ព័ត៌មានជាតិ
អ្នកនាំពាក្យក្រសួងការបរទេសកម្ពុជាថា មិនទាន់មានព័ត៌មានពីកិច្ចប្រជុំពិសេសអាស៊ាន-អាមេរិក
កិច្ចប្រជុំពិសេសអាស៊ាន-អាមេរិក នឹងត្រូវធ្វើឡើងនៅថ្ងៃទី២៨-២៩ ខែមីនា នេះ នាទីក្រុងវ៉ាស៊ីនតោន សហរដ្ឋអាមេរិក ដែលកិច្ចប្រជុំនេះរៀបចំដោយប្រទេសឥណ្ឌូនេស៊ី ជាប្រទេសសម្របសម្រួលសម្រាប់ទំនាក់ទំនងអាស៊ាន-អាមេរិក នេះបើតាមការផ្សាយរបស់វិទ្យុបារាំង ដោយដកស្រង់ព័ត៌មានពីសេតវិមានប្រធានាធិបតីអាមេរិក ប៉ុន្តែអ្នកនាំពាក្យក្រសួងការបរទេសកម្ពុជាអះអាងថា មិនទាន់មានព័ត៌មាននេះទេ។
តាមសេចក្តីថ្លែងការណ៍របស់លោកស្រី Jen Psaki លេខាផ្នែកព័ត៌មានរបស់សេតវិមាន កាលពីថ្ងៃចន្ទ ម្សិលមិញបានឲ្យដឹងថា កិច្ចប្រជុំកំពូលពិសេសនេះ នឹងបង្ហាញពីការប្តេជ្ញាចិត្តយូរអង្វែងរបស់សហរដ្ឋអាមេរិកចំពោះអាស៊ាន ដោយទទួលស្គាល់តួនាទីស្នូលរបស់ខ្លួនក្នុងការផ្តល់នូវដំណោះស្រាយប្រកបដោយនិរន្តរភាពចំពោះបញ្ហាប្រឈមដ៏លំបាកបំផុតក្នុងតំបន់ និងការរំលឹកខួប៤៥ ឆ្នាំ នៃទំនាក់ទំនងអាមេរិក និងអាស៊ាន។
ចំណែកអ្នកស្រី Karine Jean-Pierre អ្នកនាំពាក្យរងសេតវិមានធ្លាប់បានថ្លែងថា លោកប្រធានាធិបតី Joe Biden ទន្ទឹងរង់ចាំស្វាគមន៍បណ្ដាមេដឹកនាំ នៃប្រទេសជាសមាជិកអាស៊ានមកកាន់រដ្ឋធានីវ៉ាស៊ីនតោន សម្រាប់កិច្ចប្រជុំពិសេសរវាងសហរដ្ឋអាមេរិក និងអាស៊ាន នៅខែនេះ។ លោកស្រីបន្តថា សហរដ្ឋអាមេរិកតាំងចិត្តពង្រឹងភាពជាដៃគូជាមួយអាស៊ាន ក៏ដូចជាមជ្ឈភាពរបស់អាស៊ានផងដែរ។ អាមេរិកនឹងបានធ្វើការ ដើម្បីពង្រឹងកិច្ចសហប្រតិបត្តិការនៅក្នុងតំបន់ និងជំរុញឲ្យមានតំបន់ឥណ្ឌូប៉ាស៊ីហ្វិកមួយ ដែលមានលក្ខណៈសេរី និងបើកចំហ។
ទាក់ទងព័ត៌មាននេះ លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជាបានអះអាងនារសៀលនេះថា មិនទាន់មានព័ត៌មានពីកិច្ចប្រជុំនៅឡើយទេ។ លោកថា កិច្ចប្រជុំកំពូលអាស៊ាន-អាមេរិក ត្រូវបានរៀបចំឡើងដោយប្រទេសឥណ្ឌូនេស៊ី ជាប្រទេសសម្របសម្រួលសម្រាប់ទំនាក់ទំនងអាស៊ាន-អាមេរិក ហើយសម្រាប់ពេលនេះ មិនមានព័ត៌មានណាមួយសម្រាប់ប្រព័ន្ធផ្សព្វផ្សាយនៅឡើយទេ។
គួររំលឹកថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងដឹកនាំគណៈប្រតិភូជាន់ខ្ពស់ ចូលរួមកិច្ចប្រជុំពិសេសអាស៊ាន-អាមេរិក នៅរដ្ឋធានីវ៉ាស៊ីនតោននៅពេលខាងមុខ តាមការអញ្ជើញពីលោក ចូ បៃដិន ប្រធានាធិបតីអាមេរិក ហើយកាលពីថ្ងៃ១៤ ខែមករា លោក ចូ បៃដិន បានផ្ញើលិខិតជូនសម្តេចតេជោ បញ្ជាក់ពីការទន្ទឹងរង់ចាំស្វាគមន៍សម្តេចទៅចូលរួមកិច្ចប្រជុំ ហើយសម្តេចក៏បានផ្ញើលិខិតថ្លែងអំណរគុណទៅលោក បៃដិន វិញដែរ បញ្ជាក់ពីការអរគុណ និងការធ្វើដំណើរទៅចូលរួមប្រជុំនេះ៕
ដោយ ៖ កោះកែវ
ប្រជាពលរដ្ឋចាប់បានក្រពើមួយក្បាលក្នុងស្ទឹងសង្កែ
មន្ត្រីជាន់ខ្ពស់ក្រសួងរៀបចំដែនដី ជំរុញអាជ្ញាធរមូលដ្ឋានដោះស្រាយការចុះបញ្ជីដីពាក់ព័ន្ធបុរាណដ្ឋានដែលនៅសល់ក្នុងខេត្តសៀមរាប
និស្សិតកម្ពុជា៣៤រូប បានជាប់អាហារូបករណ៍ទៅបន្តការសិក្សានៅប្រទេសជប៉ុន
ដេប៉ូស្តុកខ្សាច់ គ្រួស ៦កន្លែង ក្នុងឃុំទន្លេបិទ រងការរិះគន់ការដឹកចែកចាយរំលោភការអនុញ្ញាត
សម្ដេចធិបតី និងលោកជំទាវបណ្ឌិត ចាត់ឲ្យគ្រូពេទ្យឯកទេស ព្យាបាលស្ត្រីម្នាក់ ដែលកើនជាតិពុលក្នុងក្រពេញពកក ឬ ក្រពេញទីរ៉ូអ៊ីត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល