Connect with us

ព័ត៌មានជាតិ

សម្ដេចតេជោ អរគុណអេស្ប៉ាញ និងបណ្ដាប្រទេសអឺរ៉ុប ដែលបានរួមចំណែកក្នុងការប្រយុទ្ធប្រឆាំងកូវីដនៅកម្ពុជា

បានផុស

នៅ

ក្នុងនាមប្រជាជន និងរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែង​អំណរគុណជូនចំពោះប្រជាជន និងរដ្ឋាភិបាលអេស្ប៉ាញ និងបណ្ដាប្រទេសជាសមាជិកផ្សេងទៀតនៃសហភាពអឺរ៉ុប ដែលបាននិងកំពុងបន្តចូលរួមចំណែកយ៉ាងសំខាន់ ក្នុងការប្រយុទ្ធប្រឆាំងជំងឺកូវីដ-១៩ ក៏ដូចជាការងើបឡើងវិញនៃសង្គម-សេដ្ឋកិច្ចកម្ពុជា តាមរយៈការផ្ដល់ជំនួយវ៉ាក់សាំង ជាពិសេសសម្រាប់កុមារ និងជំនួយបច្ចេកផ្សេងៗ ជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងអំណរគុណនេះ គ្រាដែលសម្ដេចតេជោ ហ៊ុន សែន នៅព្រឹកថ្ងៃទី ១៨ ខែសីហា ឆ្នាំ ២០២២នេះ បានអញ្ជើញទទួលអំណោយសប្បុរសធម៌ ជាវ៉ាក់សាំងបង្ការជំងឺកូវីដ-១៩ ប្រភេទ Pfizer សម្រាប់កុមារចំនួន ៣០០,០០០ដូស ពីប្រជាជន និងរដ្ឋាភិបាលអេស្ប៉ាញ ជូនដល់ប្រជាជន និងរាជរដ្ឋាភិបាលកម្ពុជា តាមរយៈលោកស្រី គ្រីស្ទីនា អាហ្គៀឡា ភារធារីស្ដីទីនៃស្ថានភាពអេស្ប៉ាញប្រចាំកម្ពុជា។

នៅក្នុងឱកាសនោះដែរ លោកស្រី គ្រីស្ទីនា អាហ្គៀឡា បានថ្លែងឲ្យដឹងដែរថា ជំនួយនេះ កើតចេញពីកិច្ចព្រមព្រៀងរវាងក្រសួងសុខាភិបាល នៃប្រទេសទាំងពីរ និងចេញពីកិច្ចសហការជាមួយយន្ដការការពារពលរដ្ឋរបស់សហភាពអឺរ៉ុប។ លោកស្រីបន្តថា នេះក៏ជាសក្ខីភាព ដែលបង្ហាញពីសាមគ្គីភាព និងទឹកចិត្តសប្បុរសធម៌របស់ប្រជាជនអេស្ប៉ាញ និងការប្ដេជ្ញារបស់ប្រទេសអេស្ប៉ាញ ក្នុងការប្រយុទ្ធប្រឆាំងជំងឺកូវីដ-១៩ ផងដែរ។

ជាមួយគ្នានេះ ភារធារីស្ដីទីនៃស្ថានភាពអេស្ប៉ាញប្រចាំកម្ពុជារូបនេះ ក៏បានសម្ដែងនូវការសាទរ ចំពោះរាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន ដែលបានគ្រប់គ្រងស្ថានការណ៍កូវីដ-១៩ ប្រកបដោយជោគជ័យ និងទទួលបានការកោតសរសើរយ៉ាងទូលំទូលាយ។ លោកស្រីថា សម្រាប់ប្រទេសអេស្ប៉ាញ នេះជាកិត្តិយស ដើម្បីជួយគាំទ្រដល់ពលរដ្ឋកម្ពុជា និងដល់កិច្ចខិតខំប្រឹងប្រែងរបស់អាជ្ញាធរកម្ពុជា ក្នុងកិច្ចប្រឹងប្រែងប្រកបដោយប្រសិទ្ធភាព ក្នុងការធានាសុវត្ថិភាពខ្ពស់បំផុត ជូនប្រជាពលរដ្ឋរបស់ខ្លួន រួមទាំងជនបរទេស ដែលពុំមានសញ្ជាតិកម្ពុជាផងដែរ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ម៉ោង មុន

កីឡាករ​ព្រះខ័ន​រាជ​ស្វាយរៀង៣​រូប ​មានឈ្មោះ​ក្នុង​បញ្ជី​កីឡាករ ១១​នាក់​ល្អ​ជាងគេ​នៃ​លី​គ​រដូវ​កាល ២០២២

សន្តិសុខសង្គម៩ ម៉ោង មុន

សាលាឧទ្ធរណ៍​តម្កល់​សាលដីកា​ឲ្យ​អតីត​ផ្កាយ​២ សូ​យ ចាន់​សឿន អោយមាន​ទោស​ដដែល

សេដ្ឋកិច្ច១០ ម៉ោង មុន

ធនាគារពិភពលោក៖ វិស័យទេសចរណ៍ និងកិច្ចព្រមព្រៀងពាណិជ្ជកម្មថ្មីៗ ជំរុញកំណើនសេដ្ឋកិច្ចកម្ពុជាងើបឡើងជិត ៥%ឆ្នាំនេះ

ព័ត៌មានជាតិ១០ ម៉ោង មុន

មេបញ្ជាការ តំបន់​ប្រតិបត្តិការ​សឹក​រង​ឧ​ត្ត​រ​មានជ័យ ចាត់តាំង​កម្លាំង​ចុះ​ជួយ​ធ្វើ​ផ្ទះ​ជូន​គ្រួសារ​អតីតយុទ្ធជន

កីឡា១០ ម៉ោង មុន

អបអរសាទរ​ Marcus​ Haber​ ជា​​ម្ចាស់​​ស្បែក​​ជើង​មាស និង​កីឡាករ​ឆ្នើម​​ប្រចាំ​​​លីគ​​កម្ពុជា​​២០២២

Sokha Hotels

ព័ត៌មានពេញនិយម