ព័ត៌មានជាតិ
សាលាមួយនៅភ្នំពេញ ជាគោលដៅសិស្សគ្រប់ខេត្តក្រុង ចង់បន្តសិក្សានៅមហាវិទ្យាល័យ
សាកលវិទ្យាល័យភូមិន្ទភ្នំពេញជាសាកលវិទ្យាល័យមួយដែលមានវ័យចំណាស់ជាងគេ ហើយក៏គ្រឹះស្ថានសិក្សាដែលទទួលបានការគាំទ្រពីសិស្សដែលបញ្ចប់ការសិក្សាថ្នាក់ទី១២ ឡើងមកបន្តសិក្សានៅគ្រប់មុខជំនាញ។ ហេតុអ្វីបានជាសិស្សនិស្សិតភាគច្រើន ជ្រើសរើសមកសិក្សានៅសាកលវិទ្យាល័យភូមិន្ទភ្នំពេញ?
កញ្ញា ជា ស្រីម៉ិច ជានិសិ្សតអាហារូបករណ៍ឆ្នាំទី៣ ជំនាញអភិវឌ្ឍន៍សេដ្ឋកិច្ច នៅសាកលវិទ្យាល័យភូមិន្ទភ្នំពេញ(RUPP) បានឱ្យ “កម្ពុជាថ្មី” ដឹងពីមូលហេតុដែលកញ្ញាមកសិក្សានៅ RUPP នេះថា ដោយសារជាសាកលវិទ្យាល័យមួយដែលមានកេរ្តិ៍ឈ្មោះល្បីល្បាញ និងមានវ័យចំណាស់បង្កើតឡើងមុនគេ ជាហេតុធ្វើឱ្យមានការទុកចិត្តពីស្តង់ដារ និងគុណភាពនៃការបង្រៀន។
និស្សិត ជា ស្រីម៉ិច បាននិយាយថា៖ “ខ្ញុំមករៀននៅភូមិន្ទព្រោះសាលានឹងល្បីខ្លាំង។ នៅខេត្តភាគច្រើននរណាក៏ស្គាល់ ហើយដោយសារមានការណែនាំពីគ្រូនៅវិទ្យាល័យដែលបញ្ចប់ការសិក្សាផង ខ្ញុំក៏សម្រេចចិត្តថាដាក់អាហារូបករណ៍នៅភូមិន្ទ។ ម៉្យាងទៀតនៅភូមិន្ទមិនរញ៉េរញ៉ៃច្រើន ពេលជាប់អាហារូបករណ៍មក គឺបានអាហារូបករណ៍តែម្តង មិនដូចសាលាមួយចំនួន ទោះជាប់ក៏យើងត្រូវប្រឡងចូលម្តងទៀត ធ្វើឱ្យយើងខាតពេលវេលាសម្រាប់សិក្សា”។
ដោយឡែកលោក លីម អាស៊ីគីន ជានិស្សិតបានបញ្ចប់ការសិក្សានៅសាកលវិទ្យាល័យភូមិន្ទភ្នំពេញ ជំនាញអក្សរសាស្រ្តខ្មែរ និងកំពុងបន្តការសិក្សាថ្នាក់បរិញ្ញាបត្រជាន់ខ្ពស់ លើជំនាញវិទ្យាសាស្ត្រអប់រំ។ ធ្លាប់ជាអតីតទទួលការសិក្សានៅសាកលវិទ្យាល័យភូមិន្ទ ហើយសព្វថ្ងៃក៏ជាគ្រូបង្រៀននៅដេប៉ាតឺម៉ង់អក្សរសាស្ត្រខ្មែរ នៃពុទ្ធិកសាកលវិទ្យាល័យព្រះសីហមុនីរាជាផងនោះបានប្រាប់ “កម្ពុជាថ្មី” ពីគោលបំណងដែលជ្រើសរើសយកសាកលវិទ្យាល័យភូមិន្ទភ្នំពេញ ព្រោះ លោកឃើញថា នៅភូមិន្ទភ្នំពេញសម្បូរទៅដោយសាស្ត្រាចារ្យដែលមានបទពិសោធ បានបញ្ចប់ការសិក្សាថ្នាក់បណ្ឌិត និងអនុបណ្ឌិតពីក្រៅប្រទេសច្រើន ជាពិសេសក៏សម្បូរទៅដោយធនធានមនុស្សល្អៗ។
ក្រោយពីបញ្ចប់ការសិក្សានៅ RUPP និស្សិតម្នាក់ៗចេញទៅប្រកបការងារតែង មានឈ្មោះបោះសំឡេង និងល្បីល្បាញក្នុងសង្គម ដោយនិស្សិតមួយចំនួនធំអាចមានឱកាសទៅបន្តការសិក្សានៅបរទេសច្រើន និងមានអ្នកទទួលស្គាល់ពីគុណភាពនិងស្តង់ដារនៃការបង្រៀនរបស់សាកលវិទ្យាល័យ។
ចំពោះលោក ម៉េង ហៃ ជាអតីតនិស្សិតផ្នែក IT នៅសាកលវិទ្យាល័យភូមិន្ទភ្នំពេញ បញ្ចប់ការសិក្សាឆ្នាំ២០១៨ និង បច្ចុប្បន្នជាអ្នកគ្រប់គ្រងទិន្នន័យក្នុងស្ថាប័នមួយកន្លែងបានប្រាប់ “កម្ពុជាថ្មី”ថា លោកជ្រើសរើសសិក្សានៅសាកលវិទ្យាល័យភូមិន្ទភ្នំពេញ ព្រោះជាសាលាមួយដែលល្បីល្បាញជាងគេ គុណភាពនិងតម្លៃសិក្សាក៏ល្អ បើធៀបនឹងសាលា ផ្សេងៗ។ ចំពោះជំនាញ អាយធី នៅភូមិន្ទពូកែខ្លាំងខាងសរសេរកូដ និងរៀនពីជំនាញមួយៗច្បាស់លាស់ មិនបញ្ចូលកម្មវិធីសិក្សាវគ្គខ្លីៗឱ្យនិស្សិតពិបាកយល់។
លោកនិយាយថា៖ “ចំពោះគ្រូបង្រៀនវិញ ទោះបីនៅភូមិន្ទមិនមានគ្រូបរទេស តែគ្រូសុទ្ធតែបានបញ្ចប់ការសិក្សានៅក្រៅប្រទេស ហើយតម្លៃសិក្សាវិញសមរម្យ អាចឱ្យសិស្សមកពីខេត្តសិក្សាបាន។ ម្យ៉ាងនៅសាលាផ្សេងក៏មានគ្រូពីភូមិន្ទទៅបង្រៀនច្រើន ដូច្នេះទើបខ្ញុំជ្រើសរើសសិក្សានៅភូមិន្ទ”។
ក្រឡែកមកកញ្ញា វង្ស ចិន្តា បានបញ្ចប់ការសិក្សានៅសាកលវិទ្យាល័យភូមិន្ទភ្នំពេញ ឆ្នាំ២០២០ ជំនាញរូបវិទ្យាថ្នាក់អាហារូបករណ៍។ សព្វថ្ងៃកញ្ញាបានបន្តការសិក្សាថ្នាក់អនុបណ្ឌិតនៅប្រទេសកូរ៉េខាងត្បូងជំនាញរូបវិទ្យា ហើយកញ្ញាបានប្រាប់ពីមូលហេតុដែល សិក្សានៅសាកលវិទ្យាល័យភូមិន្ទភ្នំពេញថា ដោយសារនៅ RUPP ទី១៖ មានជំនាញដែលខ្លួនចង់ រៀននិងពូកែ បើធៀបនឹងសាលាផ្សេង។ ទី២៖ មានឱកាសអាហារូបករណ៍ច្រើនបែប ដូចជា អាហារូបករណ៍សិស្សពូកែ អាហាររូបករណ៍ ក្រីក្រ អាហារូបករណ៍និសិ្សតនារី និង អាហាររូបករណ៍និសិត្យដាច់ស្រយាល ក៏ដូចជាអាហារូបករណ៍ផ្សេងៗទៀត។
កញ្ញា ចិន្តា បាននិយាយថា “នៅភូមិន្ទ និស្សិតមានឱកាសដាក់ និង ជាប់អាហារូបករណ៍ច្រើន ចំពោះកេរ្តិ៍ឈ្មោះសាលាក៏ល្បីល្បាញ មានការទទួលស្គាល់ពីអន្តរជាតិ និង មានការសហការពីសាកលវិទ្យាល័យល្បីៗនៅក្រៅប្រទេស សម្រាប់ធ្វើជាដៃគូឱ្យសិស្សទៅ សិក្សានៅបរទេសច្រើន”។
សូមបញ្ជាក់ថា សាកលវិទ្យាល័យ ភូមិន្ទភ្នំពេញ គឺជាសាកលវិទ្យាល័យមួយដែលមានវ័យ ចំណាស់ជាងគេក្នុងរាជធានីភ្នំពេញ ត្រូវបានបង្កើតឡើងតាំងពីឆ្នាំ ១៩៦០ ត្រូវបានទទួលស្គាល់ពីសំណាក់ជាតិនិងអន្តរជាតិពីគុណភាព និង ស្តង់ដារ ព្រមទាំងសំបូរ ដោយសាស្រ្តាចារ្យដែលមានជំនាញនិងបញ្ចប់ការសិក្សាពីបរទេសមក៕
អត្ថបទ៖ អុន ស្រីមាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ