ព័ត៌មានជាតិ

បង្ហើបតម្លៃនាឡិកាផលិតនៅខ្មែរចែកដល់មេដឹកនាំចូលរួមកិច្ចប្រជុំអាស៊ាន

បានផុស

៤ years មុន

នៅ

ថ្ងៃអាទិត្យ ១៣ វិច្ឆិកា ២០២២

ដោយ

ប្រមុខរដ្ឋាភិបាលសម្តេចតេជោ ហ៊ុន សែន បានបង្ហើបពីតម្លៃនាឡិកា ដែលបានចែកជូនដល់ថ្នាក់ដឹកនាំមកចូលរួមក្នុងកិច្ចប្រជុំកំពូលអាស៊ានដែលកម្ពុជាជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសន្និសីទកាសែតនៅវិមានសន្តិភាព សម្តេចតេជោ ហ៊ុន សែនបានបញ្ចាក់ថា នាឡិកានេះផលិតឡើងយ៉ាងសម្រិតសម្រាំង មួយគ្រឿងចំណាយអស់ជាង ២ ម៉ឺនដុល្លារ។

ប្រមុខរដ្ឋាភិបាលបានបង្ហើបមូលហេតុផលិតនាឡិកា ចែកដល់ថ្នាក់ដឹកនាំកំពូលចូលរួមក្នុងកិច្ចប្រជុំកំពូលអាស៊ាន ដើម្បីបង្ហាញពីស្នាដៃដែលខ្មែរអាចធ្វើបាន។

នាឡិកា ២៥ គ្រឿង ត្រូវបានចែកដល់ថ្នាក់ដឹកនាំដែលបានចូលរួមកិច្ចប្រជុំកំពូលអាស៊ាន។ សម្តេចតេជោ ហ៊ុន សែន ក៏ទទួលបាននាឡិកាមួយគ្រឿងដែរដូចមេដឹកនាំដទៃទៀត។

សម្តេចតេជោលើកបង្ហាញពីនាឡិកាដោយអះអាងថានឹងរក្សាទុកសម្រាប់ការចងចាំ ជាមោទនភាពសម្រាប់ជាតិកម្ពុជា ដែលអាចរៀបចំព្រឹត្តិការណ៍ប្រជុំកំពូលមានថ្នាក់ដឹកនាំអាស៊ាន និងថ្នាក់ដឹកនាំពិភពលោកចូលរួមប្រកបដោយជោគជ័យ៕