ព័ត៌មានជាតិ
សម្ដេចតេជោ៖ ជោគជ័យ មិនមែនបានមកដោយការិយាល័យល្អ រថយន្តទំនើប សម្លៀកបំពាក់ស្អាតនោះទេ
សម្ដេចតេជោ ហ៊ុន សែន បានគូសបញ្ជាក់ថា ជោគជ័យ មិនមែនបានមកដោយសារការិយាល័យល្អ រថយន្តទំនើប ឬសម្លៀកបំពាក់ស្អាតនោះទេ តែផ្ទុយទៅវិញ ការបំពេញកិច្ចការប្រកបដោយប្រសិទ្ធភាពសម្រាប់ជាប្រយោជន៍ជាតិ និងប្រជាជន ទើបជាចំណុចជោគជ័យពិតប្រាកដ។
ការដែលសម្ដេចតេជោ ហ៊ុន សែន គូសបញ្ជាក់បែបនេះ គឺបន្ទាប់ពីសម្ដេច បានឃើញរូបថតមួយសន្លឹក ដែលពេលនោះសម្ដេចមានវ័យមិនគ្រាន់២៧ឆ្នាំផង បានកាន់តំណែងជារដ្ឋមន្ត្រីការបរទេស ក្នុងឆ្នាំ១៩៧៩។ តាមរយៈសំណេរនៅលើបណ្ដាញសង្គមហ្វេសប៊ុក នាល្ងាចថ្ងៃទី២០ ខែមករា ឆ្នាំ២០២៤ អមដោយរូបថតអនុស្សាវរីយ៍មួយសន្លឹកនេះ សម្ដេច តេជោ ហ៊ុន សែន បានរៀបរាប់ដូច្នេះថា៖ «ឃើញរូបថតមួយសន្លឹកនេះនឹកអាណិតខ្លួន។ ធ្វើរដ្ឋមន្ត្រីការបរទេសក្នុងវ័យមិនទាន់គ្រប់២៧ឆ្នាំ មិនទាន់បានជួបប្រពន្ធកូន មានរបបស្បៀង១៦គីឡូ ក្នុងនោះ អង្ករ១០គីឡូ ពោតក្រហម៦គីឡូ។ ងាកមកសម្លៀកបំពាក់ខ្ញុំ មានខោអាវធំតែមួយសម្រាប់នេះទេ ដែលជាជំនួយរបស់មិត្តវៀតណាម»។
បើតាមសំណេរដដែលនេះ សម្ដេចតេជោ ហ៊ុន សែន បានឱ្យដឹងបន្តដូច្នេះថា៖ «ខោអាវធំនេះ មិនបានវាស់កាត់ទេ បានជាខោវែងជាងជើងអាវធំជាងខ្លួន។ រីឯអាវក្នុងមានតែ២ទេ ស្បែកជើងទៅរើសនៅផ្សារថ្មី ម្ខាងធំ ម្ខាងតូចពាក់ឈឺជើងស្ទើរដើរមិនរួច»។ តែយ៉ាងណា សម្ដេចតេជោ គូសបញ្ជាក់ថា ខោអាវមិនស្អាតនេះ មិនរំខានដល់ការងាររបស់សម្ដេចនោះទេ វាតាមបម្រើសម្ដេចទាំងនៅរាជធានីភ្នំពេញ ទីក្រុងហាណូយ ទីក្រុងមូស្គូ កូឡុំបូ ប្រទេសស្រីលង្កា រួមទាំងពេលសម្ដេចធ្វើដំណើរទៅចូលរួមកិច្ចប្រជុំប្រទេសនៃចលនាមិនចូលបក្សសម្ព័ន។
សម្ដេចតេជោ សង្កត់ធ្ងន់ថា ខោអាវមួយសម្រាប់នេះ វាបានជួយឱ្យសម្ដេចទទួលបានជោគជ័យ រយៈពេលប្រមាណជាង ៤៥ឆ្នាំកន្លងមក ហើយជោគជ័យដែលបានមកដោយការលំបាកនេះ គឺជោគជ័យដ៏មានមោទកភាព និងត្រូវចេះថែរក្សាឱ្យខាងតែបាន។
ក្នុងន័យនេះ តាមរយៈរូបថតមួយសន្លឹកនេះ សម្តេចតេជោ ក៏បានរំលេចពាក្យពេចន៍ដ៏មានអត្ថន័យថា «ត្រូវចងចាំជោគជ័យមិនមែន បានមកដោយការិយាល័យធ្វើការល្អ រថយន្តទំនើប ខោអាវស្អាតនោះឡើយ តែបានមកដោយចេះធ្វើការដោយមានប្រសិទ្ធភាព ដើម្បីបម្រើដល់ផលប្រយោជន៍ជាតិ និងប្រជាជន»៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?