Connect with us

ព័ត៌មានជាតិ

គិតត្រឹមដើមឆ្នាំនេះ រដ្ឋសភានីតិកាលទី៦ បានអនុម័តច្បាប់ចំនួន១០៩

បានផុស

នៅ

គិតត្រឹមខែមីនា ឆ្នាំ២០២៣នេះ ដែលជាឆ្នាំចុងក្រោយនៃនីតិកាលទី៦ គឺរដ្ឋសភាកម្ពុជា បានអនុម័តច្បាប់សំខាន់ៗចំនួន ១០៩ច្បាប់។ បន្ថែមពីការតាក់តែងច្បាប់ ថ្នាក់ដឹកនាំ សមាជិក-សមាជិការដ្ឋសភា ក៏បានចុះសួរសុខទុក្ខប្រជាពលរដ្ឋនៅតាមមូលដ្ឋានទូទាំងប្រទេសជាញឹកញាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមបណ្ដាញសង្គមហ្វេសប៊ុករបស់រដ្ឋសភាកម្ពុជា នៅថ្ងៃសុក្រនេះ បានឲ្យដឹងថា «ក្រៅពីការងារតាក់តែងច្បាប់ ថ្នាក់ដឹកនាំ សមាជិក-សមាជិការដ្ឋសភាបានខិតខំយកអស់កម្លាំងកាយចិត្តចុះសួរសុខទុក្ខប្រជាពលរដ្ឋនៅតាមមណ្ឌលដែលខ្លួនទទួលខុសត្រូវយ៉ាងសស្រាក់សស្រាំ»។

នៅក្នុងនោះ សមាជិក-សមាជិការដ្ឋសភា ដែលជាតំណាងឲ្យប្រជាពលរដ្ឋ បានទទួលយក និងរួមគ្នាដោះស្រាយនូវសំណូមពរ និងក្តីកង្វល់នានារបស់ប្រជាពលរដ្ឋកម្ពុជានៅទូទាំងប្រទេសទៅតាមនីតិវិធីបានយ៉ាងល្អប្រសើរ។

ទន្ទឹមនេះដែរ រដ្ឋសភានៃនីតិកាលទី៦ ក្រោមការដឹកនាំរបស់សម្តេចពញាចក្រី ហេង សំរិន ប្រធានរដ្ឋសភា ក៏បានពង្រឹង និងពង្រីកវិស័យការទូតសភាកាន់តែសកម្មគួរឲ្យកត់សម្គាល់ផងដែរ ជាពិសេស កាលពីឆ្នាំ២០២២ រដ្ឋសភាកម្ពុជា បានទទួលធ្វើជាម្ចាស់ផ្ទះ និងជាប្រធាននៃមហាសន្និបាតអន្តរសភាអាស៊ាន (អាយប៉ា) លើកទី៤៣។

រដ្ឋសភា នីតិកាលទី៦ បានបើកសម័យប្រជុំដំបូងក្រោមព្រះរាជាធិបតីភាពដ៏ខ្ពង់ខ្ពស់បំផុតនៃព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា កាលពីព្រឹកថ្ងៃទី៥ ខែកញ្ញា ឆ្នាំ២០១៨។ រដ្ឋសភានីតិកាលទី៦ បានបំពេញតួនាទីក្នុងការបម្រើប្រជាពលរដ្ឋស្របតាមច្បាប់ ដែលមានភារកិច្ចសំខាន់ៗដូចជា៖ ការងារនីតិកម្ម ការងារបោះឆ្នោតទុកចិត្ត និងការបោះឆ្នោតជ្រើសតំាងភាពជាតំណាងប្រជាពលរដ្ឋ និងការឃ្លាំមើលការអនុវត្តច្បាប់របស់រាជរដ្ឋាភិបាល ជាដើម។

ឈរលើស្មារតីនេះ ព្រះមហាក្សត្រនៃកម្ពុជា ទ្រង់ត្រាស់បង្គាប់ព្រះរាជប្រទានគ្រឿងឥស្សរិយយសជូនសមាជិក-សមាជិការដ្ឋសភា ដើម្បីឆ្លើយតបនឹងគុណបំណាច់ដ៏ឧត្តុង្គឧត្តម ដែលបានបំពេញការងារជូនជាតិ និងប្រជាជនកម្ពុជា ហើយស្របតាមច្បាប់ដែលបានកំណត់។ ពិធីបំពាក់គ្រឿងឥស្សរិយយសជូនដល់សមាជិក-សមាជិការដ្ឋសភា នីតិកាលទី៦នេះ បានរៀបចំធ្វើឡើងនៅថ្ងៃទី៧ ខែមេសា ឆ្នាំ២០២៣នេះ ក្រោមអធិបតីរបស់សម្តេចចក្រី ហេង សំរិន ប្រធានរដ្ឋសភា៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group
បច្ចេកវិទ្យា៣ ម៉ោង មុន

ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង

ព័ត៌មានជាតិ៦ ម៉ោង មុន

អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព

សេដ្ឋកិច្ច៧ ម៉ោង មុន

រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ

ព័ត៌មានជាតិ៨ ម៉ោង មុន

អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ

ព័ត៌មានអន្ដរជាតិ៨ ម៉ោង មុន

ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?

Sokha Hotels

ព័ត៌មានពេញនិយម