ព័ត៌មានជាតិ
វត្តក្នុងខេត្តបាត់ដំបងកើនដល់ ៣៨២ កន្លែង គិតត្រឹមឆ្នាំ ២០២៣
ក្រោយថ្ងៃរំដោះ ៧ ខែមករា ឆ្នាំ១៩៧៩ ចេញពីរបបវាលពិឃាត វត្តអារាមចាស់ៗនៅក្នុងខេត្តបាត់ដំបងត្រូវបានជួសជុលឡើងវិញបណ្តើរៗសម្រាប់បន្តការអភិរក្សផ្នែកពុទ្ធសាសនា ដែលជាសាសនារបស់រដ្ឋសម្រាប់ជាប្រយោជន៍ដល់ការគោរពបូជារបស់ប្រជាជាតិទូទាំងប្រទេស ក្រោយពីបានស្រោចស្រង់ពីរបបដ៏ខ្មៅងងឹតបានបំផ្លិចបំផ្លាញ។ ក្នុងនោះក៏មានវត្តអាយុកាលចន្លោះពី ១០០ ដល់ជាង ៣០០ឆ្នាំ ត្រូវបានធ្វើការជួសជុលឡើងវិញជាបន្តបន្ទាប់។
![](https://www.kampucheathmey.com/wp-content/uploads/2023/05/វត្តសំរោងក្នុង.jpg)
វត្តសំរោងជាវត្តចំណាស់ជាងគេក្នុងខេត្តបាត់ដំបង
លោក គឹម សោភ័ណ ប្រធានមន្ទីរខេត្តបានឲ្យដឹងដែរថា ក្នុងចំណោមវត្តទាំង ៣៨២ កន្លែង នៅតាមបណ្តាស្រុកក្រុង មានវត្តមួយចំនួនបានសាងសង់ថ្មីទាំងវត្តនិងទីតាំង ហើយវត្តខ្លះសេសសល់ពីសម័យដើមដែលមានប្រវត្តិរាប់រយឆ្នាំខ្លះបាត់បង់ព្រះវិហារ ក៏ត្រូវបានសាងសង់ព្រះវិហារថ្មីឡើងវិញផងដែរ។
លោកបន្តថា វត្តដែលមានអាយុកាលចំណាស់ៗចាប់ពីជាង ១០០ ឆ្នាំឡើងទៅ ភាគច្រើនសាងសង់ឡើងនៅរ៉បតាមសងខាងដងស្ទឹងសង្កែ ក្នុងក្រុងបាត់ដំបងមានដូចជា÷ វត្តដំរីស, វត្តកំផែង, វត្តខ្សាច់ពោយ និង វត្តសង្កែ ជាដើម និង ស្រុកឯកភ្នំ គេឃើញមានដូចជា វត្តឯកភ្នំ, វត្តកែវ និង វត្តសំរោងក្នុងជាដើម។ វត្តទាំងនេះមាន អាយុកាលរាប់រយឆ្នាំមកហើយ លើកលែងតែវត្តសំរោងក្នុងមួយប៉ុណ្ណោះ ដែលមានវ័យចំណាស់ជាងគេបង្អស់ក្នុងខេត្តបាត់ដំបង ដែលបានកកើតឡើងនៅក្នុងអំឡុងឆ្នាំ១៧០៧ បើគិតត្រឹមឆ្នាំ២០២៣ វត្តសំរោងក្នុង នេះមានអាយុកាល៣១៦ ឆ្នាំមកហើយ។
![](https://www.kampucheathmey.com/wp-content/uploads/2023/05/Buddhist_temple_Battambang-1536x1152-1-1024x768.jpg)
បើតាមការកត់សម្គាល់របស់លោក គឹម សោភ័ណ ប្រធានមន្ទីរ វប្បធម៌ និងវិចិត្រសិល្ប: ក្នុងរយះពេល ២០ឆ្នាំចុងក្រោយនេះ ការកសាងវត្តអារាមក្នុងខេត្តបាត់ដំបង មានកំណើនខ្ពស់បំផុត។ ក្នុងឆ្នាំ២០០២ ខេត្តបាត់ដំបងមានវត្តត្រឹមតែជាង ២០០ កន្លែងប៉ុណ្ណោះ រហូតមកដល់ឆ្នាំ២០២៣កើនរហូតដល់ ៣៨២ វត្ត។
ខេត្ត «បាត់ដំបង» ជាខេត្តប្រវត្តិសាស្ត្រនិងមានវ័យចំណាស់មួយសម្បូរទៅដោយប្រាង្គប្រាសាទបុរាណ និងវត្តអារាមមានអាយុកាលរាប់រយឆ្នាំ។ បើគិតត្រឹមឆ្នាំ២០២៣ មានវត្តអារាមសរុបចំនួន ៣៨២ កន្លែង ស្ថិតនៅទូទាំង ១៤ ក្រុងនិងស្រុកក្នុងនោះមាន៖
១- ក្រុងបាត់ដំបង មានចំនួន២៨វត្ត, ២- ស្រុកសង្កែ មានចំនួន៤០វត្ត, ៣- ស្រុកមោងឬស្សី មានចំ នួន ៤៧វត្ត, ៤- ស្រុកស្រុកគាស់ក្រឡ មានចំនួន១២វត្ត, ៥- ស្រុកបាណន់ មានចំនួន៤០វត្ត, ៦- ស្រុកបវេល មានចំនួ ន ៣២វត្ត, ៧- ស្រុកសំឡូត មានចំនួន១៩វត្ត, ៨- ស្រុកភ្នំព្រឹក មានចំនួន១៦វត្ត, ៩- ស្រុកសំពៅលូន មានចំនួន១៥វត្ត, ១០- ស្រុកឯកភ្នំ មានចំនួន២៦វត្ត, ១១- ស្រុកថ្មគោល មានចំនួន២៨វត្ត, ១២- ស្រុកកំរៀង មានចំនួន១៦វត្ត, ១៣- ស្រុករតនមណ្ឌ ល មានចំនួន២៤វត្ត , និងស្រុកទី១៤- ស្រុករុក្ខគិរី មានចំនួន២៤វត្ត ។
អត្ថបទ៖ សៅ សារិទ្ធ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៧ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៦ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល