ព័ត៌មានជាតិ

ស្អែកនេះ ឧបនាយករដ្ឋមន្ត្រី ប្រាក់ សុខុន នឹងធ្វើសន្និសីទសារព័ត៌មាន ស្តីពីលទ្ធផលនៃដំណើរទស្សនកិច្ចនៅមីយ៉ាន់ម៉ា

បានផុស

៤ years មុន

នៅ

ថ្ងៃអង្គារ ២២ មីនា ២០២២

ដោយ

នៅព្រឹកថ្ងៃទី២៣ ខែមីនា ឆ្នាំ២០២២ស្អែកនេះ លោកឧបនាយករដ្ឋមន្ត្រី ប្រាក់ សុខុន នឹងត្រឡប់មកកាន់កម្ពុជាវិញ បន្ទាប់ពីបំពេញទស្សនកិច្ចរយៈពេល៣ថ្ងៃ ហើយលោកនឹងធ្វើសន្និសីទសារព័ត៌មានស្តីពីលទ្ធផល នៃដំណើរទស្សនកិច្ចការងារ នៅវេលាម៉ោង ១០ព្រឹកនៅអាកាសយានដ្ឋានអន្តរជាតិភ្នំពេញ នេះបើតាមការបញ្ជាក់ពីក្រសួងការបរទេស នារសៀលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និងជាប្រេសិតពិសេសរបស់ប្រធានអាស៊ាន ស្ដីពីមីយ៉ាន់ម៉ា បានដឹកនាំគណៈប្រតិភូអញ្ជើញទៅបំពេញទស្សនកិច្ចការងារនៅសាធារណរដ្ឋសហភាពមីយ៉ាន់ម៉ា កាលពីព្រឹកថ្ងៃទី២១ ខែមីនា ។

នៅពេលទៅដល់មីយ៉ាន់ម៉ាភ្លាម លោកបានជួបសាវនាការជាមួយនាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា ហើយនៅក្នុងជំនួបសវនាការនោះ ភាគីទាំងពីរបានពិភាក្សា និងផ្លាស់ប្តូរទស្សនៈ ស្តីពីការអនុវត្ត និងវឌ្ឍនភាព នៃការព្រមព្រៀងជាឯកច្ឆន្ទ៥ ចំណុចរបស់អាស៊ាន ក្រោយពីដំណើរទស្សនកិច្ចរបស់សម្តេចតេជោនាយករដ្ឋមន្ត្រី ហ៊ុន សែន កាលពីខែមករា។

បន្ទាប់មកទៀត លោកបន្តជួបសាវនាការជាមួយលោក វុនណា ម៉ោង ល្វីន រដ្ឋមន្ត្រីការបរទេស, លោក កូ កូ ឡាំង រដ្ឋមន្ត្រីសហប្រតិបត្តិការអន្តរជាតិ និងជាប្រធានក្រុមការងារ ស្តីពីជំនួយមនុស្សធម៌អាស៊ាន និងលោកឧត្តមសេនីយ៍ យ៉ា ព្យេ រដ្ឋមន្ត្រីការិយាល័យរដ្ឋាភិបាលសហព័ន្ធ និងជាប្រធានគណៈកម្មាធិការសាមគ្គីភាពជាតិ និងកសាងសន្តិភាព នៃមីយ៉ាន់ម៉ា៕

ដោយ ៖ កោះកែវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា