ព័ត៌មានជាតិ

ក្រូចពោធិ៍សាត់ខេត្តបាត់ដំបង មួយរដូវកាលប្រមូលផលបានជាង ១០ ម៉ឺនតោន

បានផុស

១១ ខែ មុន

នៅ

ថ្ងៃអង្គារ ៥ កញ្ញា ២០២៣

ដោយ

មន្ត្រីនៃមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង មានប្រសាសន៍ប្រាប់ «កម្ពុជាថ្មី» ថា ដំណាំក្រូចពោធិ៍សាត់ខេត្តបាត់ដំបង ក្នុងមួយរដូវកាលអាចប្រមូលផលបានជាង ១០ ម៉ឺនតោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រូចពោធិ៍សាត់ខេត្តបាត់ដំបងល្បីឈ្មោះជាយូរមកហើយ រហូតមកដល់បច្ចុប្បន្ននេះ។ រដូវដែលប្រមូលផលចាប់ពីពាក់កណ្តាលខែសីហា ដល់ខែ កញ្ញា ដែលក្រូចពោធិ៍សាត់ពេញសាច់ល្អមានរសជាតិផ្អែមឆ្ងាញ់។

ដោយសុំមិនបញ្ចេញឈ្មោះមន្រ្តីរូបនេះបានបញ្ជាក់ថា បរិមាណទិន្នផលអាស្រ័យទៅតាមបរិមាណទឹកភ្លៀង។ ប្រសិនមានទឹកភ្លៀងគ្រប់គ្រាន់ ទិន្នផលក៏បានច្រើនទៅតាមហ្នឹងដែរ។

ផ្ទៃដីដាំដុះដំណាំក្រូចពោធិ៍សាត់ក្នុងខេត្តបាត់ដំបងបានពង្រីកជិត ១០០ ហិកតា ខណៈនៅឆ្នាំ ២០២២ ការប្រមូលផលទូទាំងខេត្តបានជាង ១៥ ម៉ឺនតោន។

បើតាមមន្ទីរកសិកម្មខេត្តបាត់ដំបង បច្ចុប្បន្នផ្ទៃដីដាំដុះដំណាំក្រូចពោធិ៍សាត់នៅក្នុងខេត្តបាត់ដំបងមានជាង ១ ពាន់ហិកតា។ ស្រុកដែលមានផ្ទៃដីដាំដុះដំណាំក្រូចពោធិ៍សាត់ច្រើនជាងគេ គឺនៅស្រុកបរវេលមានជាង ៣៩១ ហិតា ស្រុកសង្កែ មានចំនួន ២៥៥ ហិតា និងនៅស្រុកបាណន់ មានប្រមាណ ១១៧ ហិតា៕