អភិបាលខេត្តស្វាយរៀង ចុះពិនិត្យ​ការស្ថាបនាពង្រីក​ផ្លូវ​អ៊ុតកៅស៊ូ ក្នុងក្រុង

(ខេត្តស្វាយរៀង): លោក ម៉ែន វិបុល អភិបាលខេត្តស្វាយរៀង បានអញ្ជើញចុះពិនិត្យមើលការស្ថាបនាការពង្រីកផ្លូវអ៊ុតកៅស៊ូបេទីម  និងផ្លូវបេតុង  ព្រមហេដ្ឋារចនាសម្ព័ន្ធនានានៅក្នុងក្រុងស្វាយរៀង  ជាពិសេសលោក បានពិនិត្យមើលទីតាំង គម្រោងប្លង់ស្តារព្រែកសម្រាប់គោលដៅទេសចរណ៍ដែលមានទីតាំងចាប់ពីចំណុចទំនប់បង្ហៀរទឹកស្ពានតាហោ  រ ហូតដល់រមណីដ្ឋានព្រៃបាសាក់ ស្រុកស្វាយជ្រំ ។

ក្រោមម្លប់សន្តិភាព  និងចក្ខុវិស័យដឹកនាំក្នុងការអភិវឌ្ឍខេត្តស្វាយរៀងឲ្យមានការរីកចម្រើនរបស់លោក ម៉ែន វិបុល អភិបាលខេត្តស្វាយរៀង ប្រែក្លាយតំបន់នេះទៅជាតំបន់ដែលសក្កានុពលផ្នែកទេសចរណ៍ទាំងផ្លូវគោក  និងផ្លូវទឹក  ជាពិសេសការប្រែក្លាយឲ្យទៅជាតំបន់ជិះទូក ទៅលេងកម្សាន្តនៅរមណីយដ្ឋានប្រាសាទព្រៃបាសាក់ នៅថ្ងៃអនាគតថែមទៀតផងដែរ៕ ដោយ:ភក្ដី