Connect with us

ព័ត៌មានជាតិ

ការចុះបញ្ជីគណបក្សនយោបាយ ឈរឈ្មោះបោះឆ្នោតតំណាងរាស្រ្ដ នឹងត្រូវធ្វើឡើងពីថ្ងៃទី ២៤ ខែមេសា ឆ្នាំ ២០២៣តទៅ

បានផុស

នៅ

ការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះ សម្រាប់ការបោះឆ្នោតជ្រើសតាំងតំណា​ងរាស្រ្ដ នីតិកាលទី ៧ នឹងត្រូវធ្វើឡើងនាចុងខែមេសា ឆ្នាំ ២០២៣ខាងមុខ។ នេះបើយោងតាមសេចក្ដីប្រកាសព័ត៌មាន ស្ដីពី លទ្ធផលនៃកិច្ចប្រជុំរបស់គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី ១៥ ខែកញ្ញា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំ ដែលធ្វើឡើងក្រោមអធិបតីភាពលោក ប្រាជ្ញ ចន្ទ ប្រធាន គ.ជ.ប ដើម្បីពិនិត្យសម្រេចលើសៀវភៅសម្រាប់អ្នកចុះឈ្មោះបោះឆ្នោត ស្ដីពី ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ ២០២២ និងពិនិត្យសម្រេចលើសេចក្ដីព្រាងប្រតិទិន និងផែនការមេសម្រាប់ការបោះឆ្នោត ជ្រើសតាំងតំណាងរាស្រ្ដ នីតិកាលទី ៧ ឆ្នាំ ២០២៣។

សេចក្ដីប្រកាសព័ត៌មាន បានឲ្យដឹងថា បន្ទាប់ពីបានពិនិត្យ និងពិភាក្សាយ៉ាងល្អិតល្អន់រួចមក គ.ជ.ប បានសម្រេចកែ សម្រួលខ្លឹមសារមួយចំនួននៃសៀវភៅ សម្រាប់អ្នកចុះឈ្មោះបោះឆ្នោតឆ្នាំ ២០២២ និងកែសម្រួលខ្លឹមសារមួយចំនួននៃផែនការមេ សម្រាប់ការបោះឆ្នោតជ្រើសតាំងតំណាងរាស្រ្ដ នីតិកាលទី ៧ ឆ្នាំ ២០២៣ ហើយបានឯកភាពជាគោល ការណ៍លើប្រតិទិន នៃការបោះឆ្នោតជ្រើសតាំងតំណាងរាស្រ្ដ នីតិកាលទី ៧ ឆ្នាំ ២០២៣។

ប្រភពដដែល បានឲ្យដឹងបន្តថា យោងតាមប្រតិទិននៃការបោះឆ្នោត ជ្រើសតាំងតំណាងរាស្រ្ដ នីតិកាលទី ៧ ឆ្នាំ ២០ ២៣ ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ មានរយៈពេល ១៥ថ្ងៃ គឺចាប់ពីថ្ងៃទី ២៤ ខែមេសា ដល់ថ្ងៃទី ៨ ខែឧសភា ឆ្នាំ ២០២៣។

បើតាម គ.ជ.ប គណបក្សនយោបាយ ដែលបានចុះបញ្ជីត្រឹមត្រូវស្របតាមច្បាប់ ស្ដីពី គណបក្សនយោបាយ នៅក្រសួងមហាផ្ទៃ និងដែលមានបំណងចូលរួមការបោះឆ្នោត ត្រូវដាក់ពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ តាមទម្រង់បែបបទកំណត់ដោយ គ.ជ.ប។

សូមជម្រាបថា ការបោះឆ្នោតជ្រើសតាំងតំណាងរាស្រ្ដ នីតិកាលទី ៧ នឹងប្រព្រឹត្តទៅនៅថ្ងៃអាទិត្យ ទី ២៣ ខែកក្កដា ឆ្នាំ ២០២៣ខាងមុខនេះ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម