Connect with us

ព័ត៌មានជាតិ

ក្រុមប្រឹក្សា​ជាតិ​កម្ពុជា​ដើម្បី​កុមារ​ស្នើ​តុលាការ​ចាត់វិធានការ​ផ្លូវច្បាប់​ឲ្យ​បាន​តឹងរ៉ឹង​ចំពោះ​ជន​ប្រើ​ហិង្សា​លើ​ក្មេងស្រី​កេង​ស្រី​កា

បានផុស

នៅ

គណៈកម្មការ​ការពារ​កុមារ​ថ្នាក់ជាតិ នៃ​ក្រុមប្រឹក្សា​ជាតិ​កម្ពុជា​ដើម្បី​កុមារ (​ក​.​ជ​.​ក​)​នៅ​ថ្ងៃទី ២៤ ឧសភា​នេះ​បានចេញ​សេចក្តីថ្លែងការណ៍ ថ្កោលទោស​ដាច់អហង្កា មិន​អាច​ទទួល​យក​បាន​ដាច់​ខាត់​ចំពោះ​ការប្រព្រឹត្តិ​អំពើ​ហិង្សា​ដោយ​ចេតនា​យ៉ាង ឃោរឃៅ ព្រៃផ្សៃ អមនុស្សធម៌ ដែល​បង្កឡើង​ដោយ​ឈ្មោះ ចាន់ ធីតា ភេទ​ស្រី អាយុ​៣៧​ឆ្នាំ ស្នាក់នៅ​ផ្ទះជួល លេខ​១៣ ផ្លូវ​២១៩ ក្រុម​២២ សង្កាត់​ផ្សារ​ដេប៉ូ​១ ខណ្ឌទួលគោក រាជធានី​ភ្នំពេញ ទៅលើ​កុមារី​ឈ្មោះ កេង ស្រី​កា អាយុ​៥​ឆ្នាំ ជា​កុមារ​បម្រើ​តាម​ផ្ទះ។

​ជាមួយគ្នានេះ​ក្រុមប្រឹក្សា​ជាតិ​កម្ពុជា​ដើម្បី​កុមារ​ស្នើ​តុលាការ​ចាត់វិធានការ​ផ្លូវច្បាប់​ឲ្យ​បាន​តឹងរ៉ឹង​ចំពោះ​ជន​ប្រើ​ហិង្សា​ក្មេងស្រី​កេង​ស្រី​កា​ផងដែរ​។

គណៈកម្មការ​ការពារ​កុមារ​ថ្នាក់ជាតិ នៃ​ក្រុមប្រឹក្សា​ជាតិ​កម្ពុជា​ដើម្បី​កុមារ​បានលើកឡើង​ក្នុង​សេចក្តីថ្លែងការណ៍​ថា​« យើង​មាន​ក្តី​រន្ធត់​តក់ស្លុត ដោយបាន​សំដែង​នូវ​ក្តី​អាណិតអាសូរ​ក្រៃលែង​ចំពោះ​កុមារី​ដ៏​កំសត់​នេះ ដែល​ទទួលរង​គ្រោះ​ដោយ​អំពើ ហិង្សា​យ៉ាង​ព្រៃផ្សៃ អមនុស្សធម៌ ហើយ​យល់ឃើញថា អំពើ​នេះ​បាន​រំលោភបំពាន​យ៉ាងធ្ងន់ធ្ងរ​ទៅលើ​សិទ្ធិ​កុមារ ជាពិសេស សិទ្ធិ​ទទួលបាន​នូវ​កិច្ចការពារ ដែល​ប្រទេស​កម្ពុជា​បានផ្តល់​សច្ចាប័ន និង​មានចែង​ក្នុង​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​កន្ល​ង​មក​។​

​ពាក់ព័ន្ធ​នឹង​អំពើហិង្សា អមនុស្សធម៌​នេះ គណៈកម្មការ​ការពារ​កុមារ​ថ្នាក់ជាតិ នៃ​ក្រុមប្រឹក្សា​ជាតិ​កម្ពុជា​ដើម្បី​កុមារ ដែល ជា​ស្ថាប័ន​សម្របសម្រួល​លើ​ការងារ​សិទ្ធិ​កុមារ បាន​អំពាវនាវ និង​ទទូច​ដល់​សមត្ថកិច្ច អាជ្ញាធរ​គ្រប់​លំដាប់​ថ្នាក់ ជាពិសេស ស្ថាប័ន​តុលាការ សូម​ចាត់វិធានការ​តាម​នីតិវិធី​ច្បាប់ ដែលមាន​ជា​ធរមាន និង​ដាក់ទោស​យ៉ាង​តឹងរឹង បំផុត​ចំពោះ​ជនសង្ស័យ​នេះ ដើម្បី​កុំ​ឲ្យ​អំពើ​ដ៏​អាក្រក់​នេះ​កើតមាន​ក្នុងសង្គម​ជាតិ​យើង​បន្តទៀត​។

សូមបញ្ជាក់​ជូន​ថា​ ស្ត្រី​ឈ្មោះ​ចាន់ ធីតា​ ដែល​ជា​ជនសង្ស័យ​បាន​យក​ក្មេងស្រី​ឈ្មោះ កេង ស្រី​កា អាយុ​៥​ឆ្នាំ​ឱ្យមក​បម្រើការ​នៅផ្ទះ​និង​ជួយ​មើល​ថែកូន​ខ្លួន​អាយុ ២​ឆ្នាំ​ហើយ​នៅ វេលាយប់​ថ្ងៃទី​២៣ ខែឧសភា ឆ្នាំ​២០២២ ក៏​មាន​ករណី​ប្រព្រឹត្តិ​អំពើហិង្សា​លើ​ក្មេងស្រី​កេង ស្រី​កា​នេះ កើត ឡើង​។ ដោយសារ​ការប្រព្រឹត្ត​អំពើ​ទារុណកម្ម​ដែល​ធ្វើ​ឲ្យ​ក្មេងស្រី​កេង ស្រី​កា​មិនអាច​ទ្រាំទ្រ​បាន​ទើប​កុមារី​ជា​ជនរងគ្រោះ​បានសម្រេច​ចិត្ត​រត់ចេញ​ក្រៅ​ផ្ទះ ដើម្បី​ឲ្យ​ញាតិ​ជិតខាង​ជួយ ដែល​ករណី​នេះ​ត្រូវបាន​រាយការណ៍​ដល់​ស​ម​ត្ថ​កិច្ច​ខណ្ឌទួលគោក ខណៈ​នេះ​ជន សង្ស័យ​ត្រូវបាន​ឃាត់ខ្លួន ដើម្បី​បន្ត​នីតិវិធី​តាមផ្លូវ​ច្បាប់​។

គណៈកម្មការ​ការពារ​កុមារ​ថ្នាក់ជាតិ នៃ​ក្រុមប្រឹក្សា​ជាតិ​កម្ពុជា​ដើម្បី​កុមារ បាន​សម្ដែង​ការកោតសរសើរ និង​ថ្លែងអំណរគុណ​ចំពោះ​សមត្ថកិច្ច គ្រប់លំដាប់​ថ្នាក់​ចំពោះ​ចំណាត់ការ​តាមផ្លូវ​ច្បាប់ និង​ទាន់ពេលវេលា​លើ​ករណីនេះ​៕

ដោយ ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម