Connect with us

ព័ត៌មានជាតិ

នាយករដ្ឋមន្ត្រី មានមោទនភាព ដែលកម្មករទទួលបានការដំឡើងប្រាក់ឈ្នួលប្រចាំឆ្នាំជាប​ន្តបន្ទាប់  

បានផុស

នៅ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍ថា ក្នុងនាមរាជរដ្ឋាភិបាល ពិតជាមានមោទនភាព ដែលកម្មករ-កម្មការិនី បានទទួលការដំឡើងប្រាក់ឈ្នួលប្រចាំឆ្នាំ ទោះបីជាស្ថិតក្នុងអំឡុងពេល នៃការរាតត្បាតជំងឺកូវីដ-១៩ ក៏ដោយ។ ចំពោះការចចារប្រាក់ឈ្នួលកម្មករ-កម្មការិនី សម្រាប់ឆ្នាំ ២០២៤ នឹងត្រូវដឹងលទ្ធផលនៅចុងខែកញ្ញា ឆ្នាំ ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសាសន៍របស់សម្ដេចធិបតី ហ៊ុន ម៉ាណែត ខាងលើនេះ បានធ្វើឡើងក្នុងពិធីជួបសំណេះសំណាលជាមួយកម្មករ-និយោជិតជិត ២ម៉ឺននាក់ នៅក្នុងស្រុកបាទី ខេត្តតាកែវ នាព្រឹកថ្ងៃទី ១៩ ខែកញ្ញា​ ឆ្នាំ ២០២៣នេះ។

សម្ដេចធិបតី ហ៊ុន ម៉ាណែត មានប្រសាសន៍ថា រាជរដ្ឋាភិបាល ធ្វើកិច្ចការនានាដើម្បីបម្រើប្រជាពលរដ្ឋ ហើយកម្មករ-កម្មការិនី ជាតួអង្គសំខាន់មួយ ដែលត្រូវខិតខំបម្រើ និងការពារ។ រាជរដ្ឋាភិបាល មានកិច្ចការការងារជាច្រើន ដើម្បីដោះស្រាយបន្ត ហើយបញ្ហាប្រាក់ឈ្នួលរបស់កម្មករ-កម្មការិនី ក៏ត្រូវបានគិតគូរជាបន្តបន្ទាប់។

ពាក់ព័ន្ធនឹងបញ្ហាប្រាក់ឈ្នួលកម្មករ-កម្មការិនីនេះ សម្ដេចធបិតី ហ៊ុន ម៉ាណែត លើកឡើងថា «មួយឆ្នាំៗ យើងឡើងតិច ឬច្រើន តាមទំហំសេដ្ឋកិច្ច តាមបរិស្ថានសេដ្ឋកិច្ចពិភពលោក តាមចំណូលរបស់ក្រុមហ៊ុន ​និងបរិស្ថាន យើងធ្វើម៉េចថែទាំងគ្រួសារយើង ផ្ទះយើង កុំបែក កុំឲ្យដុតផ្ទះ បើផ្ទះនៅភ្លៀងយ៉ាងណា ទោះបីវាលិចដំបូល ឬមួយអី យើងជួសជុលបាន ហើយយើងអាចយកសម្ភារៈមកបន្ថែម»។

សម្ដេចនាយករដ្ឋមន្ត្រី បានបញ្ជាក់ថា សម្រាប់ក្រសួងការងារ សម្ដេច បានដាក់គោលការណ៍រួចហើយ ត្រូវធ្វើយ៉ាងណាសម្របសម្រួល ការចចារប្រាក់ឈ្នួលកម្មករ-កម្មការិនី សម្រាប់ឆ្នាំ ២០២៤ ឲ្យបានចប់មុនពិធីបុណ្យភ្ជុំបិណ្ឌ។ ចំណុចនេះ ក្រសួងការងារ បានជួបពិភាក្សាជាមួយភាគីតំណាងកម្មករ-និយោ​ជិត និងភាគីតំណាងនិយោជក ចំនួន ៥លើករួចមកហើយ។

បើតាមសម្ដេចធិបតី ហ៊ុន ម៉ាណែត ការចចាររឿងប្រាក់ឈ្នួលកម្មករ-កម្មការិនីនេះ មិនមែនជារឿងងាយស្រួលនោះឡើយ ព្រោះជាការចចាររវាងភាគីតំណាងកម្មក-នយោជិត និងតំណាងភាគីនិយោជក ហើយមានការសម្របសម្រួល ពីតំណាងរាជរដ្ឋាភិបាល។

សម្ដេចនាយករដ្ឋមន្ត្រី បានបន្ថែមថា «រដ្ឋាភិបាល ចូលសម្របសម្រួល តែ ២នេះ ត្រូវចចារគ្នា ប្ដី-ប្រពន្ធ តំណាងប្ដី តំណាងប្រពន្ធចចារគ្នា បានតិច ឬបានច្រើន យើងមោទនភាពដែរ ដែលសូម្បីតែអំឡុងពេលកូវីដហ្នឹង ក៏យើងបានដំឡើងមិនដែលឈប់ ប្រទេសខ្លះ គេផ្អាក តែយើងបានជួយ តិច ច្រើន ហើយអរគុណណាស់ បងប្អូនដែលបានយោគយល់ ហើយបានឯកភាពគ្នា»៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ ម៉ោង មុន

លោក នេត្រ ភក្ត្រា រៀបចំពិធីចម្រើនបុណ្យបារមីរូបបដិមា និងដំឡើងឆ័ត្ររួត ៩ជាន់ ថ្វាយ​ព្រះបរមរូប​ព្រះបាទជ័យ​វរ្ម័នទី៧ នៅសួនច្បារជ័យមង្គល​ព័ត៌មាន

ព័ត៌មានជាតិ៦ ម៉ោង មុន

គណៈកម្មការ​ចំពោះកិច្ច​ប្រយុទ្ធប្រឆាំងការ​ឆបោក​តាមប្រព័ន្ធបច្ចេកវិទ្យា បង្ហាញ​លទ្ធផល​ នៅ​ទូទាំង​ព្រះរាជាណាចក្រកម្ពុជា

ព័ត៌មានជាតិ៧ ម៉ោង មុន

២១ថ្ងៃ សមត្ថកិច្ចឃាត់ខ្លួនជនសង្ស័យជិត២៣០០នាក់ ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា

កីឡា៧ ម៉ោង មុន

​កាន់ ស្រីរ័ត្ន​ អំពាវនាវ​មហាជន​ឲ្យ​​ជួយ​គាំទ្រ​ស្ត្រី​រត់​ប្រណាំង​ចម្ងាយ​ឆ្ងាយ​ ២១​ Km​ មិន​សូវ​មាន​អ្នក​លេង​ឡើយ​

សន្តិសុខសង្គម៧ ម៉ោង មុន

កម្លាំង​ចម្រុះ​នៃរដ្ឋបាលរាជធានីភ្នំពេញ ចុះបង្រ្កាប​ទីតាំង​លួច​លាក់​បង្កប់​បទ​ល្មើសអនឡាញ ២ទីតាំង នៅក្នុងខណ្ឌសែនសុខ

ព័ត៌មានអន្ដរជាតិ១៥ ម៉ោង មុន

ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម

ព័ត៌មានអន្ដរជាតិ២១ ម៉ោង មុន

ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?

ព័ត៌មានអន្ដរជាតិ១៣ ម៉ោង មុន

ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?

សន្តិសុខសង្គម១៥ ម៉ោង មុន

នគរបាលប្រឆាំងបទល្មើសសេដ្ឋកិច្ចចុះបង្ក្រាប​ហាងលក់សម្លៀកបំពាក់ H Collection  ៣ទីតាំងពាក់ព័ន្ធករណីក្លែងបន្លំម៉ាកយីហោ

ព័ត៌មានអន្ដរជាតិ២១ ម៉ោង មុន

រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់

Sokha Hotels

ព័ត៌មានពេញនិយម