ព័ត៌មានជាតិ
អាជ្ញាធរខេត្តកណ្ដាល ផ្អាកសកម្មភាពទីតាំងរណ្ដៅដីមួយកន្លែងនៅស្រុកខ្សាច់កណ្តាល
អាជ្ញាធរខេត្តកណ្ដាល បានផ្អាកសកម្មភាពទីតាំងរណ្ដៅដីមួយកន្លែង នៅភូមិពុកឫស្សីកណ្ដាល ឃុំពុកឫស្សី ស្រុកខ្សាច់កណ្តាល បន្ទាប់ពីម្ចាស់រណ្តៅដីនេះ បានដឹកជញ្ជូនធនធានរ៉ែយ៉ាងសកម្មមិនមានច្បាប់អនុញ្ញាត និងអាចបង្កហានិភ័យដល់បងប្អូនប្រជាពលរដ្ឋឆ្លងកាត់នៅតំបន់នោះ។
លោក ណុប ដារ៉ា អភិបាលរងខេត្តកណ្តាល បានដឹកនាំក្រុមការងារចម្រុះរួមមាន កងកម្លាំង មន្ទីរជំនាញពាក់ព័ន្ធ អាជ្ញាធរស្រុក និងមានការសម្របសម្រួលពីព្រះរាជអាជ្ញារងអមសាលាដំបូងខេត្តកណ្ដាល បានចុះពិនិត្យដល់ទីតាំងជាក់ស្ដែងនៅរណ្តៅដីមួយកន្លែងដែលម្ចាស់ឈ្មោះ អ៊ុក រដ្ឋា ស្ថិតនៅភូមិពុកឫស្សីកណ្ដាល ឃុំពុកឫស្សី ស្រុកខ្សាច់កណ្តាល ដើម្បីត្រួតពិនិត្យលើលក្ខណៈបច្ចេកទេស ការអនុវត្តតាមវិធានការច្បាប់ និងអាជ្ញាប័ណ្ណ ជាដើម។ ការចុះត្រួតពិនិត្យនេះ បន្ទាប់ពីទទួលបានបទបញ្ជាដោយផ្ទាល់ពីលោក គង់ សោភ័ណ្ឌ អភិបាលខេត្តកណ្តាល កាលពីរសៀលថ្ងៃទី២៦ ខែឧសភា ឆ្នាំ២០២៣។
លោក ណុប ដារ៉ា បានឲ្យដឹងទៀតថា ក្នុងការចុះពិនិត្យនេះ គឺក្រុមការងារ និងមន្ទីរជំនាញបានរកឃើញថា ទីតាំងរណ្តៅដីនេះ គឺកំពុងធ្វើសកម្មភាពដឹកជញ្ជូនធនធានរ៉ែយ៉ាងសកម្មដោយមិនមានច្បាប់អនុញ្ញាតឡើយ ដែលអាចបង្កហានិភ័យដល់បងប្អូនប្រជាពលរដ្ឋឆ្លងកាត់នៅតំបន់នោះ។ លោកបានបន្តថា ក្រុមការងារ និងមន្ទីរជំនាញ បានតម្រូវឱ្យការដ្ឋាននេះត្រូវផ្អាកអាជីវកម្ម និងដោយមានការបញ្ជាពីលោកព្រះរាជអាជ្ញារងបានធ្វើការឃាត់ទុកគ្រឿងចក្រចំនួន៧គ្រឿងដោយបានប្រគល់ ជូនគណៈបញ្ជាការឯកភាពរដ្ឋបាលស្រុកខ្សាច់កណ្តាលរក្សាទុក និងរងចាំម្ចាស់អាជីវកម្មចូលខ្លួនមកដោះស្រាយតាមនីតិវិធី។
លោកអភិបាលរងខេត្ត បានបញ្ជាក់ថា ក្នុងករណីម្ចាស់អាជីវកម្មនៅបន្តធ្វើសកម្មភាពនេះទៀត ក្រុមការងារនឹងចុះកសាងសំណុំរឿង និងអនុវត្តតាមនីតិវិធីច្បាប់ជាធរមាន ព្រមទាំងម្ចាស់អាជីវកម្មត្រូវតែបង់សួយសារទៅតាមបរិមាណអាចម៌ដីដែលបានធ្វើអាជីវកម្មកន្លងមកផងដែរ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង