ព័ត៌មានជាតិ
រាជរដ្ឋាភិបាលជិតចេញច្បាប់ប្រើប្រាស់ទឹកស្អាត ជួយធានាតម្លៃ និងគុណភាពទឹក
តាមការខិតខំប្រឹងប្រែង របស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ច្បាប់គ្រប់គ្រងទឹកស្អាត នឹងត្រូវចេញដាក់ឱ្យប្រើប្រាស់នៅក្នុងឆ្នាំនេះ ដែលមានប្រសិទ្ធិភាពធានាតម្លៃ និងគុណភាពទឹកស្អាតនៅកម្ពុជា។
លោក ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ មានប្រសាសន៍កាលពីពេលថ្មីៗនេះថា ច្បាប់គ្រប់គ្រងទឹកស្អាត នឹងត្រូវចេញនៅឆ្នាំនេះ ខណៈក្រសួងឧស្សាហកម្ម កំពុងពន្លឿនឱ្យមានច្បាប់នេះ ដើម្បីកុំឱ្យក្រុមហ៊ុន ដែលទទួលបានអាជ្ញាបណ្ណវិនិយោគធ្វើអ្វីស្រេចតែចិត្ត។
កន្លងមកប្រជាពលរដ្ឋក្នុងទីតាំងមួយចំនួននៅតំបន់ព្រែកព្នៅ រាជធានីភ្នំពេញ បានលើកឡើងអំពីការប្រឈមបញ្ហាដាច់ទឹក និងគុណភាពទឹក ខណៈតំបន់នេះ ក្រុមហ៊ុនឯកជនជាអ្នកទទួលបានអាជ្ញាបណ្ណពីក្រសួងឧស្សាហកម្មក្នុងការផ្គត់ផ្គង់ទឹកស្អាត។
លោក ឡុង ណារ៉ូ បញ្ជាក់ថា «កាលណាមានច្បាប់ទឹក ក្រុមហ៊ុនឯកជនមិនអាចធ្វើអ្វីផ្ដេសផ្ដាសបានទេ ធៀបទាំងតម្លៃ និងគុណភាពត្រូវតែគោរពតាមស្ដង់ដា។ កាលណាមានច្បាប់នេះចេញ យើងចុះទៅពិនិត្យឃើញថាគុណភាពមិនត្រឹមត្រូវគឺក្រសួងនឹងដកអាជ្ញាបណ្ណដោយស្វ័យប្រវត្តិតែម្ដង»។
បើតាមលោក ឡុង ណារ៉ូ ច្បាប់គ្រប់គ្រងទឹកស្អាត នឹងចេញនៅចុងឆ្នាំនេះ ខណៈការត្រួតពិនិត្យបានបញ្ចប់នៅក្រសួង យុត្តិធម៌រួចហើយ ហើយនឹងចូលមកគណៈរដ្ឋមន្ត្រីឆាប់ៗនេះ៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ