ព័ត៌មានជាតិ
រដ្ឋបាលរាជធានី ប្រឡងជ្រើសរើសបេក្ខជនចូលបម្រើការងារក្នុងក្របខ័ណ្ឌមន្ត្រីរាជការស៊ីវិល នៃរដ្ឋបាលរាជធានី សម្រាប់ឆ្នាំ ២០២៣
រដ្ឋបាលរាជធានីភ្នំពេញ នៅថ្ងៃអាទិត្យ ទី ២១ ខែឧសភា ឆ្នាំ ២០២៣ នេះ បានជ្រើសរើសយកវិទ្យាល័យជាស៊ីម សន្ធរម៉ុក ជាមណ្ឌលប្រឡងជ្រើសរើសបេក្ខជនឲ្យចូលបម្រើការងារក្នុងក្របខ័ណ្ឌមន្ត្រីរាជការស៊ីវិល នៃរដ្ឋបាលរាជធានីភ្នំពេញ សម្រាប់ឆ្នាំ ២០២៣។
អនុវត្តតាមលិខិតលេខ ៣៣៤ សជណ ចុះថ្ងៃទី ២ កុម្ភៈ ឆ្នាំ ២០២៣ របស់ក្រសួងមហាផ្ទៃស្ដីពីការជ្រើសរើសក្របខ័ណ្ឌមន្ត្រីរាជការស៊ីវិលនៅរដ្ឋបាលថ្នាក់ក្រោមជាតិសម្រាប់ផែនការក្របខ័ណ្ឌឆ្នាំ ២០២៣ រដ្ឋបាលរាជធានីភ្នំពេញ បានចាត់តាំងមន្ត្រីរាជការឲ្យចូលរួមជាសមាជិក គណៈកម្មការ និងអនុគណៈកម្មការចំនួន ៨ ដើម្បីទទួលខុសត្រូវតាមភារកិច្ចរៀងៗខ្លួន ក្នុងមណ្ឌលប្រឡង។
ចំពោះការកាត់វិញ្ញាសាប្រឡងត្រូវបានធ្វើឡើងកាលពីព្រឹកព្រលឹម ថ្ងៃទី ២១ ឧសភានេះ ដោយមានការចូលរួមពី លោក ឯល ប៊ុនថុល រដ្ឋលេខាធិការក្រសួងមុខងារសាធារណៈ លោក ឡេង វី រដ្ឋលេខាធិការក្រសួងមហាផ្ទៃ និងលោក កើត ឆែ អភិបាលរងតំណាងឲ្យលោក ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានគណៈកម្មការរៀបចំការប្រឡងរាជធានីភ្នំពេញ។
សម័យប្រឡងនេះធ្វើឡើងរយៈពេលមួយព្រឹក ដែលមានបេក្ខជន បេក្ខនារីចូលរួមប្រឡងចំនួន ២.២៤៤ រូប ក្នុងនោះ មាននារីចំនួន ១.០០២ រូប ស្មើនឹង ៩១ បន្ទប់។
តាមការគូសបញ្ជាក់ពីគណៈកម្មការមេប្រយោគបានឲ្យដឹងថា ប្រភេទក្របខ័ណ្ឌត្រូវបានចែកចេញជា ៣ គឺ(ក)ទីស្ដីការក្រសួងមហាផ្ទៃ មានក្របខ័ណ្ឌមន្ត្រីរដ្ឋបាលជាន់ខ្ពស់ជ្រើសរើស ១៥ នាក់ ក្នុងចំណោមបេក្ខជនដាក់ពាក្យប្រឡងចំនួន ៤៥០ នាក់។ ក្របខ័ណ្ឌមន្ត្រីក្រមការជ្រើសរើស ១៥ នាក់ ក្នុងចំណោមបេក្ខជន ៤៨៩ នាក់,ក្របខ័ណ្ឌលេខាធិការរដ្ឋបាល ត្រូវជ្រើសរើស ១០ នាក់ ក្នុងចំណោមបេក្ខជន ៦៥៦ នាក់។ ចំពោះរដ្ឋបាលរាជធានីភ្នំពេញមានក្របខ័ណ្ឌមន្ត្រីរដ្ឋបាលជាន់ខ្ពស់ ជ្រើសរើស ៥ នាក់ ក្នុងចំណោមបេក្ខជនដាក់ពាក្យប្រឡងចំនួន ១៤១ នាក់។ ក្របខ័ណ្ឌមន្ត្រីក្រមការជ្រើសរើស ៥ នាក់ ក្នុងចំណោមបេក្ខជនដាក់ពាក្យប្រឡង ១៦០ នាក់ និងក្របខ័ណ្ឌលេខាធិការរដ្ឋបាល ត្រូវជ្រើសរើស ៥ នាក់ ក្នុងចំណោមបេក្ខជន ៣៤៨ នាក់។ ចំពោះការប្រឡងមន្ត្រីរដ្ឋបាលជាន់ខ្ពស់ ធ្វើឡើងលើវិញ្ញាសា ជំនាញឯកទេស និងភាសាអង់គ្លេសមានរយៈពេល ២ ម៉ោង,ក្របខ័ណ្ឌមន្ត្រីក្រមការប្រឡងលើវិញ្ញាសាជំនាញ និងភាសាអង់គ្លេសរយៈពេល ២ ម៉ោង។ ចំពោះក្របខ័ណ្ឌលេខាធិការរដ្ឋបាលប្រឡងលើវិញ្ញាសាចំណេះដឹងទូទៅ,ចំណេះដឹងការងាររដ្ឋបាល និងចំណេះដឹងលើវិស័យមុខងារសាធារណៈមានរយៈពេល ២ ម៉ោងដូចគ្នា។
ការប្រឡងជ្រើសរើសក្របខ័ណ្ឌមន្ត្រីរាជការស៊ីវិលនៅរដ្ឋបាលថ្នាក់ក្រោមជាតិ ត្រូវបានធ្វើឡើងជារៀងរាល់ឆ្នាំ ដើម្បីបំពេញសំណូមពរចាំបាច់ នៃតម្រូវការភារកិច្ចចំពោះមុខ ហើយបេក្ខជន បេក្ខនារីទាំងអស់ ត្រូវបានប្រឡងជ្រើសរើសចេញពីសិស្ស និស្សិត ដែលបានប្រឡងជាប់ចាប់ពីកម្រិតទុតិយភូមិឡើងទៅ៕
អត្ថបទ ៖ ស្រីរ័ត្ន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore