ព័ត៌មានជាតិ
នាយករដ្ឋមន្ត្រីឱ្យពង្រឹងគុណភាពផលិតផល ដើម្បីរក្សាទីផ្សារចាស់ និងបង្កើនទីផ្សារថ្មី
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅរសៀលថ្ងៃទី ២២ ខែធ្នូ ឆ្នាំ ២០២៣ បានជំរុញឱ្យពង្រឹកគុណភាពផលិតផលកម្ពុជា ដើម្បីរក្សាទីផ្សារចាស់ និងបង្កើនទីផ្សារថ្មីនៅក្រៅប្រទេស ព្រមទាំងផ្ដោតទៅលើការបង្កើនបរិមាណផលិតផលនីមួយៗលើការនាំចេញ។
ចំពោះការពង្រឹងគឺធ្វើយ៉ាងណាបង្កើនមុខទំនិញដែលនាំចេញនីមួយៗជាជំហានឱ្យបានច្រើន ខណៈសម្ដេចអះអាងថា ទីផ្សារមួយដែលបើកទ្វារហើយគឺជាឱកាសដើម្បីថែរក្សា និងរកទីផ្សារថ្មីបន្ថែមទៀត ប៉ុន្តែទីផ្សារដែលមានស្រាប់ធ្វើម៉េចកុំឱ្យបាត់បង់ និងមានលទ្ធភាពទាញឱ្យបានអតិបរមា សម្រាប់ផលប្រយោជន៍កម្ពុជា។
សម្ដេចធិបតីបានបញ្ជាក់ថា ការពង្រីកទីផ្សារថ្មីគឺជាការចាំបាច់ ហើយការធ្វើពិពិធកម្មទីផ្សារជួយយើងកុំឱ្យងាប់ក្រឡា។
សម្ដេចធិបតីមានប្រសាសន៍ថា៖ «ពិតណាស់យើងនាំទំនិញចេញទៅអាមេរិក អឺរ៉ុបច្រើន ប៉ុន្តែយើងក៏បានធ្វើការនាំចេញទៅកាន់ប្រទេសផ្សេងៗនៅលើពិភពលោកផងដែរ ឥឡូវនេះយើងបង្កើនមុខព្រួញទៅប្រទេសអារ៉ាប់បន្ថែមទៀត»។
សម្ដេចធិបតីបញ្ជាក់ថា ជួនកាលប្រទេសខ្លះស្ដង់ដារខ្ពស់ ប៉ុន្តែយើងមិនងាប់ក្រឡាទេ យើងត្រូវដើររកទីផ្សារផ្សេងទៀត។
យោងតាមរបាយការណ៍របស់ក្រសួងពាណិជ្ជកម្ម បង្ហាញថា នៅក្នុងរយៈពេល ១១ខែ ឆ្នាំ២០២៣នេះ ទំហំពាណិជ្ជកម្មរវាងកម្ពុជា-អន្តរជាតិសម្រេចបាន ៤៣,៥២ ពាន់លានដុល្លារអាមេរិក ក្នុងនោះការនាំចេញសម្រេចបាន ២១ ពាន់លានដុល្លារ កើនឡើង ៤,០៨ភាគរយ ហើយការនាំចូលសម្រេចបាន ២២ពាន់លានដុល្លារ ថយចុះ ២០ភាគរយ បើធៀបនឹងរយៈពេលដូចគ្នានឹងឆ្នាំ២០២២៕
អត្ថបទ៖ ឡេង ដេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង