កើបលុយយូមកហើយ ពេលនេះ កម្ពុជាកំណត់យកពន្ឋវិញម្ដង

ក្រុមមន្រ្តីកម្ពុជា បានចាប់ផ្ដើមពិភាក្សាជាមួយតំណាងក្រុមហ៊ុន Facebook សម្រាប់កំណត់ពន្ធលើសេវាឌីជីថល (Digital Services Tax) ដើម្បីបង្កើនចំណូលជូនជាតិ។

ជំនួបនាថ្ងៃទី២១ ខែធ្នូ ឆ្នាំ២០២០ រវាងលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានធ្វើឡើងតាមរយៈប្រព័ន្ធវីដេអូ ជាមួយតំណាងក្រុមហ៊ុន Facebook ដើម្បីពិភាក្សាលើកិច្ចសហប្រតិបត្តិការក្នុងការរៀបចំការងារបច្ចេកទេស សេចក្តីព្រាងគោលនយោបាយ និងបទប្បញ្ញត្តិសម្រាប់កំណត់ពន្ធលើសេវាឌីជីថល (Digital Services Tax) របស់ក្រុមហ៊ុនបច្ចេកវិទ្យាអន្តរជាតិ ដែលមិនចុះបញ្ជីនៅកម្ពុជា។

នៅក្នុងកិច្ចប្រជុំនេះ បានពិភាក្សាស៊ីជម្រៅលើបទពិសោធន៍របស់ក្រុមហ៊ុន Facebook ជាមួយប្រទេសមួយចំនួននៅសកលលោក ប្រទេសសមាជិកអាស៊ាន និងគោលការណ៍ណែនាំអន្តរជាតិស្ដីពីពន្ធលើតម្លៃបន្ថែមរបស់អង្គការសម្រាប់ការអភិវឌ្ឍ និងសហប្រតិបត្តិការសេដ្ឋកិច្ច (OECD)។

នាពេលកន្លងមក រដ្ឋាភិបាលកម្ពុជា ធ្លាប់បានបង្ហាញពីការកំណត់ពន្ធលើសេវាឌីជីថល ដែលមិនចុះបញ្ជីនៅកម្ពុជា មានក្រុមហ៊ុន Facebook, Google, Amazon, Visa, Oracle, Palo Alto Network NTT Communications, Ciena Communication (Malaysia), LE Global Services, F5 Networks, Huawei Cambodia, San Data Systems, Cisco និង IBM ៕