Connect with us

ព័ត៌មានជាតិ

រដ្ឋបាល​ខេត្ត​ពោធិ៍សាត់​ ​​ជំរុញ​កសិករ​ផលិត​បន្លែសុវត្ថិភាព ឱ្យ​កាន់​តែ​​មាន​សក្ដានុពល

បានផុស

នៅ

លោក​ ខូយ រីដា អភិបាល​នៃ​គណៈ អភិបាល​ខេត្ត​ពោធិ៍សាត់​បាន​គូស​បញ្ជាក់​ថា ​ខេត្ត​ពោធិ៍សាត់​ក្រៅ​ពី​ដំណាំ​ស្រូវ​ដែល​មាន​សក្ដានុពល​ និង​ទទួល​បាន​ផល​ខ្ពស់ ពេល​នេះ​រដ្ឋបាល​ខេត្ត​​កំពុង​ជំរុញ​ការបណ្តុះបណ្តាលបច្ចេកទេសដាំដុះដល់កសិករ​​ លើ​ការ​ផលិត​ដំណាំ​បន្លែ​សុវត្ថិភាព​ឱ្យ​កាន់​​តែមានភាព​ប្រសើរ​ស្រប​តាម​ស្តង់​ដារទី​ផ្សារ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្និសីទសារព័ត៌មាន រៀបចំដោយអង្គភាពអ្នកនាំពាក្យ រាជរដ្ឋាភិបាលពី«ភាពជោគជ័យរបស់ខេត្តពោធិ៍សាត់ រយៈពេល ៥ ឆ្នាំ» កាលពីពេលកន្លងទៅ លោក ខូយ រីដា បាន​មាន​ប្រសាសន៍​ថា បច្ចុប្បន្ន​ប្រជាពលរដ្ឋ​ភាគ​ច្រើន​និយម​បរិភោគ​បន្លែ​​មាន​សក្ដានុពល​សុខ​ភាព​ជា​ចម្បង ​ដូច​នេះ​រដ្ឋបាល​ខេត្ត និង​មន្ទីរ​កសិកម្ម​​រុក្ខា​ប្រមាញ់ និង​នេសាទ ​បានខិតខំ​ផ្សព្វផ្សាយអំពីបច្ចេកទេសកសិកម្មថ្មីៗ និង​ជំរុញ​ទឹក​ចិត្ត​ឱ្យ​ផលិត​បន្លែ​សុវត្ថិភាព​ឱ្យ​បាន​ច្រើន​​ ដើម្បី​ចូល​រួម​ក្នុង​គោល​នយោបាយ​របស់​រាជរដ្ឋាភិបាល ​​ពិសេស អាចរួម​ចំណែក​កាត់​បន្ថយ​ជីវភាព​ក្រីក្រ​របស់​ប្រជាពលរដ្ឋ​ក្នុង​មូលដ្ឋាន។

ពាក់ព័ន្ធការផលិតដំណាំរបស់ប្រជាកសិករ ដែលផ្តោតលើការ​ផលិត​ដំណាំ​បន្លែ​សុវត្ថិភាព ​ដំណាំ​រួម​ផ្សំ ដំណាំ​កសិ-ឧស្សាហកម្ម និង​ដំណាំ​ទទួល​បាន​ប្រាក់​ចំណូល លើដំណាំ​បន្លែ, ពោត ក្រហម, ដំឡូងមី, សណ្ដែកបាយ, សណ្ដែកសៀង, អំពៅ, ល្ង, ម្រេច, កៅស៊ូ, ទុរេន, ស្វាយ ស្វាយចន្ទី និង​ជា ពិសេស​​ក្រូច​ពោធិ៍សាត់ជា​ដំណាំ​អត្តសញ្ញាណខេត្ត​តែម្តង។

យ៉ាងណាមិញ លោក អភិបាល​ខេត្ត បាន​ចង្អុល​បង្ហាញ​ថា ចំពោះការ​ផលិត​បន្លែសុវត្ថិភាព​ទាំងនេះ ​ទី១ ការ​ដាំ​បន្លែសុវត្ថិភាព​មិន​មាន​ប្រើប្រាស់​ជីគីមី ឬថ្នាំ​បំពុល​ គឺ​ពលរដ្ឋ​ដាំ​ក្នុង​រោង​ស្បៃ​មុង​ ជាហេតុដែលមិន​ទាមទារ​ឱ្យមានការ​បាញ់​ថ្នាំ​បំពុល​សត្វ​ល្អិត​ផ្សេង​ៗ។ ដោយ​ឡែក​ទី​២ បន្ទាប់​ពី​ទទួល​បាន​គោលនយោបាយ​ថ្មី​ពី​រាជរដ្ឋាភិបាល ​និង​ក្រសួង​កសិកម្ម​ដែល​បាន​ផ្ដល់​ឯក​ទេស ព្រម​ទាំង​ដៃ​គូរ​អភិវឌ្ឍន៍​អន្តរជាតិ ​បណ្តុះបណ្តាល​ដល់កសិករ​ បានធ្វើឱ្យមានការយល់ដឹងច្រើន អំពីការផលិតដំណាំចេញ​ទៅ​ឱ្យមាន​ស្តង់​ដា​ ស្រប​តាម​ទី​​ផ្សារ ​ទទួល​បាន​ទិន្នផល​ខ្ពស់ ​និង​លក់​ចេញ​បាន​កម្រៃ​ល្អ​ ដែល​អាច​យក​ដោះ​ស្រាយ​ជីវភាព​ក្នុង​គ្រួសារ។

លោក ខូយ រីដា ក៏បន្តដែរថា អ្វីដែលរដ្ឋបាលខេត្តកំពុងយកចិត្តទុកដាក់បន្ថែមទៀត ធ្វើយ៉ាងណាឱ្យកសិករផលិតដំណាំចេញទៅមានស្តង់ដារ ក៏ដូចជាផលចំណេញរបស់ប្រជាពលរដ្ឋ ចៀសវាងការផលិតចេញទៅហើយបោះចោល និងមិនមានទីផ្សារគ្រប់គ្រាន់។

រីឯដំណាំបន្លែវិញ ខេត្ត​ពោធិ៍សាត់បាន​នឹង​កំពុង​យក​ចិត្ត​ទុក​ដាក់​ជំរុញ​ប្រជាកសិករ​ លើ​ការ​ដាំ​ដំណាំ​បន្លែ​សុវត្ថិភាព ដែល​ក្នុង​មួយ​ថ្ងៃ​ៗ​អាច​ផ្គត់ផ្គង់ បាន​ពី ១០​-១៥​តោន។

គួរ​បញ្ជាក់​ថា ដើម្បី​អាច​​ធានា​បាន​សន្តិសុខ​ស្បៀង ​អាហារ​រូបត្ថម្ភ និង​បង្កើន​ប្រាក់​ចំណូល​នៅ​តាម​តំបន់​ជនបទ បច្ចុប្បន្ន​ខេត្ត​ពោធិ៍សាត់​មាន​សហគមន៍​កសិកម្ម​ចំនួន ៦០​សហគមន៍​ ក្រុម​បណ្ដុះបណ្ដាល​កសិករ​ធ្វើ​អាជីវកម្ម​កសិកម្ម​ចំនួន ៧៤​បណ្ដុំ បាន​នឹង​កំពុង​ផលិត​នូវ​ផលិត​ផល​កសិកម្ម​សុវត្ថិភាព សម្រាប់​ផ្គត់ផ្គង់​ក្នុង​ខេត្ត និង​ក្រៅ​ខេត្ត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤៤ នាទី មុន

សមត្ថកិច្ច​ឃាត់​បុរស​ម្នាក់ ពាក់ព័ន្ធ​ករណី​យក​ពូថៅ​វាយ​​អតីត​ប្រពន្ធ និង​អតីត​ម្ដាយក្មេក នៅ​ស្រុក​កងមាស

ព័ត៌មានជាតិ៥៨ នាទី មុន

ក្រសួង​ការងារ និង​ ក្រសួង​ប្រៃសណីយ៍ ចុះ​អនុស្សរណៈ​កិច្ច​សហប្រតិបត្តិការ​ដាក់​ឱ្យ​ប្រើ​ថ្នាល​ផ្ទៀងផ្ទាត់​ឯកសារ (verify.gov.kh) និង​ជំរុញ​ការ​ធ្វើ​បរិវត្ត​កម្ម​ឌីជីថល

ព័ត៌មានជាតិ១ ម៉ោង មុន

លោក ឧកញ៉ា អ៊ឹង វណ្ណ​ម៉ៅ ក្លាយជា​ប្រធាន សភាពាណិជ្ជកម្ម​ខេត្តបន្ទាយមានជ័យ​ អាណត្តិ​ទី៣ លើក​ទី​១ ក្រោយពី​មានការ​បោះឆ្នោត​ពេញ​១​ថ្ងៃ

ព័ត៌មានជាតិ១ ម៉ោង មុន

របាយការណ៍របស់សហជីព និងអង្គការសង្គមស៊ីវិលឯករាជ្យ ត្រូវតែមានលក្ខណៈវិទ្យាសាស្ត្រ មិនលំអៀង និងមានភាពជាតំណាងគ្រប់គ្រាន់

ព័ត៌មានជាតិ២ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

សន្តិសុខសង្គម១៤ ម៉ោង មុន

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

សន្តិសុខសង្គម៥ ម៉ោង មុន

ព័ត៌មានបឋម! ជនមិនស្គាល់មុខចាក់សម្លាប់​យុវជនម្នាក់នៅផ្ទះជួលជាន់ទី៣

ព័ត៌មានអន្ដរជាតិ១៤ ម៉ោង មុន

ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់

ព័ត៌មានជាតិ២ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

ព័ត៌មានអន្ដរជាតិ១៣ ម៉ោង មុន

ធម្មយាត្រា Hajj ក្រោមកម្តៅថ្ងៃជិត ៥២អង្សា, មនុស្សស្លាប់កើនដល់ជាង ១ ៣០០នាក់

Sokha Hotels

ព័ត៌មានពេញនិយម