ព័ត៌មានជាតិ

ក្រសួងបរិស្ថានគាំទ្រការអភិវឌ្ឍសកម្មភាពអេកូទេសចរណ៍ នៃសមាគមអភិរក្សដំរីខ្មែរអៃរាវត្តា

បានផុស

២ years មុន

នៅ

ថ្ងៃពុធ ៨ វិច្ឆិកា ២០២៣

ដោយ

ក្រសួងបរិស្ថានបន្តគាំទ្រចំពោះការអភិវឌ្ឍសកម្មភាពអេកូទេសចរណ៍ របស់សមាគមអភិរក្សដំរីខ្មែរអៃរាវត្តា សំដៅពង្រឹងការផ្សព្វផ្សាយផ្សារភ្ជាប់ដំរីធម្មជាតិ និងជនជាតិដើម ជំរុញវិស័យអេកូទេសចរណ៍ខេត្តរតនគិរី។ នេះបើតាមការគូសបញ្ជាក់របស់លោក អ៊ាង សុផល្លែត នាថ្ងៃទី០៧ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាទីស្តីការក្រសួងបរិស្ថាន ឆ្លើយតបការស្នើសុំរបស់លោកស្រី ក្លេខៃ ចិន្តា ប្រធានក្រុមប្រឹក្សាភិបាល និងជាប្រធានសមាគមអភិរក្សដំរីខ្មែរអៃរាវត្តា រដ្ឋមន្ត្រីក្រសួងបរិស្ថាន លោក អ៊ាង សុផល្លែត លើកឡើងថា ក្រសួងបរិស្ថាននឹងបន្តគាំទ្រការអភិវឌ្ឍសកម្មភាពអេកូទេសចរណ៍ និងជួយផ្សព្វផ្សាយពាក់ព័ន្ធនិងការផ្សារភ្ជាប់ដំរីធម្មជាតិ និងជនជាតិដើម។ មួយវិញទេក្រសួងក៏នឹងរៀបចំពិនិត្យមើលលទ្ធភាព ក្នុងការជួយជំរុញការអភិវឌ្ឍតំបន់ទេសចរណ៍ដោយរបៀបណា ទៅទិសដៅណា ហើយតភ្ជាប់តំបន់ទេសចរណ៍ធម្មជាតិណាខ្លះទៀត។ មិនតែប៉ុណ្ណោះក៏ដើម្បីតភ្ជាប់ជារបៀងទេសចរណ៍ធម្មជាតិផង និងបង្កើនវិសាលភាពតំបន់ទេសចរណ៍ធម្មជាតិ ដែលអាចបំពេញឲ្យគ្នាទៅវិញទៅមក ដើម្បីបម្រើឲ្យវិស័យទេសចរណ៍កាន់តែមានភាពទាក់ទាញបន្ថែមទៀត។

លោកស្រី ខៃ ចិន្តា បានគូសបញ្ជាក់ដែរថា បច្ចុប្បន្នសមាគមអៃរាវត្តាមានដំរីចំនួន ៤ ក្បាល ក្នុងនោះរួមមាន ដំរីញី ១ ក្បាល ឈ្មោល ២ ក្បាល និងកូនដំរីញី ១ ក្បាលទៀតឈ្មោះ ណូអែល ទេវី ផងដែរ។

សូមជម្រាបថា សមាគមអភិរក្សដំរីខ្មែរអៃរាវត្តាបង្កើតឡើងក្នុងគោលបំណង លើកកម្ពស់ការងារបរិស្ថាន ធនធានធម្មជាតិ អប់រំស្រាវជ្រាវ វប្បធម៌ប្រពៃណីខ្មែរ ដោយផ្ដោតលើការងារសំខាន់ចម្បងចំនួន ៣គឺ ទី១. ជួយកិច្ចការអភិរក្សដំរីស្រុកនៅកម្ពុជាដែលប្រឈមនឹងការផុតពូជ ទី២.ជួយលើកកម្ពស់វិស័យអេកូទេសចរណ៍នៅក្នុងតំបន់ធនធានធម្មជាតិ និងទី៣.បង្កាត់ពូជដំរីស្រុកឲ្យកើតកូនកើតចៅបានកាន់តែច្រើន៕