ព័ត៌មានជាតិ
សម្ដេចតេជោ ហ៊ុន សែន ៖ ជនដែលជាមេរោគនាំកម្មករធ្វើបាតុកម្មកន្លងមក បាននិរទេសខ្លួននៅក្រៅប្រទេសហើយ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ជនដែលជាមេរោគនាំកម្មករ-កម្មការនីធ្វើបាតុកម្មកន្លងមក បាននិរទេសខ្លួននៅក្រៅប្រទេសហើយ។
ការលើកឡើងរបស់សម្ដេចតេជោ ហ៊ុន សែន ធ្វើឡើងក្នុងពិធីជួបសំណេះសំណាលជាមួយកម្មករ-កម្មការិនីចំនួន ១៨,០០០នាក់ មកពីរោងចក្រសហគ្រាសចំនួន ៥ ក្នុងស្រុកសាមគ្គីមានជ័យ និង ស្រុកកំពង់ត្រឡាច ខេត្តកំពង់ឆ្នាំង នៅព្រឹកថ្ងៃទី ៨ ខែមិថុនា ឆ្នាំ ២០២៣នេះ។
សម្ដេចតេជោ ហ៊ុន សែន បានថ្លែងថា អ្វីដែលសម្ដេចចង់បានពិតប្រាកដ គឺកុំឲ្យមានជម្លោះណាមួយកើតឡើងរវាងកម្មករ និងម្ចាស់រោងចក្រ រវាងកម្មករ និងអ្នកគ្រប់គ្រងរោងចក្រ។ ក្នុងនោះ ប្រសិនបើមានវិវាទណាមួយកើតឡើង ត្រូវដោះស្រាយភ្លាមៗ កុំទុកឲ្យក្លាយជាបញ្ហាធំដុំឲ្យសោះ។
ត្រង់ចំណុចនេះ សម្ដេចតេជោ ហ៊ុន សែន បានណែនាំដល់ក្រសួង-ស្ថាប័ពាក់ព័ន្ធ និងអាជ្ញាធរ ត្រូវចេញមុខដោះស្រាយភ្លាមៗ នៅពេលមានវិវាទកើតឡើង ហើយថា ត្រូវចាត់ទុកជាកាតព្វកិច្ចរបស់អភិបាលរាជធានី-ខេត្ត ដែលមានវិវាទនៅទីនោះ។
ជាមួយគ្នានេះ សម្ដេចតេជោ ហ៊ុន សែន លើកឡើងដែរថា ជនដែលជាមេរោគនាំកម្មករ-កម្មការនីធ្វើបាតុកម្មកន្លងមក បាននិរទេសខ្លួននៅក្រៅប្រទេសហើយ ដោយសម្ដេចហៅជននោះថា ថៅកែបាតុកម្ម។
សម្ដេចតេជោ ហ៊ុន សែន លើកឡើងបែបនេះថា «ពីដើមគេមិនធ្វើបាតុកម្ម វាទៅរុញបើកធ្វើឲ្យគេធ្វើបាតុកម្ម ឥឡូវហ្នឹងអាមេរោគហ្នឹង វាទៅបាត់ហើយ ឲ្យឯងព្រាត់ប្រាសទៅៗ អាហ្នឹងថៅកែបាតុកម្មមួយជីវិតរបស់វាធ្វើតែបាតុកម្មៗ»។
សម្ដេចតេជោ ហ៊ុន សែន លើកឡើងជាសំណួរថា តើបាតុកម្មបានដោះស្រាយបញ្ហាអ្វីខ្លះ ហើយកន្លងមកអ្នកធ្វើបាតុកម្មមានតែ ១០ភាគរយប៉ុណ្ណោះក្នុងរោងចក្រមួយ តែអ្នកមិនធ្វើបាតុកម្ម និងចង់ចូលធ្វើការមានរហូតដល់ ៩០ភាគរយ។ ប៉ុន្តែអ្នកធ្វើបាតុកម្មដែលមានចំនួនតិចជាង អ្នកចង់ចូលធ្វើការ មករារាំងគេមិនឲ្យចូលទៅធ្វើការទៅវិញ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង