ព័ត៌មានជាតិ
មកដឹងខេត្តណាដែលទទួលបានភ្ញៀវទេសចរទៅកម្សាន្តច្រើនជាងគេនៅថ្ងៃចូលឆ្នាំខ្មែរ
ភ្ញៀវទេសចរ បានចេញដំណើរកម្សាន្តយ៉ាងគំហុកនៅតាមបណ្តាខេត្តគោលដៅទេសចរណ៍សំខាន់ៗ នាថ្ងៃចូលឆ្នាំខ្មែរ រយៈពេលបីថ្ងៃ ចាប់ពីថ្ងៃទី ១៤-១៦ ខែ មេសា ឆ្នាំ ២០២៣។
កម្ពុជាថ្មី ទទួលបានរបាយការណ៍ជាបន្តបន្ទាប់អំពីចំនួនភ្ញៀវទេសចរដែលចេញដំណើរកម្សាន្តនៅតាមខេត្តនីមួយៗ។ បើទោះជាក្រសួងទេសចរណ៍ មិនទាន់បញ្ចេញរបាយការណ៍ផ្លូវការ ប៉ុន្តែតាមរយៈទិន្នន័យរបស់រដ្ឋបាលខេត្តនីមួយៗ បានបង្ហាញជាបន្តបន្ទាប់ អំពីកំណើននៃភ្ញៀវទេសចរណ៍ទៅកម្សាន្តនៅខេត្តរបស់ខ្លួន។
សម្រាប់រយៈពេល០៣ថ្ងៃនៃព្រឹត្តិការណ៍អង្គរសង្ក្រាន្តដ៏ធំ នៅខេត្តសៀមរាប ទទួលបានភ្ញៀវទេសចរជាតិ និងអន្តរជាតិប្រមាណ ២លាននាក់។ នេះជាការបញ្ជាក់របស់ប្រធានមន្ទីរទេសចរខេត្ត នៅថ្ងៃទី ១៧ មេសានេះ។
ចំណែកខេត្តកំពង់ចាម ទទួលបានភ្ញៀវទេសចរសរុបចំនួន ១.៨៣៨.៨១១នាក់ ក្នុងនោះទេសចរណ៍អន្តរជាតិ មានចំនួន ៦៧៦នាក់។ នេះបើតាមរបាយការណ៍របស់ប្រធានមន្ទីរទេសចរណ៍ខេត្តកំពង់ចាម។
រីឯរាជធានីភ្នំពេញ ក៏ទទួលបានភ្ញៀវទេសចរច្រើនផងដែរ។ នាឱកាសបុណ្យចូលឆ្នាំថ្មីនេះ រាជធានីភ្នំពេញ ទទួលបានភ្ញៀវទេសចរជាតិ និងអន្តរជាតិសរុបចំនួន ១លាន ៨០ម៉ឺននាក់។ ក្នុងនោះភ្ញៀវអន្តរជាតិ ៣០០នាក់។ ប្រធានមន្ទីរទេសចរណ៍ បានបញ្ជាក់ប្រាប់អ្នកសារព័ត៌មានថា ក្នុងចំណោមរមណីយដ្ឋានទេសចរណ៍នៅរាជធានីភ្នំពេញ គឺរមណីយដ្ឋានវប្បធម៌ ប្រវិត្តសាស្ត្រវត្តភ្នំ ទាក់ទាញភ្ញៀវទេសចរច្រើនជាងគេ រហូតដល់ ១លាននាក់។
សង្ក្រាន្តបាត់ដំបងឯណោះវិញ ទទួលបានភ្ញៀវទេសចរជាតិ និងអន្តរជាតិដើរកម្សាន្តក្នុងពិធីបុណ្យចូលឆ្នាំថ្មីចំនួន ១,៥០០,១៦៨នាក់ បានសម្រុកមកលេងកម្សាន្តតាមទីតាំងនានាទូទាំងខេត្តបាត់ដំបង។ ក្នុងនោះទីតាំងសង្ក្រាន្ត នៅជិតរូបសំណាកលោកតាដំបងក្រញូង ដែលរៀបចំឡើងដោយ ស.ស.យ.ក. ខេត្តបាត់ដំបង សហការជាមួយរដ្ឋបាលខេត្ត មានប្រជាពលរដ្ឋចូលមកលេងកម្សាន្តច្រើនជាងគេ ក្នុងចំណោមតាមបណ្តារមនីយដ្ឋាន កន្លែងលេងកម្សាន្តនានា ក្នុងខេត្តបាត់ដំបង។
ចំណែកខេត្តកំពត ទទួលបានភ្ញៀវទេសចរប្រមាណ ៨៦៦,៦៦៦ ម៉ឺននាក់ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែររយៈពេលបីថ្ងៃ។ ដោយឡែក ខេត្តស្វាយរៀង ទទួលបានភ្ញៀវទេសចរប្រមាណជាង ៧៥ម៉ឺននាក់។
ក្រៅពីខេត្តដែលបានលើកឡើងនេះ ខេត្តដទៃទៀត ក៏មានកំណើនភ្ញៀវទេសចរចេញកម្សាន្តច្រើនផងដែរ ដូចជាខេត្តព្រះសីហនុ កោះកុង រតនគិរី មណ្ឌលគិរី និងផ្សេងៗទៀត នាឱកាសពិធីបុណ្យចូលឆ្នាំថ្មីប្រពៃណីជាតិខ្មែរនេះ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង