ព័ត៌មានជាតិ
អភិបាលរាជធានី ស្នើសូមឲ្យទូតអារ៉ាប៊ីសាអ៊ូឌីតជួយអំពាវនាវអ្នកមាននិយោគទុន មកបណ្ដាក់ទុន រកស៊ីឲ្យបានច្រើន នៅរាជធានីភ្នំពេញ
ភ្នំពេញ ៖ លោកឃួង ស្រេងអភិបាលនៃគណៈអភិបាលរាជធានីភ្នំពេញ បានស្នើសូមឲ្យឯកអគ្គរាជទូតអារ៉ាប៊ីសាអ៊ូឌីតប្រចាំព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម មាននិងវសនដ្ឋាននៅទីក្រុងហាណូយ ជួយអំពាវនាវ ទៅដល់អ្នកវិនិយោគទុន ប្រទេសអារ៉ាប៊ីសាអ៊ូឌីត អោយមកវិនិយោគ បណ្ដាក់ទុន រកស៊ីនៅរាជធានីភ្នំពេញអោយបានច្រើន ខណៈដែលរាជធានីភ្នំពេញបានបើកសេដ្ឋកិច្ចប្រទេសឡើងវិញ ក្រោយពីជំងឺកូវីដ-១៩មានភាពធូរស្រាល ដែលអាចទប់ស្កាត់ការរីករាលដាលជំងឺនេះបានល្អប្រសើរ។
ការស្នើឡើងបែបនេះ របស់លោកឃួង ស្រេង បានធ្វើការឡើង កាលពីល្ងាចថ្ងៃទី២៨ មករាឆ្នាំ២០២២ ក្នុងជំនួបសំដែងការគួរសម រវាងលោកឃួង ស្រេងអភិបាលរាជធានីភ្នំពេញ និងលោក ហ្វាហាត់ សាអ៊ូឌ អាល់សូវៃលឹម (H.E Saul F.MAL Suwelim) ឯកអគ្គរាជទូតអារ៉ាប៊ីសាអ៊ូឌីតប្រចាំព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម មាននិវសនដ្ឋាននៅទីក្រុងហាណូយ នៅសាលារាជធានីភ្នំពេញ។
លោកឃួង ស្រេង បានមានប្រសាសន៍លើកឡើងថា នៅរាជធានីភ្នំពេញមានកម្មករ កម្មការិនីបម្រើការងារប្រមាណ៦០ម៉ឺននាក់ ។ រាជធានីភ្នំពេញ ក៏ដូចជា ប្រទេសកម្ពុជាទាំងមូលបានបង្ការទប់ស្កាត់ជំងឺកូវីដ-១៩ បានយ៉ាងល្អ ដោយសារ ក្រោមការដឹកនាំរបស់សម្ដេចតេជោហ៊ុន សែន បានស្រោចវ៉ាក់សាំងការពារជំងឺកូវីដ-១៩ បានល្អ រហូតទទួលបានចំណាត់ថ្នាក់លេខ៣ លើពិភពលោក និងបានបើកសេដ្ឋកិច្ច ប្រទេសអោយមានប្រក្រតីភាពឡើងវិញផងដែរ។
ទន្ទឹមនឹងនេះ លោកស្នើសូមឲ្យឯកអគ្គរាជទូតអារ៉ាប៊ីសាអ៊ូឌីតប្រចាំព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម មាននិវសនដ្ឋាននៅទីក្រុងហាណូយ ជួយអំពាវនាវ ទៅអ្នកវិនិយោគទុន ប្រទេសអារ៉ាប៊ីសាអ៊ូឌីតមកវិនិយោគ បណ្ដាក់ទុន រកស៊ីនៅរាជធានីភ្នំពេញអោយបានច្រើន ដូចជាទៅលើហេដ្ឋារចនាសម្ព័ន្ធផ្សេងទៀត មានទាំង លូ ប្រឡាយ ទឹកជាដើម ។ រាជធានីភ្នំពេញនិងទទួលយកអ្នកវិនិយោគទុនទាំងអស់ពីអារ៉ាប៊ីសាអូឌីត ។
លោកឃួង ស្រេង ក៏បានថ្លែងនូវ ការអរគុណផងដែរចំពោះបំណងល្អរបស់អារ៉ាប៊ីសាអ៊ូឌីតលើ កម្ចីឥណទាន ក្នុងការកសាងនូវហេដ្ឋារចនាសម្ព័ន្ធរូបវ័ន្តនៅកម្ពុជា តាមរយៈការសម្របសម្រួលពីលោកឧកញ៉ាអូស្មាន់ហាស្សាន់ផងដែរ។
លោក ហ្វាហាត់ សាអ៊ូឌ អាល់សូវៃលឹម (H.E Saul F.MAL Suwelim) បានមានប្រសាសន៍លើកឡើងថា រាជធានីភ្នំពេញ ពិតជាមានភាពស្រស់បំព្រង យើងបានជំរុញឲ្យមាន វិស័យទេសចរណ៍នៃប្រទេស ទាំងពីរ កម្ពុជា -អារ៉ាប៊ីសាអូឌីត មានភាពល្អប្រសើរ ដោយប្រជាពលអារ៉ាប៊ីសាអូឌីត បានមកទេសចរណ៍នៅកម្ពុជា ច្រើន ហើយពលរដ្ឋកម្ពុជាក៏បានទៅទេសចរ នៅប្រទេសអារ៉ាប៊ីសាអូឌីត ច្រើនផងដែរ ។
លោកមានបំណងចង់ចងសម្ព័ន្ធភាព ឲ្យកាន់តែល្អប្រសើរជាមួយនឹងប្រទេសកម្ពុជា ក្នុងនោះ រដ្ឋមន្ត្រីក្រសួងការបរទេសអារ៉ាប៊ីសាអូឌីត មានបំណងមក ធ្វើទស្សនកិច្ចនៅប្រទេសកម្ពុជាដែរ ប៉ុន្តែត្រូវបានលើកពេលទៅវិញ ហើយគ្រោងនឹងមកទស្សនកិច្ចនៅប្រទេសកម្ពុជាក្នុងអំឡុងខែ មិនា ឆ្នាំ ២០២២ខាងមុខ។
លោក ហ្វាហាត់ សាអ៊ូឌ អាល់សូវៃលឹម បានទទួលស្គាល់ថា កម្ពុជាគឺជាប្រទេសមួយដែលមានលទ្ធិប្រជាធិបតេយ្យពេញលេញ ហើយក៏ជាប្រទេសមួយទប់ស្កាត់កូវីដ-១៩ បានយ៉ាងល្អប្រសើរផងដែរ។
លោកថា ប្រទេសអារ៉ាប៊ីសាអ៊ូឌីត គឺជាប្រទេសមួយក្នុងចំណោមប្រទេសទាំង២០ ដែលជាប្រទេសអ្នកមាន ដែលធ្វើអោយអារ៉ាប៊ីសាអ៊ូឌីត មានជំនួយជាច្រើន លើវិស័យមនុស្សធម៌ជាមួយចំនួនលើពិភពលោក ។ សម្រាប់កម្ពុជា អារ៉ាប៊ីសាអ៊ូឌីតបានជួយនិស្សិតកម្ពុជាចំនួន ៨៥កន្លែង ទាំង បរិញ្ញាបត្រនិងបណ្ឌិតផងដែរ៕
ដោយ ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ