ព័ត៌មានជាតិ

ឯកឧត្ដម ហ៊ុន ម៉ានី កំណត់បេសកកម្មចម្បង ០៣ ក្នុងការដឹកនាំក្រសួងមុខងារសាធារណៈ

បានផុស

២ years មុន

នៅ

ថ្ងៃចន្ទ ២៨ សីហា ២០២៣

ដោយ

ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានកំណត់បេសកកម្មចម្បងក្នុងការដឹកនាំក្រសួងមុខងារសាធារណៈ ចំនួន ០៣ ចំណុច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកំណត់បេសកកម្មចម្បងក្នុងការដឹកនាំក្រសួងមុខងារសាធារណៈនេះ នាឱកាសដែល ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានអញ្ជើញជាអធិបតីភាពក្នុងពិធីសំណេះសំណាល និងកំណត់ទិសដៅការងារ នៃក្រសួងមុខងារសាធារណៈលើកដំបូង ក្នុងអាណត្តិទី ៧ ជាមួយថ្នាក់ដឹកនាំ មន្ត្រីរាជការក្នុងវិស័យមុខងារសាធារណៈទូទាំងរាជធានី-ខេត្ត សរុបប្រមាណជាង ១ ០០០ នាក់ កាលពីព្រឹកថ្ងៃទី ២៨ ខែសីហា ឆ្នាំ ២០២៣ នេះ។

ឯកឧត្ដម ហ៊ុន ម៉ានី បានកំណត់បេសកកម្មចម្បងក្នុងការដឹកនាំក្រសួងមុខងារសាធារណៈរួមមាន ០៣ ចំណុច ដូចជា ៖ «(១) ការអនុវត្តចក្ខុវិស័យរបស់ ឯកឧត្ដមកិត្តិទេសាភិបាលបណ្ឌិត នាយករដ្ឋមន្ត្រី នៃព្រះរាជាណាចក្រកម្ពុជា។ (២) ការជំរុញកំណែទម្រង់ និងពង្រឹងរដ្ឋបាលសាធារណៈប្រកបដោយប្រសិទ្ធភាព និងប្រសិទ្ធផល ក្នុងរដ្ឋាភិបាលអាណត្តិទី ៧ ឆ្ពោះទៅឆ្នាំ ២០២៨ និងអនាគត និង(៣) ចូលរួមចំណែកក្នុងការលើកស្ទួយ និងការធ្វើទំនើបកម្មស្ថាប័នសាធារណៈ»។

នាឱកាសនោះដែរ ឯកឧត្ដម ហ៊ុន ម៉ានី បានអំណរគុណដល់រាជរដ្ឋាភិបាលកម្ពុជា ដែលផ្ដល់សេចក្ដីទុកចិត្តឲ្យកាន់មុខតំណែងជារដ្ឋមន្ត្រីក្រសួងមុខងារសាធារណៈសម្រាប់អាណត្តិទី ៧។

ជាមួយនោះ ឯកឧត្ដមរដ្ឋមន្ត្រី ក៏បានគូសបញ្ជាក់រម្លឹកនូវកិច្ចខិតខំប្រឹងប្រែង និងសមិទ្ធផលសំខាន់ៗ កន្លងមក ក្រោមការដឹកនាំក្រសួងគ្រប់ៗ រូប និងមន្ត្រីទាំងអស់ នៃក្រសួងមុខងារសាធារណៈ ដែលបានបំពេញការងារយ៉ាងសកម្ម ចាប់តាំងពីការកកើតស្ថាប័ននេះ រហូតដល់បច្ចុប្បន្ន៕

អត្ថបទ ៖ ពិសី

Related Topics: