Connect with us

ព័ត៌មានជាតិ

ឯកឧត្តម ហ៊ុន ម៉ានិត ប្រាប់កងទ័ពប្រយ័ត្នការចែកចាយព័ត៌មានលើបណ្ដាញសង្គម ដែលអាចប៉ះពាល់សន្តិសុខជាតិ

បានផុស

នៅ

អគ្គនាយកនៃអគ្គនាយកដ្ឋានស្រាវជ្រាវចារកិច្ច ឯកឧត្តមឧត្តមសេនីយ៍ឯក ហ៊ុន ម៉ានិត បានប្រាប់កងទ័ពឱ្យប្រុងប្រយ័ត្នការចែកចាយព័ត៌មាននានានៅលើបណ្តាញសង្គម ដែលអាចនាំឱ្យប៉ះពាល់ដល់ការសម្ងាត់យោធា និងសន្តិសុខជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសចុះជួបសំណេះសំណាលជាមួយកងទ័ព គ្រួសារកងទ័ព និងនិវត្តន៍ជន នៃបញ្ជាការដ្ឋានរថក្រោះ កងទ័ពជើងគោក និងកងការពារព្រំដែន៥០១ នាថ្ងៃទី១៣ ខែមីនា ឆ្នាំ២០២៤ ឯកឧត្តមឧត្តមសេនីយ៍ឯក ហ៊ុន ម៉ានិត មេបញ្ជាការរងកងទ័ពជើងគោក និងជាអគ្គនាយកនៃអគ្គនាយកដ្ឋានស្រាវជ្រាវចារកិច្ច បានអំពាវនាវដល់កងទ័ពទាំងអស់ រួមគ្នាប្រយុទ្ធប្រឆាំងព័ត៌មានក្លែងក្លាយឱ្យបាន ដោយធ្វើយ៉ាងណាត្រូវបំផ្លាញចោលព័ត៌មានក្លែងក្លាយដែលធ្វើឱ្យប៉ះពាល់ដល់ ផលប្រយោជន៍ជាតិ។ ជាពិសេសនោះ ឯកឧត្តម បានណែនាំកងទ័ព ឱ្យមានការប្រុងប្រយ័ត្នខ្ពស់ចំពោះការចែករំលែកព័ត៌មានលើបណ្តាញសង្គម ដែលអាចប៉ះពាល់ដល់ការសម្ងាត់យោធា និងសន្តិសុខជាតិ ដើម្បីការពាររាជរដ្ឋាភិបាល និងផលប្រយោជន៍កងទ័ព។

ឧត្តមសេនីយ៍ឯក ហ៊ុន ម៉ានិត ក៏បានណែនាំឱ្យកងទ័ពបន្តពង្រឹងសមត្ថភាព ចំណេះ ជំនាញ បន្ថែមទៀត ហើយចូលរួមគាំទ្រ និងអនុវត្តឱ្យបានសកម្មខ្លាំងក្លានូវកំណែទម្រង់ និងការធ្វើទំនើបកម្មយោធា ដែលដាក់ចេញដោយរាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ ដើម្បីធានាខឿនការពារជាតិ ការពារសុខសន្តិភាព បូរណភាពដែនដី ឱ្យខានតែបាន។

បន្ថែមពីនេះ ដើម្បីចូលរួមចំណែកជាមួយរាជរដ្ឋាភិបាលដែលកំពុងអនុវត្តយុទ្ធនាការប្រយុទ្ធប្រឆាំងគ្រឿងញៀនខុសច្បាប់ ដែលជាបទបញ្ជាយ៉ាងម៉ឺងម៉ាត់របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឧត្តមសេនីយ៍ឯក ហ៊ុន ម៉ានិត បានទទូចឱ្យកងទ័ព រួមគ្នាទប់ស្កាត់ការប្រើប្រាស់ និងជួញដូរគ្រឿងញៀនខុសច្បាប់គ្រប់ប្រភេទនៅកម្ពុជា ផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៥ នាទី មុន

អាជ្ញាធរខេត្ត​ព្រះសីហនុ បង្ហាញ​វត្ថុតាង​គ្រឿងញៀន​ជិត​២​តោន ដែល​សមត្ថកិច្ច​ចម្រុះ​បង្ក្រាប​រឹបអូស មុននឹង​យកទៅ​ដុត​កម្ទេចចោល

ព័ត៌មានជាតិ១ ម៉ោង មុន

អាជ្ញាធរខេត្ត​កំពង់ចាម រួម​នឹង​មន្ត្រី​ជំនាញ ពិនិត្យ​ដោយផ្ទាល់​ទីតាំង​ស្រែ​ស្រូវ​របស់​បងប្អូន​ប្រជាកសិករ ដែល​ទទួលរង​ការយាយី​ដោយ​សត្វ​ដង្កូវ​

សេចក្ដីជូនដំណឹង១ ម៉ោង មុន

សិន​ជូ​រី ផ្លា​ហ្សា​ ៖ មជ្ឈមណ្ឌល​ផ្សារ​ទំនើប​លក់ដុំ និង​រាយ​ភ្នំពេញ​ ទីតាំង​សម្គាល់​ថ្មី​នៃ​ឧត្តមភាព​សហគមន៍

ព័ត៌មានជាតិ២ ម៉ោង មុន

ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា

កីឡា៣ ម៉ោង មុន

U20បាល់ទះ​កម្ពុជា មិនអាច​ឡើងវគ្គចែកពូលជើងឯកអាស៊ីបានឡើយ បន្ទាប់ពីចាញ់វៀតណាម

Sokha Hotels

ព័ត៌មានពេញនិយម