ព័ត៌មានជាតិ

អាជ្ញាធរស្រុកសំរោងសំណូមពរអាជីវករលក់ដូរត្រូវរក្សារបៀបរៀបរយ សណ្តាប់ធ្នាប់សាធារណៈ

បានផុស

៥ years មុន

នៅ

ថ្ងៃសុក្រ ២៥ ធ្នូ ២០២០

ដោយ

ដោយពិនិត្យឃើញថា នៅក្នុងមូលដ្ឋានមានសណ្តាប់ធ្នាប់មិនសូវល្អ អាជ្ញាធរស្រុកសំរោង សហការជាមួយមន្ត្រីជំនាញស្រុក ឃុំ នគរបាលប៉ុស្តិ៍ អាវុធហត្ថស្រុក ចុះរៀបចំសណ្តាប់ធ្នាប់តាមតំបន់ផ្លូវ ជាតិលេខ៣ និងបានសំណូមពរបងប្អូនអាជីវករលក់ដូរទាំងអស់ ត្រូវរក្សារបៀបរៀបរយសណ្តាប់ ធ្នាប់សាធារណៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃព្រហស្បតិ៍ ១០កើត ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៤ ខែធ្នូ ឆ្នាំ២០២០ម្សិលមិញនេះ គណៈបញ្ជាការឯកភាពរដ្ឋបាលស្រុកសំរោង ដឹកនាំដោយលោក ស៊ីន សុផល អភិបាលរងស្រុក តំណាង លោក កេត ម៉ៅអភិបាលនៃគណៈអភិបាលស្រុកសំរោង ដោយមានការចូលរួមពីកងកម្លាំងអធិការដ្ឋាននគរបាលស្រុក កងរាជអាវុធហត្ថស្រុក សមាជិកក្រុមប្រឹក្សាឃុំកម្លាំងប៉ុស្តិ៍នគរបាលរដ្ឋបាលឃុំ ប្រជាការពារភូមិ ចុះពិនិត្យ និងរៀបចំសណ្ដាប់ធ្នាប់សាធារណៈនៅទីតាំងលក់ដូរតាមបណ្តោយផ្លូវជាតិលេខ៣ និងផ្លូវលំក្លោងទ្វារចូលវត្ត អង្គព្រះស្តេច ត្រង់ចំណុចផ្សារ ថ្នល់បត់ ស្ថិតនៅភូមិ ពេជចង្វា ឃុំបឹងត្រាញ់ខាងជើង ស្រុកសំរោង ខេត្តតាកែវ ។

ឱកាសនោះផងដែរ លោកអភិបាលរងស្រុកសំរោង បានធ្វើការណែនាំដល់បងប្អូនអាជីវករទាំងអស់ ដែលបានលក់ដូររំលោភលើចិញ្ចើមផ្លូវ សូមចូលរួមថែរក្សាសណ្តាប់ធ្នាប់សាធារណៈអោយបានត្រឹមត្រូវ និងមានរបៀបរៀបរយល្អ សម្រាប់បងប្អូនប្រជាពលរដ្ឋទូទៅធ្វើចរាចរណ៍ ជៀសវាងការបង្កគ្រោះថ្នាក់ផ្សេងៗកើតឡើងជាយថាហេតុ ៕

អត្ថបទ ៖ រ៉ាវុទ្ធ

Related Topics:ការរៀបចំសណ្ដាប់ធ្នាប់

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា