ព័ត៌មានជាតិ

កម្លាំងចម្រុះ ចុះពិនិត្យលើដងផ្លូវ ប្រទះឃើញអ្នកបើកបរ មានផ្ទុកសារធាតុញៀន ជាច្រើននាក់

បានផុស

៥ years មុន

នៅ

ថ្ងៃពុធ ១៧ កុម្ភៈ ២០២១

ដោយ

បាត់ដំបង ៖ នៅយប់ថ្ងៃទី១៧ ខែកុម្ភៈ ឆ្នាំ២០២១នេះ កម្លាំងចម្រុះរបស់អង្គភាពជំនាញ រួមទាំងសមត្ថកិច្ចបានសហការចុះត្រួតពិនិត្យ លើអ្នកបើកបរ យានយន្ត គ្រប់ប្រភេទដែលកំពុងធ្វើចរាចរណ៍តាមបណ្តោយផ្លូវលេខ ៥៧ ដែលជាផ្លូវវាងក្រុង ដោយបានសង្កេតឃើញថា មានអ្នកប្រើប្រាស់ថ្នាំញៀនជាច្រើននាក់ ក្រោយពី ពិនិត្យទឹកនោមរួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើកំណាត់ផ្លូវវាងក្រុងបាត់ដំបង ដែលស្ថិតក្នុងភូមិចំការឫស្សី សង្កាត់ព្រែកព្រះស្តេច ក្រុងបាត់ដំបងមានការដាក់កម្លាំងចុះត្រួតពិនិត្យ ដែលក្នុងនោះមាន លោកអភិបាលរងខេត្ត លោកឧត្តមសេនីយ៍ត្រី ស្នងការរង កុយ ហៀង លោក សុខ និមល នាយការិយាល័យ ប្រឆាំងគ្រឿងញៀន លោក ចាន់ សុធី នាយការិយាល័យ ចរាចរណ៍ផ្លូវគោក កម្លាំងមន្ទីរសាធារណការ ដើម្បីអនុវត្តនូវការរឹតបន្តឹងច្បាប់ក្នុងការធ្វើចរាចរណ៍នៅតាមដងផ្លូវ។

ជាក់ស្តែងគេសង្កេតឃើញថា នៅក្នុងកិច្ចប្រតិបត្តិការតែរយៈពេលប៉ុន្មានម៉ោងប៉ុណ្ណោះ ក្នុងការត្រួតពិនិត្យទៅលើអ្នកបើកបររថយន្ត ទាំងធំ ទាំងតូច និងម៉ូតុ សរុបចំនួន១១៧គ្រឿង គឺមានអ្នកផ្ទុកសារធាតុញៀនតាមរយៈការពិនិត្យទឹកនោម មានចំនួន២០នាក់។

ដោយឡែកទៅលើការត្រួតពិនិត្យអាវុធជាតិផ្ទុះ គឺមិនមានករណីនេះកើតឡើងឡើយ ទន្ទឹមនឹងនោះ ក៏សមត្ថកិច្ចត្រួតពិនិត្យ និងពង្រឹងទៅលើការវិលត្រឡប់របស់ពលករឆ្លងដែនដែរ ដើម្បីទប់ស្កាត់ឲ្យបាននូវការរីករាលដាលមេរោគកូវីដ-១៩ ដែលអាចឆ្លងចូលទៅក្នុងសហគមន៍៕

ដោយ ៖ សោ និយមរ័ត្ន

Related Topics:ខេត្តបាត់ដំបង គ្រឿងញៀន

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា