Connect with us

ព័ត៌មានជាតិ

អាហារូបករណ៍៤កន្លែង ផ្តល់ជាថវិកាដល់សិស្សក្រោយបញ្ចប់ថ្នាក់វិទ្យាល័យ

បានផុស

នៅ

មានក្រុមហ៊ុនឯកជន និងស្ថាប័ន ជាច្រើនបានផ្តល់អាហារូបករណ៍ជាទឹកប្រាក់ដល់សិស្សានុសិស្សដែលទើបតែបញ្ចប់ការសិក្សាថ្នាក់វិទ្យាល័យថ្មីៗ ដែលមានបំណងចង់បន្តការសិក្សានៅសាកលវិទ្យាល័យ ប៉ុន្តែគ្មានលទ្ធភាពគ្រប់គ្រាន់សម្រាប់បង់ថ្លៃសិក្សា និងចាយវាយ។ ខាងក្រោមនេះ គឺជាប្រព័ន្ធផ្តល់អាហារូបករណ៍ចំនួន៤របស់បណ្តាគ្រឹះស្ថានអប់រំ អង្គការក្រៅរដ្ឋាភិបាល និងក្រុមហ៊ុនឯកជនដល់សិស្សានុសិស្សដែលចង់រៀនបន្តនៅថ្នាក់មហាវិទ្យាល័យ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.Jump Start Scholarship Program

ជាអាហារូបករណ៍មួយដែលជួយឧត្ថម្ភដល់សិស្សដែលរៀនពូកែ និងប្រឡងបាក់ឌុបបាននិទ្ទេសល្អ ប៉ុន្តែគ្មានលទ្ធភាពបន្តការសិក្សា។ ចំពោះថវិកាដែលផ្តល់ឱ្យនោះ នឹងផ្តល់ទៅតាមស្ថានភាពគ្រួសារ។ 

លក្ខខណ្ឌទទួលបានអាហាររូបករណ៍៖

  • ជាសិស្សដែលបទើបតែបញ្ចប់ការសិក្សាថ្នាក់បាក់ឌុប ឬជានិស្សិតកំពុងសិក្សា ថ្នាក់ឧត្តមសិក្សាដែលទទួលបានពិន្ទុខ្ពស់ ហើយមានជីវភាពខ្វះខាតពិប្រាកដ
  • បំពេញព័ត៌មានតាមពាក្យស្នើសុំអាហារូបករណ៍។​

២. អាហារូបករណ៍ ជីប ម៉ុង 

អាហារូបរកណ៍នេះ ជាអាហារូបករណ៍ផ្តល់ជាកញ្ចប់ថវិកាចំនួន ៦,០០០ដុល្លារ សម្រាប់សិស្សម្នាក់ៗរយៈពេល៤ឆ្នាំពេញ។ ចំណែកលក្ខណៈនៃការផ្តល់ជូនវិញ ក្រុមហ៊ុនជីប ម៉ុង ផ្តល់ជាទឹកប្រាក់ក្នុងមួយខែ ១៥០ដុល្លារដល់និស្សិតរហូតគ្រប់រយៈពេល៤ឆ្នាំនៃការសិក្សានៅសាកលវិទ្យាល័យ។ 

អាហារូបករណ៍នេះ មិនមានជាការប្រឡងអ្វីឡើយ គ្រាន់តែគោរពនូវ២លក្ខខណ្ឌប៉ុណ្ណោះ ទី១គឺបំពេញព័ត៌មានតាមពាក្យស្នើសុំអាហារូបករណ៍ និងសម្ភាសន៍ផ្ទាល់មាត់ជាមួយអ្នកតំណាងក្រុមហ៊ុន។ អាហារូបករណ៍ ជីប ម៉ុង មិនត្រឹមតែផ្តល់ជាថវិកាប៉ុណ្ណោះទេ ក្រុមហ៊ុនក៏បានផ្តល់ជាឱកាសដល់និស្សិតសម្រាប់ពង្រឹងសមត្ថភាពរបស់ខ្លួនបន្ថែម ដោយមានការទស្សនកិច្ចទៅក្រុមហ៊ុនផ្សេងៗ ការចូលរួមការងារសង្គម ក៏ដូចជាមានឱកាស ទទួលបានការណែនាំនិងប្រឹក្សាយោបល់ផ្ទាល់ខ្លួនពីបុគ្គលិកឆ្នើមក្នុងក្រុមហ៊ុន ជីប ម៉ុង ផងដែរ។ 

៣.អាហារូបករណ៍ SmartEdu 

អាហារូបករណ៍ SmartEdu គឺជាអាហារូបករណ៍របស់ក្រុមហ៊ុនប្រព័ន្ធទូរសព្ទចល័ត Smart ដែលមានការផ្តល់ជូននូវទឹកប្រាក់ ១៥,០០០ដុល្លារ ដល់និស្សិតម្នាក់ៗដែលបានជាប់ អាហារូបករណ៍រយៈពេល៤ឆ្នាំ។ ការផ្តល់ជូននេះបូករួមទាំងការបង់ថ្លៃសាលា និង ប្រាក់ឧបត្ថម្ភប្រចាំខែរហូតដល់ការរៀនចប់នៅសាកលវិទ្យាល័យ។ 

ចំពោះលក្ខខណ្ឌក្នុងអាហារូបករណ៍នេះ សិស្សប្រឡងបាក់ឌុបជាប់និទ្ទេស A ឬB ហើយសិស្សអាចទៅយកពាក្យផ្ទាល់នៅសាខាស្មាត ឬទាញយកការបំពេញពាក្យតាមរយៈប្រព័ន្ធអនឡាញ រួចជួបសម្ភាសន៍ផ្ទាល់ជាមួយគណកម្មការ។ 

៤.អាហារូបករណ៍ Adenauer Young Scholars for Excellence (KAS) 

កម្មវិធីអាហារូបករណ៍នេះផ្តល់ជាទឹកប្រាក់៣០០០ដុល្លារក្នុងមួយឆ្នាំ ហើយបើកដំណើរការក្នុងគោលបំណងផ្តល់ឱកាសឱ្យនិស្សិតថ្នាក់បរិញ្ញាបត្រ ឬថ្នាក់អនុបណ្ឌិតនៅកម្ពុជាដែលជួបបញ្ហាហិរញ្ញវត្ថុបានបន្តការសិក្សារបស់ខ្លួន និងបន្តការខិតខំប្រែងបន្តទៅមុខទៀត។ 

អាហារូបករណ៍នេះ និងផ្តល់ជាទឹកប្រាក់ប្រចាំខែ ២៥០ដុល្លារសម្រាប់រយៈពេលមួយឆ្នាំ (១២ខែ) និស្សិតមានឱកាសទទួលបានវគ្គបណ្តុះបណ្តាផ្សេងៗពីស្ថាប័ន ព្រមទាំងមានឱកាស ធ្វើទំនាក់ទំនងជាមួយបុគ្គលល្បីក្នុងស្រុកនិងក្រៅស្រុក។ 

  • សិទ្ធទទួលបានអាហារូបករណ៍
    • ត្រូវមាន GPA ៣.០ ឡើងទៅ
    • ជានិស្សិតកំពុងសិក្សាថ្នាក់បរិញ្ញាបត្រ ឬអនុបណ្ឌិតផ្នែកច្បាប់ វិទ្យាសាស្ត្រ សង្គម/នយោបាយ ឬទំនាក់ទំនងអន្តរជាតិ
    • កម្រិតភាសាអង់គ្លេសល្អ
    • មានសកម្មភាពចូលរួមការងារសង្គមច្រើន៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ៣៧ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៥២ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា៣ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម