ធ្លាក់​ខ្យល់​ត្រជាក់​ជាប់​គ្នា​៣​ថ្ងៃ​ អ្នកលក់​អាវ​រងា​លក់​សឹង​មិន​ចង់ទាន់
Connect with us
Helistar Cambodia - Helicopter Charter Services

ព័ត៌មានជាតិ

ធ្លាក់​ខ្យល់​ត្រជាក់​ជាប់​គ្នា​៣​ថ្ងៃ​ អ្នកលក់​អាវ​រងា​លក់​សឹង​មិន​ចង់ទាន់

Published

on

​អាជីវករ​លក់​ខោអាវ​បាន​និយាយ​ថា ចាប់​តាំង​ពី​ធ្លាក់​ខ្យល់​ត្រជាក់​៣​ថ្ងៃ​ជាប់​គ្នា​នេះ​ គឺ​ធ្វើ​ឲ្យ​ប្រជាពលរដ្ឋ​នាំគ្នា​មក​ទិញ​អាវ​រងា​ទៅ​ពាក់ ​ហើយ​មិនសូវ​តថ្លៃ​តឹង​សរសៃ.ក​ នោះ​ទេ​។

​តាម​ប្រភព​ពី​អ្នកលក់ ង៉ែត ធិ​តា ជា​អាជីវ​ករ​លក់​ខោអាវ​នៅ​ផ្សារ​ច្បារអំពៅ​ បាន​ឲ្យ​ដឹង​ថា ​ប៉ុន្មាន​ថ្ងៃនេះ ​គាត់​លក់ដាច់​ខ្លាំង​តែ​អាវ​រងា ហើយ​បើ​ទោះ​ជា​មាន​ម៉ូ​យមក​ទិញ​ច្រើន​ ក៏​ពិតមែន​ ប៉ុន្តែ​គាត់​មិន​ដំឡើង​ថ្លៃ​ឡើយ​ ព្រោះ​ភាគច្រើន​ជា​ម៉ូយ​។ អាជីវករ​ម្នាក់​នេះ បាន​បន្តថា ​អាវ​រងា​ដែល​បងស្រី​យក​មក​លក់​ភាគច្រើន​ជា​អាវ​ជជុះ​ក្បាល​គីប​ ហើយ​នៅ​ថ្មី​មិន​ចាញ់​អាវ​ថ្មី​ប៉ុន្នា​ន​ទេ ចំពោះ​តម្លៃ​វិញ​ គឺ​អាវ​រងា​មួយ​ថ្លៃ​៧​ដុល្លារ​ ដែល​ពីមុន​លក់​ត្រឹម​៥​ដុល្លារ​។

​ដោយឡែក​អាជីវករ គួ​ង ធី ជា​អាជីវ​ករ​លក់​ខោអាវ​នៅ​ផ្សារ​ស្ទឹងមានជ័យ​ចាស់​វិញ​ បាន​ឲ្យ​ដឹង​ថា​ នៅ​ប៉ុន្មាន​ថ្ងៃ​នៅ​តូប​របស់​លក់ដាច់​តែ​អាវ​រងា​ទាំង​ក្មេង​និង​ចាស់​ ហើយ​អ្នកទិញ​មិនសូវ​តថ្លៃ​ច្រើន​ ព្រោះ​អ្នកលក់​មិនសូវ​កាត់ថ្លៃ​ខ្ពស់​។ លើស​ពី​នេះ អាជីវករ​លោក​អាវ​រងា​បាន​បញ្ជាក់ថា ​អ្នក​មក​ទិញ​ភាគច្រើន​ជា​កម្មករ កម្មការិនី​បម្រើការ​ នៅ​តាម​បណ្តា​រោងចក្រ​នៅ​ស្ទឹងមានជ័យ ​ដូច្នេះ​ហើយ​បើសិនជា​កាត់ថ្លៃ​ខ្ពស់ ​ក៏​ពួកគាត់​គ្មាន​លុយ​ទិញ​ដែរ​។ ​អញ្ចឹង​ទេ​អាវ​១​ចំណេញ​តែ​១​ដុល្លារ ​គឺ​គ្រប់គ្រាន់​ណាស់​ទៅ​ហើយ អាជីវករ​បន្ត​ថា​ នៅ​តាម​បណ្តា​ផ្សារ​ភាគច្រើន​យក​អាវ​រងា​ជជុះ​ក្បាល​គីប​មក​លក់ ខុសប្លែក​នៅ​តាម​បណ្តា​ហាង​ធំៗ​ទំនើបៗ​ គេ​យក​អាវ​រងា​ពី​ក្រៅប្រទេស​មក​លក់​មិន​ក្រោម​២០០​ដុល្លារ​ក្នុង​អាវ​មួយ​នោះ​ទេ ប៉ុន្តែ​បើ​គិត​ទៅ ​គឺ​អាវរ​ងា​ជជុះ​ស្រួល​លក់​ជាង​អាវ​ថ្មី​៕

អត្ថបទ៖ ​ន​រា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services