ព័ត៌មានជាតិ

ក្រសួងស្ថាប័នចំនួន៦ប្រកាសជ្រើសរើសមន្ត្រីក្របខណ្ឌចំនួន២២២កន្លែងសម្រាប់ឆ្នាំ២០២១

បានផុស

៥ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

ក្រសួងស្ថាប័នចំនួន៦ បានប្រកាសជ្រើសរើសនិស្សិត និងមន្ត្រីរាជការស៊ីវិលចំនួន២២២កន្លែងឲ្យចូលបម្រើការងារក្របខណ្ឌសម្រាប់ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អែវ ប៊ុនថុល ប្រធានគណៈកម្មការរៀបចំការប្រឡងនៃក្រសួងមុខងារសាធារណៈបានឲ្យដឹងថា ក្រសួងស្ថាប័នចំនួន៦ ដែលជ្រើសរើសក្របខណ្ឌនោះ រួមមានក្រសួងមុខងារសាធារណៈជ្រើសរើស៨កន្លែង ក្រសួងទំនាក់ទំនងរដ្ឋសភានិងព្រឹទ្ធសភានិងអធិការកិច្ចចំនួន៥កន្លែង ក្រសួងកសិកម្មរុក្ខាប្រមាញ់ និងនេសាទ ចំនួន១៣៣កន្លែង ក្រសួងធនធានទឹកនិងឧត្តុនិយមចំនួន២៨កន្លែង ក្រសួងពាណិជ្ជកម្មចំនួន៣៦កន្លែង និងរដ្ឋលេខាធិការដ្ឋានអាកាសចរស៊ីវិលចំនួន១២កន្លែង។ លោកបានបន្តថា ចំពោះការទទួលពាក្យនឹងប្រព្រឹត្តិទៅចាប់ពីថ្ងៃទី២៥ ខែមករា ឆ្នាំ២០២១ តទៅនិងឈប់ទទួលពាក្យនៅថ្ងៃទី៥ ខែមីនា ឆ្នាំ២០២១។

គួរបញ្ជាក់ថា ឆ្នាំ២០២១រដ្ឋាភិបាលជ្រើសរើសមន្ត្រីក្របខ័ណ្ឌចំនួន៦១០៦នាក់ ក្នុងនោះក្រសួងចំនួនពីរត្រូវការច្រើនជាងគេរួមមានក្រសួងសុខាភិបាល ត្រូវការ១៣០០នាក់និងក្រសួងអប់រំយុវជននិងកីឡាត្រូវការចំនួន៣៦០០នាក់។ ការជ្រើសរើសក្របខណ្ឌថ្មីឆ្នាំ២០២១នេះ គ្រប់ក្រសួងស្ថាប័នត្រូវអនុវត្តផ្អែកត្រឹមចំនួនផែនការ ក្នុងឆ្នាំ២០២០ ដែលបានផ្អាកកន្លងមកតែប៉ុណ្ណោះលើកលែងក្រសួងស្ថាប័នចំនួន៣រួមមាន ក្រសួងរៀបចំដែនដីនគររូបនីយកម្មនិងសំណង់ ក្រសួងការបរទេស និងសហប្រតិបត្តិការអន្តរជាតិ និងរាជបណ្ឌិត្យសភាកម្ពុជានៃទីស្តីការគណៈរដ្ឋមន្ត្រី ដែលបានអនុវត្តជ្រើសរើសរួចហើយមិនអាចជ្រើសរើសក្របខ័ណ្ឌថ្មីបន្ថែមក្នុងឆ្នាំ២០២១ឡើយ៕

អត្ថបទ៖ សំអឿន

សូមចុចអាន៖ ព្រះមហាក្សត្រ តែងតាំង ឯកឧត្តមបណ្ឌិត ពេជ សោភ័ន ជារដ្ឋមន្ត្រីប្រតិភូអមនាយករដ្ឋមន្ត្រីបន្ថែមលើមុខងារបច្ចុប្បន្ន

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា