ព័ត៌មានជាតិ
កម្ពុជា ត្រៀមដាក់ស្ថានីយបញ្ចូលថាមពលអគ្គិសនី ២០០កន្លែង នៅទូទាំងប្រទេស
បច្ចុប្បន្ន ក្រសួងសាធារណការ និងដឹកជញ្ជូន ទទួលបានឧបករណ៍បញ្ចូលថាមពលអគ្គិសនី ចំនួន៤ ពីក្រុមហ៊ុន Unity និងពីផ្នែកឯកជនចំនួន ៣គ្រឿង។ ក្នុងនោះ ក្រុមហ៑ុន DYD ក៏មានត្រៀមរៀបចំឧបករណ៍បញ្ចូលថាមពលប្រហែល ២០០គ្រឿង សម្រាប់ដាក់នៅទីតាំង ២០០កន្លែង ទូទាំងប្រទេសផងដែរ ដើម្បីជម្រុញការប្រើប្រាស់រថយន្តថាមពលអគ្គិសនីនៅកម្ពុជា បន្ទាប់ពីមើលឃើញពីផលប្រយោជន៍នៃការប្រើប្រាស់រថយន្តប្រភេទនេះ។ នេះជាការលើកឡើងរបស់ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងកម្មវិធីបើកសន្និបាតបូកសរុបលទ្ធផលការងារ នាព្រឹកថ្ងៃទី១៥ កុម្ភៈ ឆ្នាំ២០២៣ ។
បើតាម លោក ស៊ុន ចាន់ថុល ការប្រើប្រាស់រថយន្តប្រើដោយថាមពលអគ្គិសនី គឺមានគុណសម្បត្តិទាំង ពន្ធនាំចូល ក៏ត្រូវបានកាត់បន្ថយ ហើយការចំណាយលើការធ្វើដំណើរ ក៏តិចជាងការប្រើថាមពលប្រេងឥន្ធនៈ។ ហេតុនេះ ប្រមុខរាជរដ្ឋាភិបាលកម្ពុជា បានចេញអនុក្រឹត្យលេខ ២១៤ ដែលអនុញ្ញាតឱ្យក្រសួងសាធារណការ និងដឹកជញ្ជូន រៀបចំគណកម្មការអន្តរក្រសួង ដើម្បីពិភាក្សារៀបចំគោលនយោបាយ យុទ្ធសាស្ត្រ ក្នុងការប្រើប្រាស់រថយន្តប្រើដោយថាមពលអគ្គិសនីនេះ។
លោករដ្ឋមន្ត្រីថា “យើងបានធ្វើការជាមួយនឹងក្រុមហ៊ុនឯកជន ជាពិសេស DYD ដែលគេត្រៀមដាក់រៀបចំស្ថានីយបញ្ចូលថាមពលនេះ ប្រហែលជា ២០០គ្រឿង នៅ ២០០កន្លែង ទូទាំងប្រទេស” ។
ចំពោះឧបករណ៍បញ្ចូលថាមពលអគ្គិសនីទាំងអស់ ដែលក្រសួងសាធារណការ និងដឹកជញ្ជូន ទទួលបាន លោកបញ្ជាក់ថា គឺមាន ១គ្រឿង គឺដាក់នៅក្រសួងសាធារណការ និងដឹកជញ្ជូន, ១គ្រឿង នៅក្រុងព្រះសីហនុ, ១គ្រឿង ដាក់នៅខេត្តសៀមរាប និង ១គ្រឿងទៀត ដាក់នៅខេត្តបាត់ដំបង ហើយក៏នៅមានផ្នែកឯកជន ដែលបានផ្តល់ឱ្យមក ក្រសួងសាធារណការ ចំនួន ៣គ្រឿងផងដែរ។
ក្រៅពីនេះ លោករដ្ឋមន្រ្តីអះអាងដែរថា ស្ថានីយកាល់តិច (ព្រៃស) និងផ្សារទំនើប Aeon សែនសុខ ក៏មានរៀបចំឧបករណ៍នេះ ១គ្រឿងដែរ។
គួរបញ្ជាក់ថា បច្ចុប្បន្នកម្ពុជាមានឧបករណ៍បញ្ចូលថាមពលអគ្គិសនីសរុបចំនួន ៩គ្រឿង ហើយក្រសួងសាធារណការ និងដឹកជញ្ជូន នឹងបន្តជម្រុញបន្ថែមទៀតជុំវិញការលើកឡើងនេះ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ