ព័ត៌មានជាតិ
បក្សមហាសាមគ្គីជាតិខ្មែរថា ការសម្រេចរបស់ក្រុមប្រឹក្សាធម្មនុញ្ញស្របតាមស្មារតីច្បាប់
គណបក្សមហាសាមគ្គីជាតិខ្មែរបានប្រកាសទទួលស្គាល់ការសម្រេចរបស់ក្រុមប្រឹក្សាធម្មនុញ្ញទាក់ទងនឹងការបដិសេធ ចោលការមិនចុះឈ្មោះគណបក្សនេះក្នុងបញ្ជីគណបក្សឈរឈ្មោះបោះឆ្នោតខាងមុខ។ គណបក្សមហាសាមគ្គីជាតិខ្មែរ បានបញ្ជាក់ថា ការសម្រេចនេះ គឺស្របតាមស្មារតីច្បាប់។
ការទទួលស្គាល់របស់គណបក្សមហាសាមគ្គីជាតិខ្មែរនេះ គឺធ្វើឡើងបន្ទាប់ពីកិច្ចប្រជុំពេញអង្គនៃក្រុមប្រឹក្សាធម្មនុញ្ញបានបដិសេធចោលមិនចុះឈ្មោះគណបក្សនេះក្នុងបញ្ជីគណបក្សនយោបាយឈរឈ្មោះបោះឆ្នោតខាងមុខ ដោយហេតុថា ខុសនឹងគតិច្បាប់។
ឆ្លើយតបនឹងសេចក្ដីសម្រេចនេះ គណបក្សមហាសាមគ្គីជាតិខ្មែរ បានមើលឃើញថា សេចក្តីសម្រេចនៅក្នុងកិច្ចប្រជុំពេញអង្គរបស់ក្រុមប្រឹក្សាធម្មនុញ្ញ ដែលបានពិនិត្យសម្រេចមិនឲ្យគណបក្សមហាសាមគ្គីជាតិខ្មែរ និងគណបក្សភ្លើងទៀន មានឱកាសចុះបញ្ជីគណបក្សនយោបាយឈរឈ្មោះបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ គឺបានធ្វើឡើងស្របតាមស្មារតីច្បាប់ប្រកបដោយឯករាជ្យ ត្រឹមត្រូវ និងយុត្តិធម៌។
តាមរយៈសេចក្ដីប្រកាសព័ត៌មាន នៅថ្ងៃទី២៦ ខែឧសភានេះ គណបក្សមហាសាមគ្គីជាតិខ្មែរ ក៏បានប្រកាសដែរថា ក្រុមប្រឹក្សាធម្មនុញ្ញ ជាក្តីរំពឹងសម្រាប់ជាតិ និងប្រជាពលរដ្ឋខ្មែរ ហើយក្រុមប្រឹក្សាធម្មនុញ្ញ ជាស្ថាប័នច្បាប់កំពូលរបស់ជាតិមួយមានសមត្ថកិច្ចពិនិត្យសម្រេចលើបណ្ដឹងតវ៉ា ពិនិត្យសម្រេចលើអធម្មនុញ្ញភាពនៃច្បាប់ និងពិនិត្យសម្រេចលើទម្រង់ខ្លឹមសារច្បាប់ ដែលជាតួអង្គច្បាប់កំពូលរបស់ជាតិដ៏មានសារ:សំខាន់បំផុតមិនអាចខ្វះបាន។
គួរជម្រាបថា កាលថ្ងៃទី២៥ ខែឧសភា ឆ្នាំ២០២៣ ក្រុមប្រឹក្សាធម្មនុញ្ញ បានសម្រេចទទួលពាក្យបណ្ដឹងតវ៉ារបស់ឈ្មោះ តំណាងគណបក្សភ្លើងទៀន និងបណ្ដឹងតវ៉ារបស់ប្រធានស្តីទីគណបក្សមហាសាមគ្គីជាតិខ្មែរ ទុកជាត្រឹមត្រូវតាមទម្រង់ច្បាប់ ប៉ុន្តែបដិសេធចោល ដោយហេតុថា ខុសនឹងគតិច្បាប់។ ការបដិសេធចោលនេះ គឺមានន័យថា គណបក្សទាំងពីរនេះ មិនអាចចូលរួមឈរឈ្មោះការបោះឆ្នោតថ្នាក់ជាតិ នាពេលខាងមុខបានឡើយ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ