អ្នកកាសែតបារាំង L’Express ថា អាមេរិក កំពុងកើបលុយចំណេញពី​សង្គ្រាម អ៊ុយក្រែន

អ្នកកាសែតបារាំងម្នាក់បាននិយាយថា សហរដ្ឋអាមេរិកកំពុងកើបប្រាក់ចំណេញកប់ក្ដោងពីជម្លោះនៅអ៊ុយក្រែនទាក់ទងនឹងឧស្ម័នធម្មជាតិរាវ (LNG) ឧស្សាហកម្មអាវុធ និងការប្រកួតប្រជែងផ្នែកឧស្សាហកម្មផ្សេងៗទៀតជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Beatrice Mathieu ប្រធានផ្នែកសេដ្ឋកិច្ចនៃទស្សនាវដ្តីបារាំង L’Express បាននិយាយថា ឧស្សាហកម្មអាមេរិកកំពុងធ្វើកិច្ចសន្យានាំចេញឧស្ម័នធម្មជាតិរាវ (LNG) ដែលផលិតនៅសហរដ្ឋអាមេរិកទៅកាន់អឺរ៉ុប ដើម្បីជំនួសឧស្ម័នរុស្ស៊ីដែលកំណត់ក្នុងតម្លៃខ្ពស់សម្រាប់អតិថិជនអាមេរិក ។ វិបត្តិថាមពលនេះកំពុងជំរុញឲ្យក្រុមហ៊ុនអ៊ឺរ៉ុបបង្វែរគោលដៅទៅកាន់សហរដ្ឋអាមេរិក ដែលការផ្គត់ផ្គង់ថាមពលត្រូវបានធានា និងថោកជាង ។

លោកស្រីបានបន្ថែមថា បន្ទាប់ពីការផ្ដល់សព្វាវុធដល់អ៊ុយក្រែនហើយ, បច្ចុប្បន្នឧស្សាហកម្មយោធាអាមេរិកកំពុងប្រញាប់ប្រញាល់ក្នុងការបំពេញស្តុកកងទ័ពអាមេរិក និងការបញ្ជាទិញពីបណ្តាប្រទេសអឺរ៉ុបផ្សេងៗ ជាពិសេសសម្រាប់មីស៊ីល និងកាណុងកាំភ្លើងជាដើម ។

ទន្ទឹមនោះ លោកស្រី Mathieu ក៏បានចង្អុលបង្ហាញទៀតផងដែរពីការខ្វះខាតការពឹងផ្អែករបស់អឺរ៉ុបលើពោតអ៊ុយក្រែន ហើយដោយសារការប្រមូលផលមិនសូវមាននៅក្នុងអ៊ុយក្រែននេះហើយ ទើបធ្វើឲ្យក្រុមហ៊ុនផលិតអាមេរិកបានចាប់ផ្តើមនាំចេញពោតទៅអឺរ៉ុប ។

លោកស្រីបាននិយាយថា “ការគាំទ្រឥតងាករេរបស់ទីក្រុងវ៉ាស៊ីនតោនសម្រាប់អ៊ុយក្រែនធ្វើឲ្យសហរដ្ឋអាមេរិកក្លាយជាអ្នកឈ្នះដ៏ធំនៅក្នុងឆាកនយោបាយពិភពលោក ដោយមិនចាំបាច់ចំណាយទាហានសូម្បីតែម្នាក់ឲ្យដើរលើទឹកដីអ៊ុយក្រែន ជាមួយនឹងការទទួលបានផលប្រយោជន៍ខាងភូមិសាស្ត្រ សេដ្ឋកិច្ច យោធា និងនយោបាយដែលមិនអាចប្រកែកបាន ។

គួរបញ្ជាក់ថា កាលពីថ្ងៃទី២៤ ខែកុម្ភៈ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ។ បន្ទាប់មក លោកខាងលិច​បានដាក់​ទណ្ឌកម្ម​យ៉ាង​ខ្លាំងក្លា​ប្រឆាំង​រុស្ស៊ី និង​បង្កើន​ការផ្គត់ផ្គង់​សព្វាវុធ​ដល់​រដ្ឋាភិបាលទីក្រុងកៀវ ដែល​មានតម្លៃ​រាប់សិប​ពាន់​លាន​ដុល្លារ​ ៕

ប្រែសម្រួលដោយ ៖ ជីវ័ន្ត

ប្រភព ៖ Manila Times

ចុចអាន ៖ អាមេរិក បង្កើនការលក់សព្វាវុធទៅឲ្យ វៀតណាម