ព័ត៌មានជាតិ
សិស្សត្រៀមប្រឡងបាក់ឌុបឆ្នាំនេះ ខ្លះបិទក្រដាសនិទ្ទេស (A) ក្នុងបន្ទប់លើកទឹកចិត្តខ្លួនឯង
នៅសល់ត្រឹមតែ ៣ ខែទៀតប៉ុណ្ណោះ ការប្រឡងសញ្ញាប័ត្រមធ្យមសិក្សាទុតិយភូមិ ឬអាចនិយាយបានថាការខិតខំរបស់សិស្សរយៈពេល ១២ ឆ្នាំ នឹងត្រូវបានបញ្ចប់។
ដូច្នេះតើសិស្សមួយចំនួនបានត្រៀមលក្ខណៈអ្វីខ្លះ សម្រាប់ការប្រឡងបាក់ឌុបក្នុងឆ្នាំ២០២២នេះ?
![](https://www.kampucheathmey.com/wp-content/uploads/2022/08/7442-1024x576.jpg)
សម្រាប់ការប្រឡងថ្នាក់ទី១២ខាងមុខ មានសិស្សមួយចំនួនបានបង្ហាញពីការទុកចិត្តមកលើខ្លួនឯង ដោយការខិតខំប្រឹងប្រែង និងសង្ឃឹមថាទទួលបាននិទ្ទេសល្អរៀងខ្លួនៗមិនថាមុខវិជ្ជាវិទ្យាសាស្ត្រពិត ឬវិទ្យាសាស្រ្តសង្គម។
សិស្សឈ្មោះ ខន ណារ៉ុង រៀនថ្នាក់ទី១២ នៃវិទ្យាល័យព្រះស៊ីសុវត្ថិ ដោយបានជ្រើសរើសយកមុខវិទ្យាវិទ្យាសាស្រ្តពិតមកសិក្សា សម្រាប់ការប្រឡងបញ្ចប់ថ្នាក់ទី១២ បានឲ្យដឹងថា គេបានចំណាយពេលរៀនក្នុងមួយថ្ងៃប្រហែល១០ ម៉ោងទាំងការរៀនរដ្ឋ និងគួរបន្ថែម ឬចំណាយពេលប្រហែល២ ទៅ៣ម៉ោងទៀត ដើម្បីរំលឹកមេរៀន ក៍ដូចជាធ្វើលំហាត់ដែលគ្រូដាក់ឲ្យ។
![](https://www.kampucheathmey.com/wp-content/uploads/2022/08/photo_2022-08-09_14-32-24-1-768x1024.jpg)
ការចាប់យកមុខវិទ្យាវិជ្ជាសាស្រ្តពិត យុវសិស្សរូបនេះសង្ឃឹមប្រហែល ៧០% តាមរយៈការសិក្សា ការធ្វើលំហាត់វិញ្ញាសារនៃឆ្នាំចាស់ៗ ហើយបានត្រៀមជាកាលវិភាគសម្រាប់រៀនបានច្បាស់លាស់នៅសាលា រៀននៅផ្ទះ និងសម្រាប់ពេលវេលាផ្ទាល់ខ្លួន។
យុវសិស្ស ខន ណារ៉ុង បន្តថា បើទោះបីជាមានអារម្មណ៍ភ័យខ្លាចចំពោះប្រឡងខាងមុខក៏ពិតមែន តែបានត្រៀមចិត្តនិងធ្វើអារម្មណ៍មិនឲ្យភ័យខ្លាំងពេកនោះទេ។
![](https://www.kampucheathmey.com/wp-content/uploads/2022/08/photo_2022-08-09_14-32-35-768x1024.jpg)
យុវសិស្សម្នាក់ទៀតឈ្មោះ លី ស៊ុនថូណា រៀនថ្នាក់ទី១២ នៃវិទ្យាល័យបាក់ទូក ផ្នែកវិទ្យាសាស្រ្តពិត បានបង្ហើបពីអារម្មណ៏ខ្លួនថា សម្រាប់ការប្រឡងខាងមុខនេះ មានអារម្មណ៍ថារំភើប ភ័យផងអរផងដោយសារតែវាជាលើកដំបូងសម្រាប់ខ្លួនឯងផ្ទាល់ ដែលមិនធ្លាប់ជួបការប្រឡងបែបនេះពីមុនមក។
យុវសិស្សរូបនេះបន្តថា អាចជាការប្រឡងដែលត្រូវផ្ញើរអនាគតនៅទីនេះ ការខំរៀនរយៈពេល១២ ឆ្នាំបានបញ្ចប់ដឹងលទ្ធផលត្រឹមពេល ២ថ្ងៃ។ តែទោះជាយ៉ាងណា ដោយមានការជួយជ្រោមជ្រែងពីសំណាក់លោកគ្រូអ្នកគ្រូដែលបានខិតខំបង្ហាត់បង្រៀន ដាក់លំហាត់ វិញ្ញាសារ ឯកសារនានា ដល់សិស្សសិក្សាជាប្រចាំថ្ងៃ ហើយតាមរយៈការខិតខំរបស់ខ្លួនរហូតមក ថូណា សង្ឃឹមមកលើខ្លួនឯងអាចយកបាននិទ្ទេសណាមួយក្នុងចំណោមនិទ្ទេសទាំងបី (A B C)។
![](https://www.kampucheathmey.com/wp-content/uploads/2022/08/photo_2022-08-09_14-32-25-768x1024.jpg)
សិស្សឈ្មោះ សាក់ វិសាល រៀនផ្នែកវិទ្យាសាស្រ្តសង្គម នៃវិទ្យាល័យព្រះស៊ីសុវត្ថិ បានឲ្យដឹងដែរថា បើទោះជាការប្រឡងនៅតែ ៣ ខែទៀតនឹងឈានមកដល់ក៏ពិតមែន អារម្មណ៍ភ័យខ្លាចតែងកើតមាន តែត្រូវតាំងចិត្តឲ្យបានល្អ ផ្តោតទៅលើមេរៀន ខំប្រឹងថែរក្សាសុខភាពខ្លួនឯង ព្រោះបើដាក់បន្ទុកមកលើខ្លួនពេកអាចធ្វើឲ្យមានបញ្ហាសុខភាព នាំឲ្យកើតមានពេលវេលាមិនល្អនៅក្នុងការប្រឡង។ វិសាលបានលើកទឹកចិត្តខ្លួន ដាស់អារម្មណ៍យ៉ាងដូច្នេះថា «ខ្ញុំបានសរសេរក្រដាស់និទ្ទេស(A) បិទក្នុងបន្ទប់យ៉ាងច្រើន ដើម្បីឲ្យខ្លួនឯងចូលមកឃើញវារាល់ថ្ងៃ ហើយត្រូវតែយកវាឲ្យបាន»។
មួយវិញទៀតក្នុងនាមជាសិស្សត្រូវប្រឡងក្នុងឆ្នាំនេះ ត្រូវតែគិតថាពិបាក មិនត្រូវមើលងាយទៅលើការប្រឡងនោះទេ៕
អត្ថបទ៖ ឌឿនចាន់ ថារី
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ