីវភាពបានទៀតផង។
លោក ប៉ូយ បានបញ្ជាក់បន្ថែមថា ប្រភេទដើមទ្រាំង នៅជិតភូមិរបស់គាត់ កាលពីដើមឡើយមានច្រើនណាស់។ តែប៉ុន្មានឆ្នាំចុងក្រោយនេះ មានការកាប់រានព្រៃឈើរបស់រដ្ឋ ដោយប្រើប្រាស់គ្រឿងចក្រ ហើយថែមទាំងមានភ្លើងឆេះព្រៃផងនោះ ហើយអាជ្ញាធរក៏មិនបានគិតគូផង មិនយូរមិនឆាប់រុក្ខជាតិប្រភេទនេះ អាចនិងបាត់បង់អស់ជាក់ជាមិនខាន។
លោកបានសំណូមពរដល់អាជ្ញាធរមានសមត្ថកិច្ច សុំឱ្យជួយការពារទប់ស្កាត់សម្បត្តិធម្មជាតិដែលនៅសេសសល់ទាំងនោះផង។លោកថាប្រជាពលរដ្ឋដែលក្រីក្ររស់នៅតាមស្រុកស្រែចំការ ភូមិឆ្ងាយដាច់ស្រយាលខ្វះខាតថវិកា ពួកគេអាចយកដើមទ្រាំងមកប្រើប្រាស់ធ្វើផ្ទះ និងកែច្នៃលក់បានប្រាក់គ្រាន់សម្រួលដល់ជីវភាពបានមួយចំនួនផងដែរ។
អ្នកភូមិដែលរស់នៅតំបន់នោះពួកគាត់មានការព្រួយបារម្ភពីការបាត់បង់រុក្ខជាតិដ៏មានតម្លៃ សម្រាប់អ្នកក្រីក្ររស់នៅតំបន់ជនបទដូចពួកគាត់។ ព្រោះពួកគាត់គ្មានសង្ឃឹមអ្វីក្រៅពីរុក្ខជាតិប្រភេទនេះទេ ដែលអាចជួយប្រជាពលរដ្ឋដែលរស់នៅតំបន់នោះ យកមកធ្វើផ្ទះសម្បែង ឬកែច្នៃជារបស់លក់ដូរសម្រាប់ជីវភាពរស់នៅប្រចាំថ្ងៃផងដែរ៕
អត្ថបទ៖ ងិនលីម
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore