ព័ត៌មានជាតិ
លោក ឈឿន ប៊ុណ្ណារ័ត្ន៖ មន្ត្រីវ័យក្មេងកម្ពុជាត្រូវតែពង្រឹងសមត្ថភាពឲ្យខ្លាំង ដើម្បីអនាគតប្រទេស
រដ្ឋលេខាធិការក្រសួងមុខងារសាធារណៈ លោក ឈឿន ប៊ុណ្ណារ័ត្ន បានថ្លែងជំរុញដល់មន្ត្រីរាជការវ័យក្មេងរបស់កម្ពុជា ត្រូវតែពង្រឹងសមត្ថភាពឲ្យខ្លាំងបន្ថែមទៀត ដើម្បីធានានូវអនាគតដ៏ប្រសើររបស់ប្រទេសជាតិ។
តាមរយៈឃ្លីបវីដេអូ ដែលចេញផ្សាយលើទំព័រហ្វេសប៊ុករបស់ក្រុមការងារយុវជនគណបក្សប្រជាជនកម្ពុជាថ្នាក់កណ្ដាល កាលពីសប្តាហ៍មុន លោក ឈឿន ប៊ុណ្ណារ័ត្ន បានថ្លែងថា៖ «ជាឆន្ទៈនយោបាយរបស់រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា គឺការកែទម្រង់រស់ មិនកែទម្រង់ស្លាប់»។ លោកបានបន្តថា វិស័យមុខងារសាធារណៈ ជាឆ្អឹងខ្នងដ៏សំខាន់របស់រាជរដ្ឋាភិបាលកម្ពុជា ដែលធានានូវការគាំទ្រដល់ការអភិវឌ្ឍសេដ្ឋកិច្ចជាតិ ប្រកបដោយសក្តិសិទ្ធិភាព និងកំណើន។
ក្នុងន័យនេះ លោក ឈឿន ប៊ុណ្ណារ័ត្ន បានបញ្ជាក់ថា មន្ត្រីរាជការ បានដើរតួនាទីសំខាន់ណាស់ក្នុងការជួយកិច្ចការរាជរដ្ឋាភិបាល និងការចូលរួមចំណែកសម្រេចឲ្យបាននូវការកែទម្រង់សំខាន់ៗរបស់ប្រទេសជាតិ។ ជាមួយគ្នានេះ ការពង្រឹងសមត្ថភាពរបស់មន្ត្រីរាជការ និងការធ្វើទំនើបកម្មស្ថាប័ន ក៏នឹងផ្ដល់ឱកាសឲ្យរាជរដ្ឋាភិបាលបង្កើនល្បឿននៃការអភិវឌ្ឍរបស់ខ្លួន ក៏ដូចជា ការពង្រឹងទៅលើវិស័យមុខងារសាធារណៈនេះឲ្យកាន់តែមានភាពល្អប្រសើរ ដើម្បីអាចនាំទៅដល់ការប្រកួតប្រជែងដ៏ស្រួចស្រាលរបស់បរិបទពិភពលោក។ នេះ គឺជាការបញ្ជាក់បន្ថែមរបស់លោក ឈឿន ប៊ុណ្ណារ័ត្ន។
បើតាមមន្ត្រីជាន់ខ្ពស់រូបនេះ ការពង្រឹងវិស័យមុខងារសាធារណៈ គឺមិនត្រឹមតែជាការប្រកួតប្រជែងក្នុងប្រទេសនោះទេ តែជាការប្រកួតលើវិស័យមុខងារសាធារណៈជាមួយបណ្ដាប្រទេសក្នុងតំបន់ ក៏ដូចជា ពិភពលោកទាំងមូល។ ដូច្នេះ លោកបានជំរុញដល់មន្ត្រីរាជការវ័យក្មេងរបស់កម្ពុជាត្រូវតែពង្រឹងសមត្ថភាពឲ្យខ្លាំង ឆ្លាតវៃ មោះមុត ដើម្បីធានាបានថា អនាគតរបស់កម្ពុជា នឹងអាចឆ្ពោះទៅរកចក្ខុវិស័យរបស់ខ្លួនក្នុងការសម្រេចបានជាប្រទេសមួយដែលមានភាពជឿនលឿននៅលើពិភពលោក៕
ដោយ៖ ធឿន វ៉ាន់សុង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល