ព័ត៌មានជាតិ

ឯកឧត្តម ហ៊ុន ម៉ានិត និង លោក ទៀ សីហា ប្រាប់ឱ្យលោក ខឹម វាសនា ឈប់បំផុសបំផុលបំពុល និងឱ្យរំសាយជួបជុំចាប់ពីស្អែកនេះទៅ

បានផុស

៤ years មុន

នៅ

ថ្ងៃសៅរ៍ ២៧ សីហា ២០២២

ដោយ

សៀមរាប ៖ ឯកឧត្ដម ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ចនៃក្រសួងការពារជាតិ និង លោក ទៀ សីហា អភិបាលនៃគណៈអភិបាលខេត្តសៀមរាប នៅរសៀលថ្ងៃទី២៧ ខែសីហា ឆ្នាំ២០២២នេះ បានដឹកនាំក្រុមការងារ ចុះទៅពិនិត្យការជួបជុំរបស់ប្រជាពលរដ្ឋ នៅដីចម្ការរបស់លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ(LDP)ស្ថិតក្នុងភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តេង ច័ន្ទណាត ស្នងការរងនគរបាលខេត្តសៀមរាប បានមានប្រសាសន៍ឲ្យដឹងថា ឯកឧត្ដម ហ៊ុន ម៉ានិត និង លោក ទៀ សីហា បានប្រាប់ឲ្យលោក ខឹម វាសនា ផ្អាក ធ្វើសកម្មភាពបំផុសបំផុលតាមពាក្យទំនាយថា នឹងមានគ្រោះធម្មជាតិលិចលង់ពិភពលោក នេះតទៅទៀត ព្រោះការធ្វើបែបនេះអាចឲ្យពលរដ្ឋចលាចល និងខាតបង់ផលប្រយោជន៍យ៉ាងធ្ងន់ធ្ងរ និងជាពិសេសប៉ះពាល់ដល់ការរស់នៅ ហូបចុករបស់ពលរដ្ឋ។

លោកបន្ថែមថា លោកអភិបាលខេត្តសៀមរាប បានប្រាប់ឱ្យលោក ខឹម វាសនា រំសាយការជួបជុំគ្នានេះនៅត្រឹមថ្ងៃទី២៨ សីហា តែលោក ខឹម វាសនា យល់ព្រមសហការជាមួយអាជ្ញាធរ ប៉ុន្តែលោកសុំពន្យារពេលរំសាយការប្រមូលផ្ដុំនេះ នៅថ្ងៃទី៣០ សីហាឆ្នាំ២០២២វិញ។ លោកបន្ថែមថា ពលរដ្ឋដែលមកចូលនោះគឺភាគច្រើនមកពីតាមបណ្តាខេត្តផ្សេងៗដែលជាអ្នកគាំទ្រគណបក្សសម្ព័ន្ធដើម្បីប្រជាធិបតេយ្យ(LDP)តែប៉ុណ្ណោះ។