Connect with us

ព័ត៌មានជាតិ

ឯកឧត្តម ហ៊ុន ម៉ានី អញ្ជើញបើកយុទ្ធនាការឃោសនាបោះឆ្នោតក្រុមប្រឹក្សា ឃុំ-សង្កាត់ នៅឃុំក្រាំងចេក

បានផុស

នៅ

ឯកឧត្តម ហ៊ុន ម៉ានី សមាជិកគណៈកម្មាធិការកណ្តាល និងជាអនុប្រធានទី១ក្រុមការងារគណបក្សប្រជាជនកម្ពុជាចុះជួយខេត្តកំពង់ស្ពឺ បានអញ្ជើញបើកយុទ្ធនាការជាមួយ សមាជិក សមាជិកា ប្រមាណ៣០០ នាក់ ក្នុងឃុំក្រាំងចេក ស្រុកឧដុង្គ ។

យុទ្ធនាការឃោសនាបោះឆ្នោតជ្រើសតាំងក្រុមប្រឹក្សាឃុំ-សង្កាត់សម្រាប់ថ្ងៃទី១ គឺចាប់ផ្តើមនៅថ្ងៃទី២១ ខែឧសភា ឆ្នាំ២០២២ ដោយយុទ្ធនាការនេះមានរយះពេល១៥ថ្ងៃគត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបើកយុទ្ធនាការឃោសនាសម្រាប់ថ្ងៃដំបូងក្រោមវត្តមានដ៏ខ្ពង់ខ្ពស់ឯកឧត្តម ហ៊ុន ម៉ានី សមាជិកគណៈកម្មាធិការកណ្តាល និងជាអនុប្រធានទី១ ក្រុមការងារគណបក្សប្រជាជនកម្ពុជាចុះជួយខេត្តកំពង់ស្ពឺ នៅទីស្នាក់ការគណបក្សឃុំមានសមាជិក សមាជិកា ប្រមាណ៣០០នាក់ចូលរួមផងដែរ ។

សូមបញ្ជាក់ថា សមាជិកសមាជិកាគណបក្សប្រជាជនកម្ពុជា មកពីគ្រប់មជ្ឈដ្ឋានបានជួបជុំគ្នានៅតាមទីស្នាក់ការគណបក្សរបស់ខ្លួនដើម្បីបង្ហាញពីឆន្ទៈ និងការប្តេជ្ញាចិត្តក្នុងការធ្វើជាអ្នកស្វែងរកការគាំទ្រ ពីបងប្អូនប្រជាពលរដ្ឋ ប្រកបដោយថាមពល និងកម្លាំងចិត្តដ៏រឹងមាំ។

ឯកឧត្តម ហ៊ុន ម៉ានី បានថ្លែងកោតសរសើរយ៉ាងខ្លាំង និងវាយតម្លៃខ្ពស់ចំពោះការប្តេជ្ញាចិត្តរបស់សមាជិក សមាជិកាគណបក្សប្រជាជនកម្ពុជាឃុំក្រាំងចេកទាំងអស់ក្នុងការដណ្តើមជ័យជម្នះជូនគណបក្សក្នុងការបោះឆ្នោតនាពេលខាងមុខនេះ ។

ឯកឧត្តមបន្តទៀតថា គណបក្សប្រជាជនកម្ពុជា តែងតែនៅជាមួយបងប្អូនប្រជាជនគ្រប់កាលៈទេសៈ។ ប្រជាជនជួបការលំ​បាកពេលណាមានវត្តមានគណបក្សប្រជាជនកម្ពុជាជាប់ជាប្រចាំដើម្បីដោះស្រាយបញ្ហាទុកលំបាកបងប្អូនគ្រប់ទីកន្លែង ។

សូមបញ្ចាក់ថា គណៈកម្មាធិការជាតិរៀបចំការបោះឆ្នោតបានកំណត់ពេលធ្វើយុទ្ធនាឃោសនាបោះឆ្នោតជ្រើសតាំងក្រុបប្រឹក្សាឃុំ-សង្កាត់មានរយៈពេល ១៥ថ្ងៃ ដោយអនុញ្ញាតឲ្យគ្រប់គណបក្សនយោបាយដែលឈរឈ្មោះ ចេញដំណើរឃោសនារកសម្លេងឆ្នោតនៅតាមមូលដ្ឋានគ្រប់ច្រកល្ហកក្រោមបរិយាកាស សន្តិភាព និងសេរីភាពពេញបរិបូរណ៍ហើយថ្ងៃនេះជាថ្ងៃដំបូងនៃការផ្តើមយុទ្ធនាការតែម្តង ៕

អត្ថបទ៖ ភួង រដ្ឋា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម