ព័ត៌មានជាតិ
ទូតបារាំងថា ការងារសិទ្ធិមនុស្ស ពាក់ព័ន្ធជាអន្តរវិស័យ ពុំមានភាពងាយស្រួលទេ
ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋបារាំងលោក ហ្សាក់ ប៉ឹឡ កាលពីរសៀលថ្ងៃសុក្រ ទី២១ ខែមករា ឆ្នាំ២០២២ បានជួបពិភាក្សាការងារជាមួយលោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្តី និងជាប្រធានគណៈកម្មាធិការសិទ្ធិមនុស្សកម្ពុជា ដែលជំនួបនេះ ភាគីទាំងពីរបានជជែកពិភាក្សាលើរបៀបវារៈសំខាន់ៗចំនួន៣ រួមមាន៖ បញ្ហាទាក់ទងនឹងសិទ្ធិមនុស្ស, បេសកកម្មការងាររបស់គណៈកម្មាធិការសិទ្ធិមនុស្ស និងអំពីអង្គជំនុំជម្រះវិសាមញ្ញក្នុងតុលាការកម្ពុជា (ECCC) ។
ថ្លែងនៅក្នុងជំនួបនោះ លោកឯកអគ្គរដ្ឋទូតបានវាយតម្លៃខ្ពស់ចំពោះគណៈកម្មាធិការសិទ្ធិមនុស្សកម្ពុជា ក្នុងកិច្ចខិតខំប្រឹងប្រែងក្នុងបេសកកម្មការងារសិទ្ធិមនុស្សនាពេលកន្លងមក ហើយទទួលបានសមិទ្ធផលជាច្រើន។ លោកបញ្ជាក់ទៀតថា “ការងារសិទ្ធិមនុស្ស គឺជាការងារមួយដែលមានការពាក់ព័ន្ធជាអន្តរវិស័យ និងមិនមានភាពងាយស្រួលនោះទេ ដែលទាមទារនូវការយកចិត្តទុកដាក់ខ្ពស់”។ ជាមួយគ្នានោះ លោកឯកអគ្គរដ្ឋទូតរំពឹងថា កិច្ចសហប្រតិបត្តិការរវាងកម្ពុជា និងបារាំង ក្នុងវិស័យសិទ្ធិមនុស្ស នឹងត្រូវបានពង្រឹងពង្រីកឲ្យកាន់តែប្រសើរឡើងថែមទៀត។
ចំណែកលោក កែវ រ៉េមី បានលើកឡើងពីវឌ្ឍនភាព នៃស្ថានភាពសិទ្ធិមនុស្សនៅកម្ពុជា តាមរយៈកិច្ចខិតខំប្រឹងប្រែងរបស់រាជរដ្ឋាភិបាលក្នុងការលើកកម្ពស់សិទ្ធិមនុស្ស ជាពិសេសក្នុងកំឡុងពេលនៃ រីករាលដាលនៃជំងឺកូវីដ-១៩។ លោកក៏បានលើកឡើងផងដែរ ពីបេសកកម្មការងារ និងសមិទ្ធផលស្នាដរបស់គណៈកម្មាធិការសិទ្ធិមនុស្សកម្ពុជា ក្នុងការងារសរសេររបាយការណ៍ជាតិសិទ្ធិមនុស្ស ការងារស៊ើបអង្កេត យន្តការទទួល និងដោះស្រាយពាក្យបណ្តឹងពាក់ព័ន្ធនឹងការរំលោភបំពានសិទ្ធិមនុស្ស និងការផ្តល់ជំនួយផ្នែកច្បាប់ដោយមិនគិតថ្លៃ។
ដោយឡែកចំពោះកិច្ចការសាលាក្ដីខ្មែរក្រហម លើកឡើងពីសមិទ្ធផល និងជោគជ័យធំៗចំនួន៥៖
ទី១. បានក្លាយជាតុលាការអន្តរជាតិ គំរូដែលប្រទេសមួយចំនួនកំពុងរៀនសូត្រតាមរួមមាន ប្រទេសបង់ក្លាដេស កេនយ៉ា សេនេហ្គាល់ ស្រីលង្កា និងអាហ្វ្រិកកណ្តាល។
ទី២. ជាតុលាការអន្តរជាតិដែលប្រើប្រាស់ថវិកាតិចជាងគេ (ជាង២០លានដុល្លាក្នុងមួយឆ្នាំ បើធៀបទៅតុលាការអន្តរជាតិផ្សេងទៀតបានប្រើប្រាស់ថវិកា១០០លានដុល្លាក្នុងមួយឆ្នាំ។
ទី៣. ជាតុលាការដែល អនុញ្ញាតឱ្យមានការចូលរួមស្ដាប់សវនាការពីដើមបណ្តឹងរដ្ឋប្បវេណីមានចំនួនច្រើនជាងគេ។
ទី៤. បានបន្សល់នូវ កេរ្តិ៍ដំណែលសម្រាប់ការបង្កើតនូវរដ្ឋបាលតុលាការ នៃប្រព័ន្ធតុលាការគ្រប់ជាន់ថ្នាក់នៅកម្ពុជា។
ទី៥. ដំណើរការតុលាការនេះ បានបង្ហាញនូវភាពម្ចាស់ការ និងការដឹកនាំរបស់កម្ពុជា ដែលនាំមកនូវការបង្រួបបង្រួម និងផ្សះផ្សាជាតិ និងអធិបតេយ្យភាពជាតិ៕ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ