ព័ត៌មានជាតិ
សិស្សជាប់បាក់ឌុបនិទ្ទេស A នៅក្រុងតាខ្មៅទទួលរង្វាន់ម៉ូតូម្នាក់ ១ គ្រឿង
សិស្សជាប់និទ្ទេស A ចំនួន ៣២ នាក់នៅក្រុងតាខ្មៅ ទទួលបានម៉ូតូម្នាក់១គ្រឿងពីរដ្ឋបាលខេត្តកណ្តាល ដើម្បីជាការលើកទឹកចិត្តចំពោះការខិតខំសិក្សារៀនសូត្របស់សិស្សទទួលបានជ័យលាភីទោះបីជាស្ថិតក្នុងស្ថានភាពជំងឺកូវីដ១៩។
ពិធីប្រគល់រង្វាន់ជ័យលាភីសិស្សប្រឡងជាប់សញ្ញាបត្រមធ្យមសិក្សាទុតិយភូមិក្នុងក្រុងតាខ្មៅបានធ្វើឡើងកាលពីរសៀលថ្ងៃទី២៨ ខែមករា ឆ្នាំ២០២២។
ក្រៅពីសិស្សជាប់និទ្ទេស A រដ្ឋបាលខេត្តកណ្តាលក៏បានផ្តល់រង្វាន់លើកទឹកចិត្តដល់សិស្សប្រឡងជាប់បាក់ឌុបនៅក្រុងតាខ្មៅផងដែរក្នុងនោះមានសិស្សជាប់និទ្ទេស B ចំនួន ១១៦ នាក់ ម្នាក់ៗទទួលបានថវិកា ៤០ម៉ឺនរៀល និទ្ទេស C ចំនួន ២០២ នាក់ ម្នាក់ៗទទួលបានថវិកា ៣០ ម៉ឺនរៀល និទ្ទេស D ចំនួន ៣៥៦ នាក់ ម្នាក់ៗទទួលបានថវិកា ២០ ម៉ឺនរៀល និទ្ទេស E ចំនួន ៣៨៨ នាក់ ម្នាក់ៗទទួលបានថវិកា ១០ ម៉ឺនរៀល។ ជាមួយគ្នានេះ លោកគ្រូ អ្នកគ្រូ ចំនួន១២០នាក់ទទួលបានថវិកា១០ ម៉ឺនរៀល ក្នុងមួយនាក់ផងដែរ។
ថ្លែងនៅក្នុងពិធីនោះ លោក ម៉ៅ ភិរុណ ប្រធានក្រុមប្រឹក្សាខេត្ត និងជាប្រធានក្រុមការងាររាជរដ្ឋាភិបាល ចុះមូលដ្ឋានក្រុងតាខ្មៅ បានសម្តែងនូវការកោតសរសើរ និងអបអរសាទរ ចំពោះសិស្សានុសិស្សដែលទទួលបានជ័យលាភីទាំងអស់ចំពោះការប្ដេជ្ញាចិត្តខ្ពស់ និងការខិតខំប្រឹងប្រែងយ៉ាងខ្លាំងក្លា រហូតទទួលបានជោគជ័យយ៉ាងត្រចះត្រចង់សម្រាប់ខ្លួនឯង គ្រួសារ និងសង្គមជាតិទាំងមូល។
លោកបន្តថា លទ្ធផលដែលសម្រេចបានទាំងនេះ គឺអាស្រ័យដោយការយកចិត្តទុកដាក់របស់ ក្មួយៗជាជយលាភីផ្ទាល់ផង ក៏ដូចជាឪពុកម្តាយឬអាណាព្យាបាលផង ព្រមទាំងការជួយគាំទ្ររបស់រាជរដ្ឋាភិបាល អាជ្ញាធរគ្រប់លំដាប់ថ្នាក់ ដែលមានមន្ទីរ និងក្រសួងអប់រំ។
លោកម៉ៅ ភិរុណ បានបន្តទៀតថា ទោះបីជាក្នុងរយះពេល២ឆ្នាំកន្លងមកនេះបានរាតត្បាត និងគំរាមកំហែងដល់ជីវភាពរស់នៅរបស់ប្រជាពលរដ្ឋ ពិសេសបានប៉ះពាល់ដល់ការសិក្សាដោយផ្ទាល់របស់សិស្សដោយជម្ងឺកូវីដ-១៩ ដែលមិនអនុញ្ញាតអោយសិស្សបានមកទទួលការអប់រំដោយផ្ទាល់នៅសាលា តែសិស្សានុសិស្សអាចទទួលបានការរៀនសូត្រពីចម្ងាយក្រោមការយកចិត្តទុកដាក់បង្រៀនពីសំណាក់លោកគ្រូអ្នកគ្រូ។
លោក គង់ សោភ័ណ្ឌ អភិបាល នៃគណៈអភិបាលខេត្តកណ្ដាលបានមានប្រសាសន៍ថា ការប្រឡងសញ្ញាបត្រមធ្យមសិក្សាទុតិយាភូមិ សម័យប្រឡងថ្ងៃទី២៧ ខែធ្នូ ឆ្នាំ២០២១ សម្រាប់ខេត្តកណ្តាលមានបេក្ខជនប្រឡងជាប់ សរុប ៥៩២៤ នាក់ (ស្រី៣៦០៥5នាក់) ស្មើនឹង៦៨.២២% នៃចំនួនបេក្ខជនមានឈ្មោះក្នុងបញ្ជីប្រឡង ក្នុងនោះនិទ្ទេស A សរុប ១២៧ នាក់ ស្រី៨៥នាក់ -និទ្ទេស B សរុប៤៦៣នាក់ ស្រី២៧៥នាក់ និទ្ទេស C សរុប៩៥១នាក់ ស្រី៦២៧ នាក់និទ្ទេស D សរុប១៩៦៤នាក់ ស្រី១២២១នាក់និទ្ទេស E សរុប២៤១៩ នាក់ ស្រី ១៣៩៧នាក់៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)