Connect with us

ព័ត៌មានជាតិ

អភិបាលខេត្តកោះកុង ប្រាប់ឱ្យអភិបាលស្រុក​បូទុមសាគរ ដែលចូលកាន់តំណែងថ្មី ត្រូវទប់ស្កាត់​បទល្មើសធនធានធម្មជាតិ

បានផុស

នៅ

លោកស្រី មិថុនា ភូថង អភិបាលខេត្តស្រ្តីដំបូងរបស់កម្ពុជា បានប្រាប់ដល់លោកអភិបាលថ្មី ស្រុកបូទុមសាគរ ចាំបាច់ទប់ស្កាត់ និងពង្រឹងការលើកកម្ពស់គ្រប់គ្រងថែរក្សាការពារដីព្រៃក្នុងតំបន់អភិរក្ស។

ការដាស់ស្មារតីរបស់លោកស្រី មិថុនា ភូថង អភិបាលខេត្តកោះកុង នៅពេលនេះធ្វើឡើងក្នុងពិធីប្រកាសតែងតាំងមុខតំណែងលោក ក្រូច បូរីសីហា ជាអភិបាលថ្មីនៃស្រុកបូទុមសាគរ ជំនួសលោក ហាក់ ឡេង ដែលឡើងទៅកាន់តំណែងអភិបាលរងខេត្តកោះកុង កន្លងទៅថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី មិថុនា ភូថង គូសបញ្ជាក់ទៀតថា ការពង្រឹងការគ្រប់គង និងការការពារធនធានធម្មជាតិ ដោយសារភូមិ​សាស្ត្រ​ខេត្តកោះកុង គ្របដណ្ដប់ភាគច្រើនដោយតំបន់ការពារអភិរក្ស ហើយតែងតែទទួលរងនូវការកាប់បំផ្លាញព្រៃឈើ ការទន្ទ្រានកាន់កាប់ដីព្រៃដីដោយខុសច្បាប់។ ហេតុដូច្នេះ លោកអភិបាលថ្មីស្រុកបូទុមសាគរ ត្រូវលើកកម្ពស់ការគ្រប់គ្រង ថែរក្សាការពារ ធនធានធម្មជាតិ ទ្រព្យសម្បត្តិសាធារណៈ ដោយខិតខំពង្រឹងការអនុវត្តច្បាប់ឲ្យបានម៉ឺងម៉ាត់ និងសហការជាមួយក្រសួង ស្ថាប័នពាក់ព័ន្ធ និងអាជ្ញាធរមានសមត្ថកិច្ច ដើម្បីបង្ការទប់ស្កាត់បង្ក្រាបបទល្មើសព្រៃឈើ និងបទល្មើសធនធានធម្មជាតិគ្រប់ប្រភេទឱ្យបានជាប់ជាប្រចាំ។ ជាពិសេសបន្តបង្កើនការផ្សព្វផ្សាយអប់រំ បំផុសឱ្យមានការចូលរួមពីប្រជាពលរដ្ឋគ្រប់ មជ្ឈដ្ឋានក្នុងកិច្ចការពារ និងអភិរក្សធនធានធម្មជាតិ។

ក្រៅពីការណែនាំឱ្យទប់ស្កាត់បទល្មើសធនធានធម្មជាតិ លោកស្រីអភិបាលខេត្តកោះកុង ក៏ដាក់បទបញ្ជាផ្ទាល់មាត់ទៅកាន់អាជ្ញាធរសមត្ថកិច្ចស្រុកបូទុមសាគរ និងបណ្តាក្រុងស្រុកផ្សេងៗទៀត អនុវត្តការបង្រ្កាបបនល្បែងស៊ីសងខុសច្បាប់ឱ្យអស់ និងម៉ឺនម៉ាត់បំផុត តបនឹងបទបញ្ជារបស់សម្តេចតេជោនាយករដ្ឋមន្រ្តី ចៀសវាងប្រជាពលរដ្ឋបន្តរងគ្រោះព្រោះការញៀនល្បែង។ រីឯការផ្តល់សេវារដ្ឋបាលសាធារណៈ ក៏ត្រូវបន្តពង្រឹង និងកែលម្អការផ្តល់សេវានៅការិយាល័យច្រកចេញចូលតែមួយ ប្រកបដោយភាពយកចិត្តទុកដាក់ខ្ពស់លើបែបបទរដ្ឋបាល ព្រមទាំងសីលធម៌វិជ្ជាជីវៈរបស់មន្ត្រីក្នុងការបំពេញការងាររបស់ខ្លួន ដើម្បីធានាឱ្យប្រជាពលរដ្ឋទទួលបានសេវានានា កាន់តែងាយស្រួល ឆាប់រហ័ស មានតម្លាភាព និងគណនេយ្យភាព។

បញ្ហាទាំង៣ចំណុចនេះ ត្រូវបានលោក ក្រូច បូរីសីហា អភិបាលថ្មីស្រុកបូទូមសាគរ បានប្តេជ្ញាចិត្តពុះពារអនុវត្តការងារដោយឈរលើស្មារតីទទួលខុសត្រូវលើតួនាទីតំណែងរបស់ខ្លួនដែលត្រូវបានថ្នាក់ដឹកនាំរាជរដ្ឋាភិបាលកម្ពុជា និងរដ្ឋបាលខេត្តកោះកុង ផ្តល់ទំនុកចិត្តមកអោយខ្លួន។

លោកអភិបាលស្រុកបូទុមសាគរ ថ្លែងថា រាល់សំណើ សំណូមពរ និងតម្រូវការចាំបាច់នានារបស់ប្រជាពលរដ្ឋ លោកនឹងតាមដានពិនិត្យចំពោះការផ្តល់សេវារដ្ឋបាលសាធារណៈ ដោយធ្វើយ៉ាងណាលឿនឆាប់រហ័ស ទាន់ពេលវេលា និងតម្លាភាព ចៀសវាងការថ្នាំងថ្នាក់ណាមួយរបស់ពលរដ្ឋមូលដ្ឋាន។ ទៀតសោត លោកប្រឹងប្រែងដោះស្រាយវិវាទបញ្ហានានាត្រឹមតែថ្នាក់មូលដ្ឋានប៉ុណ្ណោះ ដោយសំដៅកាត់បន្ថយការប្តឹងផ្តល់ទៅកាន់តុលាការ ដោយពួកគាត់អាចចំណាយពេលវេលា និងថវិកា ជាដើម ក្នុងន័យជួយលើកកម្ពស់សេដ្ឋកិច្ចសង្គម និងភាពសុខុដុមរមនា ឆ្លើយតបនឹងគោលការណ៍ដែលបានកំណត់ក្នុងច្បាប់ និងលិខិតបទដ្ឋានជាធរមាន៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៧ នាទី មុន

តើ សីលធម៌ ក្នុងសង្គមខ្មែរ កើតឡើងដោយរបៀបណា?

ព័ត៌មានជាតិ១៣ នាទី មុន

រដ្ឋបាលខេត្តសៀមរាប បើកយុទ្ធនាការតេស្តរក សារធាតុញៀនលើមន្ត្រីរាជការរបស់ខ្លួន

ព័ត៌មានជាតិ២១ នាទី មុន

អ្នកជំនាញអន្តរជាតិ ចែករំលែកបទពិសោធដល់អង្គភាពប្រឆាំងអំពើពុករលួយ លើការគ្រប់គ្រងទំនាស់ផលប្រយោជន៍

ជីវិតកម្សាន្ដ២៣ នាទី មុន

នាដការី សុខគា គឹមលាង មោទនភាពកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ

ព័ត៌មានជាតិ២៥ នាទី មុន

ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន ផ្លាស់ប្ដូរ អនុស្សរណៈយោគយល់គ្នាជាមួយ វិទ្យាស្ថានពហុបច្ចេកទេសកម្ពុជា និងបើកវគ្គបណ្ដុះបណ្ដាលការងារកំបោរក្នុងវិស័យសំណង់

Sokha Hotels

ព័ត៌មានពេញនិយម