Connect with us

ព័ត៌មានជាតិ

មន្រ្តីជំនាញ ដោះស្រាយបញ្ហាទឹកជន់លិចផ្លូវជាតិ ៤៨ នៅស្រុកមណ្ឌលសីមា

បានផុស

នៅ

មន្រ្តីជំនាញ នៃមន្ទីរសាធារណការ និងដឹកជញ្ចូនខេត្តកោះកុង សហការជាមួយរដ្ឋបាលស្រុកមណ្ឌលសីមា បានចុះដោះស្រាយកែសម្រួលរំដោះទឹក ដែលដក់ជន់លិចលើកំណាត់ផ្លូវជាតិលេខ ៤៨ ចំនួន ៣កន្លែង រួចរាល់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង បានឲ្យដឹងនៅរសៀលថ្ងៃទី ២៧ ខែឧសភា ថា ក្រុមមន្រ្តីជំនាញរបស់លោក បានដាក់គ្រឿងចក្រឈូសឆាយ កែសម្រួលរំដោះទឹកជន់លើផ្លូវជាតិលេខ ៤៨ ត្រូវចំណុចមុខតំបន់សេដ្ឋកិច្ចពិសេសខេត្ត មុខវត្តនាងកុង និងមុខប៉ុស្តិ៍នគរបាលអន្តោប្រវេសន៍រួចរាល់ហើយ កាលពីថ្ងៃទី ២៦ ខែឧសភា ដើម្បីបញ្ចៀសការបន្តជន់លិចដោយសារតែបរិមាណទឹករដូវវស្សា។

បើតាមលោក អន ដាវុធ ព្រោះស្ថានភាពចំណីថ្នល់គ្មានប្រព័ន្ធប្រឡាយរំដោះទឹក ក្រុមការងារជំនាញ សម្រេចចិត្តចោះកាយផ្តាច់ឃឿនសួនច្បារកណ្តាល ក្នុងគោលបំណងបង្ហូរទឹកទៅទីតាំង ដែលមានជម្រៅទាបជាងថ្នល់និង ខ្លះកន្លែងទៀត ស្នើសុំម្ចាស់ដីជីកជាប្រឡាយបង្ហូរទឹក ទៅតាមប្រឡាយធម្មជាតិ ជាបណ្តោះអាសន្នសិន។

មន្រ្តីជំនាញ អះអាងដែរថា កាលដែលនាំឲ្យមានការដក់ទឹកលិច នៅចំណុចទាំង ៣ខាងលើនេះ ព្រោះតែពលរដ្ឋម្ចាស់ផ្ទះ និងម្ចាស់អាជីវកម្មមួយចំនួន បានចាក់ដីខ្ពស់ជាងចំណីផ្លូវ ទើបបណ្តាលឲ្យមានការជន់លិចយ៉ាងដូច្នេះ។

ទឹកជន់ដក់លើផ្លូវជាតិលេខ ៤៨ ចំនួន ៣ ក្នុងភូមិសាស្រ្តស្រុកមណ្ឌលសីមានេះ កន្លងទៅត្រូវបានប្រជាពលរដ្ឋរស់នៅតាមសងខាងផ្លូវ លើកឡើងថា វាបានបង្កការរំខានដល់ការធ្វើដំណើរទៅមក បាត់បង់សណ្តាប់ធ្នាប់ សោភ័ណ្ឌភាពបរិស្ថាន និងគុណភាពថ្នល់ជាដើម។

ប្រជាពលរដ្ឋបន្ថែមថា មិនត្រឹមតែប៉ុណ្ណោះទេ ពួកគាត់តែងសង្កេតឃើញបញ្ហាគ្រោះថ្នាក់រអិលដួលតែងកើតជាញឹកញាប់ផងដែរ ដោយសំណូមរពរដល់អាជ្ញាធរ និងមន្រ្តីជំនាញចុះដោះស្រាយជាបន្ទាន់ គ្រាមានរថយន្តធំតូចធ្វើដំណើរដឹកទំនិញ និងមានអ្នកទេសចរឆ្លងកាត់រៀងរាល់ថ្ងៃ។

ក្រោយពីបណ្តាញសារព័ត៌មាន ជាច្រើនផ្សព្វផ្សាយករណីទឹកដក់ផ្លូវខាងលើនេះ កាលពីថ្ងៃទី ២៣ ខែឧសភា គេឃើញលោក សុខ សុទ្ធី អភិបាលរងខេត្តកោះកុង បើកកិច្ចពិភាក្សាកំណត់ដីសាធារណៈរបស់រដ្ឋ ដីរក្សាទុកសម្រាប់ចំណីផ្លូវសាធារណ នៅក្នុងផែនទីចុះជាប្រព័ន្ធដី ភូមិ ១ ភូមិ ២ ភូមិ ៣ ឃុំប៉ាក់ខ្លង ស្រុកមណ្ឌលសីមា នៅសាលប្រជុំសាលាស្រុកមណ្ឌលសីមា៕

អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ប៉ម​មើលទេសភាព អាច​ឲ្យភ្ញៀវទេសចរណ៍​ មើលទេសភាពខេត្តកែបលើកំពូលភ្នំ និង​គយគន់លំហសមុទ្រ ឆ្នេរ ប្រជុំកោះ និងសមុទ្រឈើ

ព័ត៌មានជាតិ៥៩ នាទី មុន

អភិបាលរងខេត្តកណ្ដាល ឱ្យពិនិត្យល្អិតល្អន់ ករណីទណ្ឌិតស្នើបន្ធូរបន្ថយទោស ឱកាសទិវាជ័យជម្នះ ៧ មករា

ព័ត៌មានជាតិ១ ម៉ោង មុន

ឧកញ៉ា សំ សុខនឿន៖ ​ក្នុងនាមពាណិជ្ជករ​​ ពិតជា​ដឹងគុណយ៉ាងជ្រាលជ្រៅបំផុត ចំពោះកងទ័ព ដែលហ៊ានលះបង់គ្រប់បែបយ៉ាង ដើម្បីជាតិមាតុភូមិ​

ជីវិតកម្សាន្ដ១ ម៉ោង មុន

អឿន ម៉ូលីកា ប្រកាសក្ស័យធន ក្រោយកូនតុងទីន បោក និងរត់ចោល

KPT+២ ម៉ោង មុន

ព្រះឆាយាលក្ខណ៍​​កុមារភាពដ៏កម្រ នៃព្រះរាជបុត្រ ២ ព្រះអង្គ ប្រសូត និង​សោយ​ទិវង្គត ក្នុងខែតែមួយ

Sokha Hotels

ព័ត៌មានពេញនិយម